hkitalk.net 香港交通資訊網

 找回密碼
 會員申請加入


(B0)香港巴士車務及車廂設備 (B1)香港巴士廣告消息/廣告車行踪 (B2)香港巴士討論 [熱門] [精華] (B3)巴士攝影作品貼圖區 [熱門] [精華] (B3i)即拍即貼 -手機相&翻拍Mon相 (B4)兩岸三地巴士討論 [精華] (B5)外地巴士討論 [精華]

Advertisement


(B6)旅遊巴士及過境巴士 [精華] (B7)巴士特別所見 (B11)巴士精華區 (B22)巴士迷吹水區   (V)私家車,商用車,政府及特種車輛 [精華]
(A6)相片及短片分享/攝影技術 (A10)香港地方討論 [精華] (A11)消費著數及飲食資訊 (A16)建築物機電裝置及設備 (A19)問路專區 (N)其他討論題目  
(F1)交通路線建議 (C2)航空 [精華] (C3)海上交通及船隻 [精華] (D1)公共交通有關商品 [精華]   (Y)hkitalk.net會員福利部 (Z)站務資源中心
(R1)香港鐵路 [精華] (R2)香港電車 [精華] (R3)港外鐵路 [精華]   (O1)omsi討論區 (O2)omsi下載區 (O3)omsi教學及求助區
(M1)小型巴士綜合討論 (M2)小型巴士多媒體分享區 (M3)香港小型巴士字軌表        
 

Advertisement

 

hkitalk.net 香港交通資訊網»論壇 (B) Bus 巴士討論區 香港巴士討論 (B2) 90年代往尖沙咀之晨早特別路線
開啟左側

[其他] 90年代往尖沙咀之晨早特別路線

  [複製鏈接]
miklcct 發表於 2020-4-17 10:19 | 顯示全部樓層 |閱讀模式

                                    Advertisement




90年代九巴陸續開辦以尖沙咀碼頭之晨早特別線,大多經西九龍走廊落旺角,以前全盛時期幾乎新界各邨都有一條,當中不少已經由全日路線取代,部分更變成特慢線。



235X 安蔭(1993-1996,由全日特慢線35A延長取代)

237A 葵盛(1997特慢,2010改經西九龍走廊)

242X 長亨(1992, 2004-2008設回程服務)

244X 青衣碼頭(1992-1995,由全日特慢線41A延長取代)

252B 恆順園(1992特慢,2009改經西九龍走廊)

257B 山景(1994-2009)

258B 良景邨(1991特慢,1992改經西九龍走廊,由全日3幹特快260X取代)

258C 建生(1992-2000,由新全日3幹特快260X取代)

259B 屯門碼頭(1991特慢,1992改經西九龍走廊,2007-2015年間設回程及遷往九龍站)

259C 新屯門中心(1991特慢,1992改經西九龍走廊)

260B 屯門市中心(1991特慢,1992改經西九龍走廊)

261B 三聖(1994經兆麟苑,2010改經深井)

267S 兆康苑(1991特慢,1992改經西九龍走廊,2016取消)

268B 元朗東(1992-1998,由新全日特慢路線63X及特快路線269B取代)

269B 天瑞(1993-1993,由新全日特慢線69X取代)

280P 穗禾苑(1992-2015,經窩打老道直達油麻地,由新全日青沙路線280X取代)

287P 圓洲角(1996-1999,經太子,由新全日路線281A取代)



另加幾條同樣90年代開辦去尖沙咀的特別線,但並非以尖沙咀碼頭為終點站。

219X 麗港城 → 尖沙咀(1994,同年改為全日服務)

219P 油塘 ↔ 尖沙咀(1997-2015,219X之特別班次,由14X全日改經尖沙咀取代)

230X 荃威花園 → 黃埔花園(1992)

271 富亨 ↔ 尖沙咀(中間道)(1991,經窩打老道直達油麻地,1993改為全日服務,總站遷往廣東道)

281P 廣源 → 尖沙咀東(1991-1999,經窩打老道直達油麻地,由新全日路線281A取代)

298P 坑口 → 尖沙咀(中間道)(1991-1992,經東九龍走廊直達佐敦,由新全日路線98D取代)



請問以上有沒有遺漏任何於1991-1998年間開辦,而且是開往尖沙咀之繁忙時間空調路線?



