將軍澳及觀塘交通問題

leo_ku 發表於 2020-4-30 09:55
有問題係要面對解決, 但唔係藥石亂投損害別人的利益就叫做解決, 這是兩回事。

有問題係要面對解決

問題我又提咗，建議我又提咗，但否定晒兩者嘅係閣下。
咁就當小弟見識淺、個建議「損害」到閣下嘅利益，不如閣下講吓自己有咩高見？

損害別人的利益就叫做解決

如果唔係康城拎晒100% jetso，就叫「損害」咗你嘅利益，咁真係對唔住囉。
話晒113雖然時間表就寫10-15分鐘嘅，但實際開到成日見到2,3分鐘一架都載唔晒；
康城班區佬又好、乘客又好，由佢開線到依家鬧足5年。如果98經半圈，除咗坑口有so之外，
康城自己都分埋一份，唔通唔係拎盡100% jetso，而車程上只係多咗5分鐘就叫做「損害」咗？

如果咁都叫「損害」咗，咁當日98S寶坑分埋比康城、98D早繁d班次拉完又拉、
98B分埋比康城仲要減晒人地d站位、將軍澳綫寶琳<>北角每小時班次銳減，
咁796X、A29P、N796又點計？真係唔知邊個「損害」邊個利益啦。
利申：雖則半區嘅站無晒、總站又無埋，但我都唔會好似閣下咁，講到「損害」咗邊個嘅利益咁難聽。

坑口將南有份爭取797入埋坑口將南喎, 唔單單止98喎, 點計？

不如你自己inbox將南班區議員？某調景嶺區議員叫晒你兩條線入調景嶺添，唔通要我幫佢地答埋？

知唔知點解張美雄議員咁大反應？

個別區議員有咩反應使唔使成日拎出黎講？咁你又點睇2009年3月21號、7月26號民主黨抗議將軍澳綫削班？
如果喺facebook講兩句係好大反應，咁喺區會上面交文件建議唔通又唔係表達緊意見？

坑口一定要直出, 但康城兜多D就無問題？

我已經講過好多次，唔係坑口一定要直出，而係喺我認知入面，除咗直出無任何方法解決到該問題。
若果能夠好似康城咁，有任何一個方案可以出區前兜多5分鐘先上公路，相信同樣解決到問題。
然而，暫時我完全唔見有咁嘅方案，如果閣下有，不妨上黎提吓你嘅高見？

唔好以"三者任揀其一"、"康城線實上到未來可能再加密班次" 轉移視線,
如果98要被兜路、797 都要被兜路咁點？

其實你成句之中，無任何一樣嘢係實施緊，康城支線雖然按閣下嘅字眼，係經已喺2009年「搶」走人地寶琳嘅班次，
但係仍然未達到閣下「未來再加班」嘅講法，98同797唔好講兜唔兜路，連線都未有，咁依家點？
仲有咩「被兜路咁點」？閣下始終都係一直避開非繁兜路有咩問題，
除非你話「如果唔係康城拎晒100% jetso，就叫「損害」咗你嘅利益」囉。

如果"非繁加左站 + 總站實上到車" 就可以合理化搶資源行為的話

咁即係閣下非常反對觀塘區幫A29加站？
若果加3個站都叫「搶資源」，咁恐怕你康城對98B、98D、98S、796X、A29P、N796更為「災難」啦

RH7685 發表於 2020-4-30 01:38
受教了
唔同小區路線都可以比較
難怪你用康城同將南比較

下, 唔可以比較?
尖沙咀入將軍澳/坑口距離會遠到令你比較唔到?
如果康城同將南又無得比, 你何來會認為應該係將南出, 入康城再入隧道比較合適, 定主觀意願?

如果你認為296D 同98D 都無得比?
102 又點同你比?  你又教下我

其實講左45頁, 轉番轉頭, 都係係有人repeat 102, 好野好野
酸都做得有一志D
我都話左送埋俾佢, 換98入坑口, 佢又唔出聲,
大家明啦
其實真係同黑泂講野, 要拉人落水, 自己做尾, 好野好野

leo_ku 發表於 2020-4-30 19:15
我講緊「跨公司轉乘優惠」係講緊大老山隧道口喎, 你知唔知798轉89C/89D 呢堆新東線無優惠架？
其他西貢 ...

