位置在哪裡?
鴨脷洲大街接駁香港仔之陸上交通一向不便, 而利東站未通車前, 大街上橋道搭車要行斜路/樓梯, 駁船出入香港仔有齊市集 商場 街市 住宅 巴士和小巴出入港九新界, 所以大街-香港仔街渡有市場, 收得平再駁車去其他區唔貴, 居民唔介意咁搭.
長洲街渡都係島民會搭, 島上居民習慣海上生活, 搭船係生命中不可或缺一部份, 但日出康城居民都係年輕一族, 唔好話搭船, 搭巴士都唔熟, 康城南部遠離康城站, 但假設有街渡接駁帝景灣對開海濱長廊, 到岸之後都要運路剩番入去, 唔似得香港仔街渡碼頭就喺巴士站附近, 康城落樓行一餐去碼頭, 去到市中心又行, 倒不如搭鐵, 而且整碼頭梯台又唔知要駛幾多天文數字, 整咗冇人用浪費公帑, 一係叫康城居民自己夾錢起連保養, 對外開放增加收入, 但我絕不睇好, 可以預期最後會入不敷支, 變成荒廢.
可以參考嘅反而係大埔海濱公園大景街梯台, 起碼端午節有用, 平時又可以諗下做租艇生意, 梯台附近有馬路方便搭車 行路, 總比只得海濱長廊有用. |