馬鞍山人唔係鐘情286m，只係討厭89c

再拗落去根本就冇意思，兩邊立場出發點都唔同，講足20頁起碼一半以上都同一個論點無限延伸。

一邊就人情派、冇咗286M都要77區硬食20分鐘89C好不近人情，只要將89C推返上15分鐘就解決問題。

另一邊就現實派，實際情況89C馬鞍山段近乎運凳，以載客量去睇，九巴、甚至運輸處根本唔可能會開綠燈比89C加班。

呢兩個完全相對立嘅點，再拗多一百頁都係沒完沒了，回歸現實講一點，就算大家幾不滿呢個政府、運輸處都好，喺官僚制度之下，當局嘅官員只係識得睇大數據去做決定，根本唔會有人情可言。

你問我個人主觀感受，要富安硬食20分鐘嘅89C係唔合理嫁，比著係我都會攬死89D。

但政策係死嘅，根本唔會理你咩叫人情，數字上唔達標就係唔達標，冇得加車就係冇，而且加班次個門檻咁高，幾乎要去到頭幾日980X開張咁旺場，先至有機會開綠燈100%加班次，更何況89C二奶線都不如嘅路線，機率有幾高更加唔駛講。

RyanPun 發表於 2020-5-16 00:28
再拗落去根本就冇意思，兩邊立場出發點都唔同，講足20頁起碼一半以上都同一個論點無限延伸。

一邊就人情派 ...

但政策係死嘅，根本唔會理你咩叫人情，數字上唔達標就係唔達標，冇得加車就係冇，而且加班次個門檻咁高，幾乎要去到頭幾日980X開張咁旺場，先至有機會開綠燈100%加班次，更何況89C二奶線都不如嘅路線，機率有幾高更加唔駛講。

呢點唔正確

去到路線重組層面，佢地係會計埋重組完之後載客率幾多，而唔會因為一條線唔達標，就唔計重組後條線原來需要食其他原有路線既乘客

即係好似當年 6D 40 重組，6D 夠係好唔掂、唔達標架，但重組完都加左三部車落去，20 變 15 分一班，除左係要過到之外，亦要話畀人聽，重組後有足夠運載力食埋 40 原有深水步九龍城區路段既乘客

RyanPun 發表於 2020-5-16 00:28
再拗落去根本就冇意思，兩邊立場出發點都唔同，講足20頁起碼一半以上都同一個論點無限延伸。

一邊就人情派 ...

如果真係當時載客率主宰一切，唔會考慮重組完有改善，就唔使搞重組啦，89D就仲兜緊黃泥頭啦邊會俾83X做全日？


都係嗰句，
得疏車(兜石門)89C，同埋行好遠去同恆耀馬市馬東迫條班次密但係好爆既89D，
如果呢樣野寧泰路班人甘心既，唔介意繼續食柴，
咁無得講既，咪由得89C同286M攬炒


但首先到依家為止都見唔到有呢種聲音喎

對於77區, 非繁仲可以有一條20分鐘一班, 可以直達大老山, 去觀塘快咗嘅線都已經仁至義盡, 286M大部分時間都只係20分鐘一班

對於富安, 欣安嘅補償應該係89E而唔係89C加班, 而89E未來仲有加班嘅可能性, 話哂十四鄉都有成9500個單位, 幾乎第一城嘅規模, 又遠離鐵路, 再拉埋西沙路村屋, 白石, 錦駿, 富安, 隨時可以變成第二條89D

RG28482X 發表於 2020-5-16 06:02
對於77區, 非繁仲可以有一條20分鐘一班, 可以直達大老山, 去觀塘快咗嘅線都已經仁至義盡, 286M大部分時間都 ...

尋日搭完286m，上下層都空哂位咁滯