我講緊「跨公司轉乘優惠」係講緊大老山隧道口喎

所以89CD咪要去觀塘道轉囉？因為兩巴唔會肯喺大隧「跨轉」先至唔會有人討論呀嘛，乜真係咁難明咩？
又係你自己喺406樓話唔洗用觀塘道轉乘，跟住依家又話根本轉唔到北區線、馬鞍山線、大埔線、沙田線，你講晒啦。
其實你究竟知唔知觀塘道轉乘係咩黎㗎？

康城現時係無全日機場車, 就算有A28, 都一樣要兜, 你有無看清楚今年RPP A28 走線？

A28改行安秀道只不過叫做回應吓將南嘅訴求，當然人地回應完你滿唔滿意係一回事。

條A28 送比你囉好未？

唉呀，你康城果兩位尊貴嘅區議員爭取咗咁多年，你依家先黎話唔要A28，仲想雙手送比人，佢地一定好心痛。

A28 都一樣要兜，想平的繼續290X轉A車，想快的直接797轉A29

所以你自己都覺得兜上山係兜路，然後你康城就可以觀塘道甚至再早d就轉，人地坑口就要兜完山路去到黃大仙/荃灣先轉得？

我無話零作用, 只係話作用無你地諗得咁大

你自己406樓話「無需要經過觀塘道做轉乘」，跟住依家又話98、98A、296A喺觀塘道轉係有作用，咁你講晒姐。

九巴已盡量分流轉車客去彩虹、黃大仙等地

所以成功嗎？即係尚德坐290X去黃大仙轉，會比坐296A出觀塘轉普遍更吸引？

你用98計等車時間就用平均計，然則你用102計就誇大到"20-25分鐘"

兩者都係平均，98未開我無得落去等完同你講average係幾多，但102坐過過千次，相信係個足夠大嘅sample size去計mean。
如果閣下係未搭過102，我建議閣下等疫情過後自己試吓坐，體驗吓20分鐘都未上到車然後仲要比自己質疑係「跨大」嘅感受。

我上面已經講過98同102行緊同一條觀塘道，點解102小巴就面對脫班, 98就唔會呢？
我問左好耐，你捨得答我未呢？你係咪唔知98A/296A 都會脫班架呢？

其實你可唔可以唔好自己喺度FF人地講咗d咩，然後喺度自問自答、仲要FF人地迴避你問題？
我有講過98、98A、296A無可能脫班？102係小巴，每架車載唔到20人，98係巴士，
載客量差幾遠我諗唔使我講，咁所以客滿飛站呢個情況喺邊架車出現？出現次數差幾遠？
所以脫班問題係另一回事，重點係客滿飛站，根本成班客上唔到車。

我都等唔到98A/296A，有車返到去點解唔上？

咁按閣下嘅高見，當你等唔到98A/296A，你係咪的士都照上？真係會有人咁做，但多唔多？
同樣地，觀塘放工客上唔到296A當然會坐296C，但BBI客？有嘅，一樣道理，但多唔多？

又係你話既, 收十蚊的A29照上架喎。

當然。102本身已經收$9.6，A29都只係貴4亳子，兩者價錢都係接近雙位數，但時間夾好慳足幾個字等車時間，有咩問題？

呢個CASE 98 都會一樣面對架咋。

唔明。即係本身有轉乘價唔去坐，而特登比多幾倍價錢去坐A29？

SO FAR就係要令小巴公司消失

想令小巴公司消失嘅係閣下，我係講102停辦，而該些用車拎去行其他線，例如將軍澳居民渴望已久嘅將旺線。

方法就係更改部份298E班次拉出觀塘, 每個鐘一班或者兩班, 去到坑口站後停寶順路直出觀塘,
F1版有板友提出重組93A/95M/98A, 呢個都係一個好的建議。

難得你肯認真回應，咁我都覆吓你：
298E一個鐘拉一兩班出觀塘，請問閣下覺得會有幾多來往觀塘嘅客會轉軚？
多？咁102及102B會舉腳反對。少？既然吸唔到客，就證明呢個方法解決唔到個問題。

