W3有望局部重開

應該繼續停駛，因為此線係為高鐵而開，一係取消。

YY487 發表於 2020-4-25 21:14
你廣福巴士站擠塞又唔知，週末日間大埔墟擠塞又唔知，早繁唔少線林村河以北已經坐滿又唔知
咁邊個只係識 ...

你成日淨係識得話廣福道塞車， 廣福巴士站塞車， 咁唔通大埔中心唔塞車咩？ 成日話逆走好逆走好，你知唔知完善路轉入大埔太和路嗰隻灣成日cup4?
你係都要抆走啲線， 但係零補償， 要人轉車 甚至要行兩個字先去到巴士站， 而你揀嗰條路， 早繁亦唔見得通順， 朝早淨係轉右上完善路出九龍嗰盞燈， 我揸車經過，隨時要等三轉先至出到。 拉落去時間慳唔到幾多， 客做少咗， 廣福人連做閘長嘅機會都畀你剝削埋。
就算大中嘅區議員都唔敢拎出嚟上區議會講啦下話？
冇人話廣福個生態圈好脆弱， 我只係唔滿意你太魚蛋論， 成日話所有車行同一段路會斷䌫， 所以就要抆走部w3。 係唔係掹走咗部w3， 大埔線就唔會斷䌫？w3 直入吉之島， 係唔係對大埔巴士斷䌫少咗會有幫助？ 你有冇諗過文娛中心對出 一撞 你點樣走線都係死？ 咁係唔係要將一半車抆落去剩做大埔墟 同運頭塘？ 客量夠唔夠？ 總站擺位夠唔夠？
如果你唔係淨係識google map的話， 就一定係吉之島大帝。 因為你覺得只要有一半巴士吉之島直上公路， 成個大埔就天下太平。 住大埔其他地方嘅， 都係蟻民， 要去大埔中心朝拜你地。

不過可惜你哋帝區唔近高速公路。 如果巴士識飛就好啦， 咁就可以唔使停紅綠燈喺大埔中心直上公路， 定係叫政府起條橋直接 由元洲仔駁去大埔中心畀你哋巴士直入好唔好？

廣福朝早巴士站嘅情況， 已經有人po咗上去 facebook大埔group， 以咁嘅客量， 仲話要少一半班次經廣福， 到底大埔中心定係廣福邨先係大帝， 答案已經好顯然易見。
W3， 係廣福同大埔墟朝早嘅救命草， 其他線如271，307上唔到車， 就旨意曬佢。 大埔中心一帶已經坐擁咁多條區外線， 你仲要搶埋林村河以南嘅唯一一條救命草， 你好意思拎出去同人講嗎？

Oliver_ME16 發表於 2020-4-26 16:02
你成日淨係識得話廣福道塞車， 廣福巴士站塞車， 咁唔通大埔中心唔塞車咩？ 成日話逆走好逆走好，你知唔 ...

講到咁直白會好易玩爛玩具，人地會唔好意思深潛喇。

言歸正傳：大中都唔拎上區議會講，其實係深明大義，只係某一田帝火遮眼諗唔通，大埔FB Group都「投訴無門」，咪由得佢响呢度俾佢呻下。

YY487 發表於 2020-4-25 21:16
原來將所有雞蛋放係同一個籃就唔損人利己，多謝分享

其實改走人地條線的呢個道理就相當於小學生都識嘅：送咗份禮物俾人，但之後反悔要搶返嚟咁解。

Oliver_ME16 發表於 2020-4-26 16:02
你成日淨係識得話廣福道塞車， 廣福巴士站塞車， 咁唔通大埔中心唔塞車咩？ 成日話逆走好逆走好，你知唔 ...

大埔中心都好塞，八號海寶個燈位10晚有9晚都塞，
所以一直講緊唔應該所有車塞晒落同一段路，
係你哋因為現況多客，覺得唔行呢條路會死。