律己以嚴係咪都要有限度？

原帖由 cu5437 於 2006-7-13 23:14 發表
我聽過呢句「待人以寬，律己以嚴」，待人以寬即係寬容對待他人，咁我想問律己以嚴需唔需要限度呢？因為對自己要求太高係會俾自己一個好大既負累嘛

唔好講「待人以寬，律己以嚴」咁小事，
小弟相信呢個世界所有事都係物極必反，
至於幾高先叫高，
都係隨自己心意啦！

簡單Ｄ講：
不時搵Ｄ理由（或者叫「藉口」）「催眠」自己，
講到自己冇錯就得o架喇～～

P.S.：
似乎小弟都要學識應用頭半句……

正因為咁，所以好多人都做到律己以寬，但做唔到律己以嚴。
無謂令自己受罪，開心d，有咩唔好je。

我諗一樣野，對自己有咩要求，最終目的都係達到
心安理得。只要唔違反原則同良心，就應該無問題，
最緊要係令自己舒服。

至於對其他人要求又要有咩唔同，可能要睇果個係
一個咩人。一個人無理由對自己要求仲高過特首，
除非自己已經係特首，係咪？

自由和自律之間要有個平衡,
律己過嚴既話係有好多野都做唔到.