沙田區M線前途?

bennyho1004 發表於 2020-4-22 21:41
89C唔改特怏就唔可以殺286M

唯一方法，只有霸王硬上功直接硬Cut 286M，九巴又唔係冇做過呢樣嘢。
89C/89D呢個死結，錯就錯在兩線班次密度、客源分怖、用車數量唔平均得好離譜。
在我角度嚟講，殺286M/救89C都好，重點係根本就冇辨法改變到班客用腳支持89D呢個事實，而非繁忙89C班次做唔做到89D最密班次嘅1/3密度都係一個問題。

RyanPun 發表於 2020-4-22 18:18
85M兜錦泰，一係A41P走線，特登屈入恒康街轉一圈，一係就直行唔入，不過我都幾肯定85m唔行恒康街嘅話一定 ...

85M係恆康街係客倉之一，唔入肯定嘈。
當然89D係該處都係同樣時間上老隧，但問題係：
1. 89D客量龐大，恐怕難以再接收85M撤出耀安後的乘客；
2. 85M只收$7.8，如果85M撤走，等於迫人比多$1.1。

但係cut 286M都唔易，一來錦泰無左快車上老隧；
二來就算用85M取代，價錢都已經有得拗($7.2 vs $7.8)，
雖然居民可能唔介意，但呢個都係過去某些區議員用黎攬線的其中一個原因。

AVW28 發表於 2020-4-22 22:03
85M係恆康街係客倉之一，唔入肯定嘈。
當然89D係該處都係同樣時間上老隧，但問題係：
1. 89D客量龐大，恐 ...

85M同86C有啲相類似，街坊線流水客係最難搞。
89D客量咁大，我覺得其實係有條件起飛某啲站再提速，但因為89D攬著咗烏溪沙，再執85M/85X/89C/286M呢堆二奶線有難度。

但係cut 286M都唔易，一來錦泰無左快車上老隧；......

下繁轉車站有一定人數指定等286M入海皮，兜多個小瀝源路嘅89C幾乎冇海皮客跳槽。

RyanPun 發表於 2020-4-22 21:59
唯一方法，只有霸王硬上功直接硬Cut 286M，九巴又唔係冇做過呢樣嘢。
89C/89D呢個死結，錯就錯在兩線班次 ...

其實係馬鐵通車前，運輸署係曾經試過想用89C換286M取消。
當時既建議就係89C係總站開出無耐加個同286M同價的分段，
但無改快過89C。

係馬鐵出市區後。
改89C係兩難位，改快係非繁又唔夠客(班次都唔係密)，
唔改快又再趕多d客落地底(就算係石門工廠區呢個客倉都已經少左人搭)。
以前放工時間，89C觀塘方向係小瀝源路係企人，呢幾日我見到去到臨入隧道前都仲有位坐。
(當然唔排除d人仲未復哂工，疫情效應仲係度。)

我記得之前係其他帖都講過，77區既巴士發展係唔樂觀。
因為當馬鞍山路居屋項目錦駿苑入伙時，會係屋苑外面和對面起一對巴士站，
到時經馬鞍山路入亞公角街既巴士線估計多數都停該處，
到時會為錦駿苑和欣安的居民帶來方便，
欣安的交通將會比而家好幾倍。

我覺得九龍塘點都會留番條80M當K80S 0甘做

RyanPun 發表於 2020-4-22 22:10
85M同86C有啲相類似，街坊線流水客係最難搞。
89D客量咁大，我覺得其實係有條件起飛某啲站再提速，但因為8 ...

都係既，不過86C係有d位可以唔做，例如歌和老街和幾年前撤出的大圍。85M個case的確比86C難搞好多倍就真，有d位真係唔近鐵，例如耀安、錦英苑等，
果邊又得佢先去到黃大仙(新蒲崗仲有85X，但要入第一城)。
恆安站搭鐵落鑽石山唔洗半個鐘，
但出發地係耀安既話，計埋步程既話，85M係仲有優勢，起碼價錢已經平一截先。

89D的確係有條件飛某d站提速，就算唔講較大爭議既亞公角街，
回程飛彩虹特車可以全日都做，當然要同正班梅花間竹咁開。
不過我又覺得會唔會考慮埋X89D做全日？

AVW28 發表於 2020-4-22 22:36
都係既，不過86C係有d位可以唔做，例如歌和老街和幾年前撤出的大圍。85M個case的確比86C難搞好多倍就真， ...

89D彩虹特全日就難啲，佢始終食著彩虹邨堆轉乘，要完全飛彩虹就牽涉到89C。
X89D我個人就想全日，一來對烏溪沙嚟講唔駛下下兜市中心耀安係好事，二來唔駛下下都比烏溪沙嫌耀安阻著佢哋地球轉。之但係X89D全日行商貿區嘅話。客量上一來一定冇89D咁好、二來跟89D行觀塘道，總站可以放邊?

Fong_2132 發表於 2020-4-22 19:49
以用量計, 281M 80M 286M 取消, 281M 如果有小巴做咪比佢做
今時今日唔一定去九龍塘轉鐵吧 ...

小巴睬你都傻
自己已經唔掂檔
國松條803K客量已大跌8成
仲要蝕多啲

RyanPun 發表於 2020-4-22 22:50
89D彩虹特全日就難啲，佢始終食著彩虹邨堆轉乘，要完全飛彩虹就牽涉到89C。
X89D我個人就想全日，一來對烏 ...

89D既係隔班做，唔係完全飛哂，完全飛哂梗係唔可行，原因你已經講左。
X89D去程都經雅景臺，對面就係耀安，所以X89D一樣做到耀安，真正飛既位係只係馬市。
X89D係雅景臺站都唔少人上車。
當然果個位都幾僻下，以耀安人既習慣黎睇，大部分都係去恆康街搭，係近新港城第三期果幾座先去差館對面搭(去程)。
X89D做全日係考慮埋將來十四鄉/而家既迎海一帶。當真係全日左，就算非繁改行觀塘道，總站一樣可以放返觀碼，例子見74X/80X/83X。

AVW28 發表於 2020-4-22 23:08
89D既係隔班做，唔係完全飛哂，完全飛哂梗係唔可行，原因你已經講左。
X89D去程都經雅景臺，對面就係耀安 ...

X89D照放返碼頭問題我估唔大，開源道先係問題，來回行遲一個路口經偉發道出入碼頭又得唔得，時間應該差唔得幾多(比起硬食開源道/敬業街成業街死車陣)。