廣福邨點解可以做到大帝，獨攬全區所有直出線？

271_N271 發表於 2020-4-21 16:50
富蝶邨落成之後，我估73X/74X/271其中一條會拆線，
到時運頭塘應該分到其中一條，估計係用南運路上富蝶。 ...

我估73X會拆線，一來夠密車同多客，

二來本身有廣福特車，而家一線走大埔係特登兜入廣福入面，

如果拆線係富蝶、富亨、廣福就變左順路走，

另一條可以（太和）、大埔中心、大埔墟、運頭塘行達運路上公路～

樂仔〞 發表於 2020-4-22 19:23
巨-ed 你中意企足成條公路啫，唔好迫人同意你啦好嘛 ...
有得揀，邊個會想企足成條公路？

繁忙時間搭得巴士大線，大部分時間都唔會有位坐嘅啦（除非俾你咁好彩喺前車走咗之後到站，好快後車又到）。

無論我搭開嘅58M、260X、960、961定970／970X，條條繁忙時間正常都係企閘口。非全日嘅特別車就好少少，但都唔一定有得坐。我相信大埔嘅72X 73X 74X 75X 271 307條條都一樣。

不過呢，俾你上到車，通常20分鐘之內已經捱到去下個轉車站或者落公路嘅啦，到時就大把人落車讓出座位，但係同時你都會落車，所以都係無得坐。

miklcct 發表於 2020-4-22 20:27
當時我理據係「要其它邨嘅車特登兜入去」，而家理據係「令到其它邨無得直出」，呢度係有少少分別，個分別 ...

咁點呢?
強逼取消廣福外的車站?
還是諗住炸咗廣福呢個 "帝區" 唔俾再有人晌度住, 就冇咗帝區?
然後巴士就可以做到你所謂直出?

cky 發表於 2020-4-22 20:38
咁點呢?
強逼取消廣福外的車站?
還是諗住炸咗廣福呢個 "帝區" 唔俾再有人晌度住, 就冇咗帝區?

咁大埔嘅其它邨，一係直情無車，一係因為部車兜大埔墟搞到要經廣福。只要條線唔再經大埔墟咁就可以直出啦，我相信起碼可以改條75X，改放大埔中心，然後即刻南運路（或者入一入富善）直出上公路，起碼原本嘅客可以大老山見。之後改埋271，富亨開之後大埔中心直接走人。

同位置好大關係，接吐露港公路同大埔公路，出九龍必經之路，正如青衣的長安、葵涌的葵芳、東九龍的黃大仙、新蒲崗、彩虹

ricky 發表於 2020-4-22 20:49
同位置好大關係，接吐露港公路同大埔公路，出九龍必經之路，正如青衣的長安、葵涌的葵芳、東九龍的黃大仙、 ...

必經之路？完善路拆咗呀？！

miklcct 發表於 2020-4-22 20:47
咁大埔嘅其它邨，一係直情無車，一係因為部車兜大埔墟搞到要經廣福。只要條線唔再經大埔墟咁就可以直出啦 ...

你就咁改曬啲車直出有咩用先?大中至廣福道沿線又唔係冇人搭，成條線又唔係兜得唔合理。最慘係你直出咪又係要食燈位先上到公路。
無可否認，運頭塘，太和，大中以北係冇咩市區巴士線，咁解決方法就係拆線同加駁腳，而唔係一味將啲線改直出就算，除左得左快字，對成個大埔都冇益處

Anonymous 發表於 2020-4-22 21:00
你就咁改曬啲車直出有咩用先?大中至廣福道沿線又唔係冇人搭，成條線又唔係兜得唔合理。最慘係你直出咪又 ...

如果75X改完善路直出，喺大老山轉車站轉車，半個大埔去成個東九龍即刻快好多。
同樣道理，如果271改直出，喺九龍塘轉車，半個大埔去成個油尖旺即刻快好多。

miklcct 發表於 2020-4-22 20:50
必經之路？完善路拆咗呀？！

以完善路既路口，一入左就變得非常兜路，

既然你咁想搞，不如咁啦，拎272E、272P兜入去試水溫，

不過條線就會變成咁：

太和、大埔中心、大埔墟、廣福邊皮，

無去廣福球場！咁就成功改經完善路走人！

不過條線變左超級S形走線，唔知現有乘客會點唸呢？

石頭 發表於 2020-4-22 21:11
以完善路既路口，一入左就變得非常兜路，

既然你咁想搞，不如咁啦，拎272E、272P兜入去試水溫，

完善路係大埔中心直出市區最直接嘅途經，何來兜路？

大埔9條全日特快線，72X 73X 74X 75X 271 307 A47X E41 W3；74X同75X經同一個轉車站，72X同271去到九龍塘都係重疊，A47X同E41又服務同樣地區，根本就應該大執。

74X 75X呢組，74X應該自體分拆，一條太和開經廣福，一條富善經大埔中心直出，然後齊齊飛埋鑽石山，咁75X可以唔郁。
72X 271呢組，成條271可以改做富亨經大埔中心直出。
A47X E41呢組，A47X可以改行運頭塘上高速，因為運頭塘無車去機場。
至於W3，應該改停大埔超級城，喺正成個大埔嘅中心，咁大部分人都唔使再駁車。

咁樣改一改，大埔中心即刻有3架特快車，同而家0架特快相比係大進步，而原有廣福嘅乘客繼續可以搭直上高速嘅線去到轉車站再算（W3嗰邊就要配合另一條青沙路線轉全日先得）。

另外，以而家73X同75X嘅迂迴程度，如果我喺富善出發，我係唔會喺總站上車，而只會喺廣福街市上，咁可以慳時間。而如果喺富亨出發，要轉市區線，我亦都只會搭71A，唔會搭71B（喺要轉車嘅場合，梗係搭總車程最短嘅轉乘組合）。