將軍澳及觀塘交通問題

S3bl430 發表於 2020-4-28 15:38
另一個簡單粗暴而能滿足板友的解決方法。將其中一條沙田觀塘線拉入坑口(例如89C)，加價但引入雙向分段。 ...

如果閣下建議從觀塘道拉一條巴士線入將軍澳，我唔comment呢個做法住，
但相信唔會係用「沙觀線」拉，因為變相同798正面競爭，幾乎零可能。
若果係其他線就另外嘅講法，但當然觀塘區會、沙田/其他區會會唔會同你西貢區會反面就另一回事。

S3bl430 發表於 2020-4-29 15:34
25分鐘係下繁98A牛頭角特車觀塘站至坑口站ETA平均時間，數字就係咁。
當然你要話做唔到 我都無辦法

有些板友實際係希望坑口有一條好似296A咁密既隧道特快巴士線，所以不斷提出理由否定102和港鐵已提供這個特快角色

希望閣下可以真真正正了解吓實際情況先至去留言。首先，閣下都識講係「隧道巴士線」，
其中一個主要目的係去觀塘道轉巴士去北區、大埔、馬鞍山、屯門、元朗、天水圍、青衣等等，102同港鐵都無法做到呢個角色。
其次，希望閣下可以了解吓102嘅服務狀況，去程總站經常打晒蛇餅、回程觀塘道等20分鐘以上先上到絕非奇事，
更莫講有幾多車去到九龍灣站果陣已經客滿行緊快線。而如果閣下認為港鐵提供嘅呢種服務叫「特快」角色，
咁市中心何來唔係？寶琳何來唔係？康城喺繁忙時段內又何來唔係？咁閣下係咪認為296A、98B、98通通唔需要？

有特快車又唔想迫又唔想等

都係果句，已經講緊「上游」例如九龍灣站搭102返將軍澳，疫情之前都成日等足4,5個字先上到，
唔通咁樣叫「唔想等」？比起296A轉巴士嘅$0.9，等多N倍時間嘅102更要比$9.6，仲要有乘客反映問題好似講到係乘客嘅錯咁？
如果「有... 又唔想... 又唔想...」呢個句式咁好用，咁唔通閣下下次又可以講「康城有紫綫總站直出調景嶺轉綠綫，又唔想迫又唔想等」？
咁唔通康翠講15M疏車果時，閣下又可以話「有15M又唔想等又唔想行」？呢個先真真正正係唔會完嘅「邏輯」。

WongKinYat_WKY 發表於 2020-4-29 16:58
你要等十幾分鐘， 同佢原本開嘅班次係唔掛勾㗎喎， 102佢係真係晏晝係可以開到兩分鐘一班， 如果真係等唔 ...

你要等十幾分鐘， 同佢原本開嘅班次係唔掛勾㗎喎， 102佢係真係晏晝係可以開到兩分鐘一班

係㗎，係無關㗎，但當恆常地唔夠載，就應該積極檢討個班次。
至於晏晝你話見到兩分鐘一班咁咪兩分鐘一班囉，咁所以代表咗d咩？疏過15分鐘一班我都見唔少添。

如果真係等唔到嘅時候， 我真係唔明白點解唔揀地鐵囉？

實際持續無車/持續地「留後」嘅時候，唔同乘客點做，我相信唔關呢個討論範圍事。
但個問題就係，依家上得italk傾嘅人，除咗站喺乘客嘅立場，比建議果陣都半隻腳企咗喺規劃者嘅perspective，
咁見到「留後」或者「唔夠載」呢個問題存在，唔通正確嘅態度係逃避，而唔去面對咩？
正如你康翠無直車出尖咀，咁正路都會落寶琳搭啦，咁唔通覺得有需求而又覺得無直車係問題，就應該坐視不理咩......
康翠去坐地鐵，個站唔喺正留下，咁咪一樣15M或者行落寶琳站，咁唔通就放棄爭取起電梯/康景站咩？

而家就要爭取98經埋你個坑口， 嘩你真係好著數囉咁樣

如果純粹喺任何一個論譠上面，留comments去開聲「爭取」都會「好著數」嘅，
咁我建議閣下直頭唔使返工返學，日日全職去各大論譠咩都「爭取」吓，咁「著數」唔係唔做呀嘛？
其實唔係要咩幾多條線、幾多花款，雖然我唔能夠代表其他板友，
但我相信大致上只係希望有條正正常常、上得到車、出得到觀塘轉乘、唔兜路兜到趕客(more specifically, 出區後最多兜5,6分鐘)嘅車，
而唔係需要「小巴一條、慢線98A一條、快線98一條、特貴A29半條、會上唔到車+要轉車+又唔快嘅MTR等等」咁華而不實，
我相信如果有條正正常常嘅線，無論係小巴、98A、98、A29半條，仲需唔需要呢類將觀線呢？拱手雙讓就差唔多。

康城係別無他擇，先要多啲車出觀塘

講真就算98非繁加三個站，康城仍然上得到車+只係用多5,6分鐘，有98、797、港鐵三者任揀其一，
仲要未計康城站係總站，兩繁實上到+直出，仲要未來好可能再加密班次。

P.S. 唔係喺度「鬥慘」，但我認為康城應有將觀線，而舊98系(坑北開果堆)根本唔應該一次過serve晒有一定需求嘅幾十萬人，
以我知識所限，諗到就係拆線/98改道最符合整體效率，但若果有更佳建議，不妨提出。

leo_ku 發表於 2020-4-28 00:49
康城交通的確比坑囗更差，三架寶琳車先一架康城車，非繁康城車過唔到海。我諗任何一個正常人都會知邊度需 ...

若要講將軍澳綫班次，喺2009年康城支線投入服務之前，寶琳<>北角班次其實係依家繁時嘅22.2%，換言之，唔理康翠、寶坑人口(甚至乎轉車去科大、西貢、清水灣、清半等嘅客量)有無升，
至少唔見得有咩下跌嘅情況下，寶琳<>北角嘅班次經已大減。


然而，現時寶坑嘅人口夾埋約18萬，仲未計11,11M,15M,101M,109M等嘅轉車客，而康城現時只有約4萬人口。
所以現時「3+1」及「2+1」嘅班次，康城嘅班次對比寶琳班次已經係超過兩線沿線人口比率。
至於康城未來人口嘅增長，RDP亦建議開辦各條新線由康城來往觀塘及九龍灣，當然我亦同意康城應有觀塘區以外嘅直出線。
若果按呢度咁多層 include 咗98同797嘅討論，我諗屆時坑口會係各區之中最需要增強交通服務之處。

leo_ku 發表於 2020-4-30 09:33
不如你認真攪清楚你們要爭取的野先，如果你要用轉乘，現時坐新巴798轉大隧口車無優惠，
咁樣你爭取的正 ...

咁你去運吉處要求98a行將隧lo

leo_ku 發表於 2020-4-30 09:55
有問題係要面對解決, 但唔係藥石亂投損害別人的利益就叫做解決, 這是兩回事。

我明白喇,原來上山唔係叫做兜多啲,咁不如將98&797兜上山好唔好?