東鐵一延長過海 , 過海巴士真係唔使玩

ahken 發表於 2020-4-24 14:02
根本如果想做銅鑼灣, 呢個站固然唔飛得, 但如果條條線都要行呢個站(又要塞燈塞盛嘅話), 咁啲客嫌慢用腳投 ...

而家都係諗102/106點算，112/116行法肯定要保留，銅鑼灣巴士同地鐵都係海軍鬥水兵，地鐵站個設計行返上地面都唔係易事，去時代廣場一帶更甚

MCMoore 發表於 2020-4-24 17:07
而家都係諗102/106點算，112/116行法肯定要保留，銅鑼灣巴士同地鐵都係海軍鬥水兵，地鐵站個設計行返上地 ...

鐵路有優勢得灣仔電車路/灣仔北/金鐘，銅鑼灣除左要金鐘轉車仲要地底行上去都要時間。
112點解怡和街咁多客都做唔哂就咁解而且巴士有價格優勢

首先講北行，102喺天后轉出興發街，停景隆街，再兜灣仔北一圈入紅隧／上埋堅拿道橋底落橋調頭再上橋過海根本唔會快得過112直行，所以北行已經可以毫無懸念2合1，跟而家112嘅行法。

南行嘅話102嘅優勢係直落維園，所以去天后打後嘅客唔會搭112／116，但係呢啲客基本上都係紅隧口嘅客，真正彌敦道沿線去炮台山打後已經保哂鐵，所以只要留返106都已經夠做，所以102南行亦都無得留低。

所以到時我覺得其中一個可能嘅結果就係112原封不動留低，延長服務時間銜接返N122頭尾車，而117就再延長服務時間，拉埋入荔枝角，同時食哂102同171。

106同116因為九龍有分工，而且黨鐵唔方便，所以相信只係因應無咗紅隧口轉車站而減班，條線唔會有危險。

miklcct 發表於 2020-4-24 18:11
首先講北行，102喺天后轉出興發街，停景隆街，再兜灣仔北一圈入紅隧／上埋堅拿道橋底落橋調頭再上橋過海根 ...

102P全日都唔肯做，智智係咪太無鬥志

tszhinchan3 發表於 2020-4-24 14:28
點解冇人講下680/681/682？
681應該影響比較大，雖然始終直出灣仔，但對比當年馬鐵開應該會有一定客量流失 ...

你見我前面都講，東鐵過海對金鐘灣仔影響最大，非繁銅記先係客倉681 衰極都做到回程銅鑼灣，680 682 又有港島東客，係有影響嘅依家一期通車已經影響咗
本身馬鐵要碌落大圍觀感都唔特別好，同埋如果遲下大圍上唔到車，馬鞍山客就要落紅磡轉，慢碌中九龍唔覺得特別吸引

miklcct 發表於 2020-4-23 18:24
快15分鐘？！香港交通咁方便，唔同嘅合理方法之間相差超過10分鐘已經好罕見，真係快到15分鐘嘅係得極端例 ...

不如同你講講 15 分鐘嘅重要性，用個例子講荃灣西去大圍，如果你喺海之戀出發，點都係搭鐵最快。你可能覺得兜，事實係全程搭鐵 31 分鐘一定搞掂，計埋 2 分鐘入閘落大堂 9 分鐘 (worst case 西鐵 6 + 東鐵 3 分鐘) 等車，42 分鐘可以講話係一定到。無錯我行去搭 481B 車程計 20 分鐘搞掂，問題係我要用 10 分鐘行去街市街。好喇，30 分鐘同 42 分鐘比夠唔夠快呢？問題係你唔知 481B 幾多人等，亦唔知等車要等幾耐，如果我要用多 10 分鐘等車嘅話，點解我要為咗 2 分鐘去 sacrafice 個穩定程度同價錢？
點解用 15 分鐘做定位，係如果一般等車時間都要 10 分鐘甚至更多，然後沿途又有機會塞車嘅話，15 分鐘最後可能只係變打和。當然 15 呢個數每個人可以唔同，但我覺得少過 15 分鐘分別而我去目的地要做好重要嘅事嘅話，除非我預知慢 15 分鐘嘅方案一定趕唔切，唔係我都唔搏
如果你記得你係咁俾人鬧果段片，你下次試下尖碼出發去柯士甸搭西鐵 / NR720 比，就算 NR720 接近全程跑公路唔塞車都好，都要 35 分鐘先返到屯市，你架西鐵已經到屯門站喇

tonychow 發表於 2020-4-24 18:48
不如同你講講 15 分鐘嘅重要性，用個例子講荃灣西去大圍，如果你喺海之戀出發，點都係搭鐵最快。你可能覺 ...

一次半次就話計 worst case ，成日用嘅話計 worst case 只會浪費時間，我呢啲情況之下係計 average case 。尤其係要多重轉車嘅場合，幾程嘅等車時間加埋會趨向 normal distribution ，喺 average case 前後幾分鐘最大機會去到。

你嗰個481B嘅例子，行去小巴站10分鐘呢度係重點。如果喺小巴站附近出發，點都無理由行返10分鐘返去地鐵站搭兜路嘅地鐵。只係短短3-4分鐘嘅步行距離已經可以足夠決定搭邊條唔同嘅線。兩端都差3至4分鐘嘅話，已經喺極大嘅差異。例如由西環電車總站去旺角豪華戲院，點都係搭904，即使要兜大角咀都有明顯優勢；如果將個終點移去旺角街市，咁就見車程再慢啲嘅971都會上；但係如果將個起點移4分鐘去街市，終點移4分鐘去彌敦道，唔使諗，即刻保鐵。而如果起點移近北街少少，終點向東移少少去通菜街左右，咁就變成紅VAN最大優勢。同樣西環去旺角，幾分鐘步行範圍內，已經可以做到4條線各有優勢。

miklcct 發表於 2020-4-24 18:11
首先講北行，102喺天后轉出興發街，停景隆街，再兜灣仔北一圈入紅隧／上埋堅拿道橋底落橋調頭再上橋過海根 ...

102基本上大部分時間都快過112，繁時或者唔太大分別，非繁日間同夜晚都快5-10分鐘，你試下坐112 用20分鐘塞中央圖書館一段！因為禮頓道既亂泊，3線變1線情況咁多年都冇改善

miklcct 發表於 2020-4-24 15:39
與其970X入海怡，不如X970做全日長沙灣至海怡

X970太貴,一係970X好似30X咁薄扶林道半直通,其餘交俾970做

miklcct 發表於 2020-4-24 18:11
首先講北行，102喺天后轉出興發街，停景隆街，再兜灣仔北一圈入紅隧／上埋堅拿道橋底落橋調頭再上橋過海根 ...

同一個情況，南行一個皇室堡落左1/3以上，係咪真係會冇客？112停Sogo ，然後去維園先落，加埋鵝頸橋落銅鑼灣大部分時間都有機會塞，好難理解點解要殺條102
少左客會明白，但係真係搭鐵會跑台山同北角快d 我有一定保留，搭鐵估計用7分鐘由紅磡去金鐘，用5分鐘上落，2分鐘等車，由金鐘即班到跑台山約10分鐘，即25分鐘，跑台山站行上出口最快5-8分鐘，一共30分鐘！
同一時間，用紅磡站出，5分鐘去到巴士站，用10分鐘等車（我當非繁），15分鐘可以去到七海商業中心！（不計算之後一段到北角沿途沒有鐵路覆蓋）其實時間上不比現在轉車差，兼不用上落地鐵站！睇唔到點解會南行殺條102？