93A/95M/98A重組的確係一個好方案，因為98AC夾埋服務緊幾十萬人口，而晚繁打後都仲頂緊閘＋留後，證明仍有一定潛力去重組/拆線。
按呢種方式拆線，其實山路線(93,95,98系山路線)大多數會擺康翠/寶林，而只留一架比康翠落坑口轉鐵/去醫院；
換言之坑口果條仍然係一條包含轉乘嘅類似296C路線，咁其實同我個人主張嘅98入半圈再延長至旺角、長沙灣分別不大。
於坑口而言，其實果條線喺坑北做總站仲好添，可以行晒全圈，又有總站，里數又唔會咁長，亦都係我私心prefer嘅做法；
但若果重組成事，全將軍澳黎講得康城無直車出旺角，而因為重組出新線而坑口區98AC線要交車、
最低限度坑口區其他客量較低嘅路線(例如非繁297、非繁296M、非繁298E等)都可能要交車，即係康城嘅298E都會受輕微影響，
所以呢個係我認為果條線做埋康城會更好嘅原因，亦即係98延長，但若果98維持不變，坑口又開果條線，恐怕唔夠車入埋康城。

91果個方案，最主要係同103小巴重疊，同埋改走91又會令井欄樹失去1/3交通，係直頭站都無埋，而唔係車程5,6分鐘嘅事。
而如果我只考慮是否直出，其實以上所有方案我都應該舉腳支持，which is 同事實啱啱相反。

你的邏輯就等於因為李嘉誠係香港首富，所以佢要有責任分身家比你。
康城有咩道德責任一定要同你坑口對分資源？

原來加3個站＝對方資源，咁試問寶琳每小時22班鐵銳減至每小時18班，又係咩道德責任呢？
咁98系、796系比康城分一杯羹又係咩道德責任呢？我唔會話康城客喺度「搶資源」，因為呢個只係官方/公司將d資源調黎調去，
如果單憑一兩個乘客就夠牙力去「搶」，咁閣下不妨辭職退學日日去「搶」啦？

康城交通確實係比坑口更差

如果今年RDP唔實行就係，否則開晒98,797等等就唔係，當然康城無旺角車我都講咗好多年。

先天上坑口的確小巴公司插旗多年

係呀，所以多年來，又有18，又有當年仍未「天價」、仍未「疏落」嘅102，根本當年小巴線係真係算靚，
所以多年來交通改善嘅focus都係將南796系點樣重組，直到796AB果set線改到變796CPX等等，就風水輪流轉到坑口堆線問題浮現。

A29 又係你坑口直出

首先，A29係機場巴士線，唔係市區巴士線，所以唔應該相提並論。（如果覺得42蚊可以照出觀塘，咁其實坐的士更方便）
其次，A29唔係經坑口出，咁係點出？呢個亦係寶林條E22A改經將南而來嘅結果之一。

98D 全日密車而且車程唔慢

如果你要講坑口，98D車程唔講得好快，但當然唔講得上慢，而咁樣兜路亦係符合全區嘅利益，所以我唔認為需要再改快。
至於服務時間方面，796P亦即將加長服務時間，而將南另有296D。
出尖東，其實康城有796X及796P，加上老九脫班問題都真係幾，所以康城其實唔比坑口差好多，當然P字肯飛尚德就更好啦。

又係你話九龍灣等好耐都上唔到102嗎, 你唔記得左？

加完價＋車疏咗，等車時間更耐，雖然客量不及20年前，但仍然有一定客量，好難明咩？

你地坑口一定要迫康城就範

再講一次，我睇法係：立場可以唔同，但是非不可以不分。我無講過你康城唔可以反對，但唔該理由合理d。
正如你某d同鄉講到98AC兜山路果20-30分鐘係咁吸引，而98行半圈果5分鐘就好反感，呢個唔係雙重標準？
都係果句，你要問我個標準，我個標準就係出區之後兜多5,6分鐘上公路，如果咁都仲係雙重標準，咁你講埋我果份啦。

RH7685 發表於 2020-4-30 20:56
坑口咁鍾意98
梗係要送俾你哋啦
坑口總站經康城再出九龍

咁康城人要搭2次先返到康城wo