至於西九龍走廊之使用方面,30X於開線初期,繁忙時間服務之年代已經率先行經,但於1991年改為全日服務時卻改為特慢線,連同46線瓜分30線於長沙灣及佐敦之路段,而該年開辦之特別線亦是特慢行走,於1992年實施巴士專線時才改行西九龍走廊,往後新界西之晨早特別線大多途經西九龍走廊。



這裏我有個問題。為什麼237A及252B開辦時仍然是以特慢線方式運作?237A沿線有普通線37去大角咀,252B開辦後1星期,沿線亦已經有普通線52X去深水埗。



這些晨早特別路線之中,235X、244X及269B最終是由全日服務之特慢線取代,為什麼當年可以輕易用全日特慢路線取代晨早特快路線?但到了2000年代,巴士公司又希望將全日巴士路線改行西九龍走廊以加快車程?



另外,上面大多路線以尖沙咀碼頭為總站,當年是否有大量乘客透過該等路線轉乘渡輪過海?而除219P及230X之外,其餘並非以尖沙咀碼頭為總站之路線是不是均已經有可直接過海之路線(我數到麗港城有觀塘線,大埔有307,沙田第一城有182,將軍澳有690)?但是青衣已經有348可以過海,其去尖沙咀之特別線244X亦同樣以尖沙咀碼頭為總站。



進智公交
士刁拔尼.奧 發表於 2020-4-19 22:34 來自手機 | 顯示全部樓層
尖碼做總站最間單就係,行晒成條彌敦道後,最直接完結果條線的安排。至於269B,就因當年天水圍要全日線,而要快就早用咗904R出去
天空之神 發表於 2020-4-19 23:34 來自手機 | 顯示全部樓層
252B 係小欖直出快 52X 到長沙灣,反而而家飛西廊之後,去長沙灣要搭返 52X 變慢左
GZ4031 發表於 2020-4-20 00:07 | 顯示全部樓層

                                    Advertisement



整體黎講, 我覺得係九巴冇遠見, 以為荃灣線一通就會死哂
嘗試每條都講少少235X 根本九巴廿年後先知衰, 用條35X去做番, 北葵既交通真係比一條35A所謂線皇整爛左, 唔係咩都大流水就有用, 不過廿年前可能路冇咁塞冇人覺啦

237A 如果仲係特慢應該死左, 但如果2010 佢改完西廊, 下一步係跟現37走線, 會有290/A式既協同效應去旺角, 亦同時有較快既方法去尖咀, 而葵芳葵興呢家係冇既, 偏偏九巴係唔會做

242X 又係一大敗筆, 佢既回程唔洗講啦, 但都係同一樣野, 如果佢一早學41A既做法全日, 青衣南條249M 即刻開少兩班都得

244X 就更加, 廿年後既41A證明左青衣一個山下養得起15分鐘一班旺角直通, 回車亦係所有新界旺角線最快既一條

252B 唔熟, 不過青公一帶一做想要63X式既車, 奈何冇人理, 紅van 分左塊餅, 而如果兜埋深井好似261B咁亦尷尬 (er.. 唔好停轉車站囉起碼)

257B 山景應該不嬲都少人

258B 258C 轉260X全日先係最合理

259B 問題出於60X多車而碼頭覺得慢, 我諗如果259B 加車再跟59M/X 方式入屯門碼頭, 隨時變另一條41A

260B 唔熟

267S 唔係諗住自己響兆康打到西鐵掛, 青公屯東就算數啦, 做唔起都冇計

268B舊野黎

269B舊唔熟

280P轉280X 呢個又係復活節既代表


61233 發表於 2020-4-20 00:35 | 顯示全部樓層
提示: 作者被禁止或刪除 內容自動屏蔽
dennis28a 發表於 2020-4-20 00:42 | 顯示全部樓層
本帖最後由 dennis28a 於 2020-4-20 00:44 編輯
GZ4031 發表於 2020-4-20 00:07
整體黎講, 我覺得係九巴冇遠見, 以為荃灣線一通就會死哂
嘗試每條都講少少235X 根本九巴廿年後先知衰, 用條 ...

唔同意,問題係政府交通政策上,九十年代出現好多變化。

九十年代,機場核心計劃未起好,同時面對緊地鐵容量飽和,新界西新市鎮發展,先出現 90 年代尖沙咀晨早特別線。
點解去到尖沙咀?目的係要方便有批客去到尖沙咀碼頭過海,去紓緩荃灣線壓力(當時有晒新聞報導)。

當到 98 年,東涌綫、西隧、大欖隧道通車,當時運輸署己經大規模重組整體政策,
有潛質全日尖沙咀特別線已經係 90 年代至 2000 年頭全日晒,後期改為主力開 9 字頭西隧線解決問題。

另一個關鍵係,自從東涌綫,以及新鐵路陸續拍板(將軍澳綫、尖沙咀支線、西鐵、馬鐵),
運輸署由處理荃灣綫飽和變成解決主幹道空氣污染,以鐵路為骨幹,K 線、M 線轉車交通政策。
荃葵青有唔少線就係因為彌敦道唔夠 Quota 問題,所以凍結左全日化規劃,想快?落山保鐵啦。
本身諗住九龍南環線起好,進一步殺死大部分尖沙咀特別線。

到 2009 年,九龍南綫真係起好,新界西去尖沙咀特別線根本無競爭力可言,
又倒轉頭出現西鐵綫準備飽和討論,地區有多人聲音唔比殺線,
殺線又殺唔成,當時九巴為左救亡,先提出更多西廊提速計劃。


惡意回復是不道德的行為。
HU6455 發表於 2020-4-20 01:03 來自手機 | 顯示全部樓層

                                    Advertisement



當年好似大西北出九龍全日線,最遠吾可以過佐敦道
AD118 發表於 2020-4-20 01:43 來自手機 | 顯示全部樓層
全冷線收費貴同埋西九廊版30X冇乜客,令九巴對全日西九廊特快線冇信心先令到235X,244X同269B成功改返做冷熱特慢線
GZ4031 發表於 2020-4-20 01:53 | 顯示全部樓層
dennis28a 發表於 2020-4-20 00:42
唔同意,問題係政府交通政策上,九十年代出現好多變化。

九十年代,機場核心計劃未起好,同時面對緊地鐵 ...

我錯, 我指既係以為東涌線同九龍南線駁完會死哂

「有潛質全日尖沙咀特別線已經係 90 年代至 2000 年頭全日晒,後期改為主力開 9 字頭西隧線解決問題。」
呢段係用左響大西北身上... 葵涌基本上都係得特慢
同埋如果真係quota 問題, 咁拆線原理上仲少左車行, 例如35A分拆成35X而自己縮到旺角, 咁尖咀到旺角南都會少左車

我傾向相信係佢地鐵路為幹既政策, 誤以為可以滿足到, 誰知十多年後先發現35X 41A有市場... 後知後覺既感覺強
反正去到十幾年後其實quota 都係存在, 可能鬆d啦
EX-TL 發表於 2020-4-20 02:38 來自手機 | 顯示全部樓層

                                    Advertisement



HU6455 發表於 2020-4-20 01:03
當年好似大西北出九龍全日線,最遠吾可以過佐敦道

一些非市中心路線不可以過亞皆老街, 60X 68X最遠只到佐敦道碼頭, 但九十年代容許天水圍開出經屯門東北的69X到九龍車站, 算是慢慢放寬政策內容, 隨後出現更多樓主所講嘅慢線取代快線例子.

呢度以前都有相關討論, 但真係好多年冇人拎出嚟講, 當年傾嘅板友, 我諗十個有九個變左CD-ROM, 或者全身而退.

九巴自己亦一步步將經荃灣出九龍的路線縮短或取消, 由X線取代.

另回上面板友:

政策和隨後由巴士公司及運輸署進行的協調, 以整體而言, 算是一個不能讓太多新界路線行駛彌敦道 上海街等繁忙路段, 影響到九龍區交通的手段.

九龍區人口遷移和老化, 工業式微轉型, 地鐵越來越普及化......, 一堆因素串埋, 市區巴士路線逐漸被淘汰, 就會多出空間讓新界路線直達九龍市肺, 並非政府有沒有遠見的問題.

簡單啲講, 二千年後的世代, 香港發展真係冇上世紀八 九十年代咁快, 當年應該要用急促來形容, 特別係新市鎮發展, 而家啲基建都冇以前咁多咁大, 市民對價格敏感度亦冇以前咁緊張.

以前特快線大小同價, 收費等級表亦另有一套, 熱狗冷馬價格差用%去計, 嗰個年代屯門 元朗搭$6 $7熱狗出市區已經係全港最貴, 2字頭出市區係豪華服務, 唔係人人畀得起, 當市民越來越富有, 再慢慢推展到屋邨路線都可以越過亞皆老街/佐敦道後......, 而家無論快線慢線一樣用同一個等級表, 市面只有冷馬, 一年飛幾轉日韓台, $20都係閒錢嘅年代, 香港發展不再騰飛, 各方面都唔能夠跟以前直接做比較.
您需要登錄後才可以回帖 登錄 | 會員申請加入

本版積分規則

Advertisement

Advertisement

Advertisement

Advertisement

Advertisement

站規|清理本站Cookies|hkitalk.net 香港交通資訊網

GMT+8, 2024-3-29 15:31

Powered by Discuz! X3.4

Copyright © 2001-2020, Tencent Cloud.

快速回復 返回頂部 返回列表