進智架特快小巴40根本無想像中咁快，塞一塞直情慢過架特慢巴士63

頭先我由赤柱去銅鑼灣，嗰陣唔啱63嘅時間，咁當然即刻小巴40見。我喺赤柱村總站上小巴，11：17上車，已經出現奇怪情況：明明係起點站，但部小巴已經有客，而且無等客直接開車，好似中途站一樣。

小巴開車，初頭好順利，一過淺水灣個迴旋處（揀山同隧道過位）就塞車，塞到深水灣。

過深水灣入隧道，入口已經塞，塞慢線，之後落橋位一直塞塞塞，轉入禮頓道繼續塞，過咗時代廣場先無再塞，最後11：59先過邊寧頓街，12：01到總站我落車。

同一時間，Google Maps 顯示山路完全暢通，撳埋63 ETA，11：30班車最終12：05過邊寧頓街，即係架特慢線63重快過部特快40跑到銅鑼灣。

如果架63啲班次唔係咁垃圾，根本架小巴唔會做得更旺。但係我以往多年前試過平日下繁搭63，未落山已經塞，搭咗個幾鐘先到北角，搭到我怕，從此以後我赤柱要去北角我就14轉8X啦。

請問呢個情況（銅鑼灣塞車但山路唔塞）令到小巴重慢過巴士嘅情況多唔多見？新巴63咁垃圾嘅原因係唔係衰班次？

係衰改唔成65，本來41A/6個轉乘係好好但唔知邊個話大坑沒車去赤柱所以被BAM

14+8X/19行大潭道路程短啲
但係仲貴過轉608過海

63 半粒一班其實都唔少人搭, 由頭到尾都唔係慢, 唔兜銅鑼灣當然仲快
只係唔少人都有種錯覺係唔行隧道就係慢

吓吓根據巴典就死得
從來進智都係40/40X打亂嚟做，監獄照入，目標係想飛走沙灘個圈
甚至已經係進化到班司機唔擺40X紙牌都照行，而家基本上係唔駛旨意係沙灘等到車
正如而家見到52會開上石排灣班次應該要買六合彩一樣。
所以有客係正常

至於63，向來由赤柱去銅鑼灣(邊寧頓街計)都係穩定地需要35－42分鐘，而家已經好少塞到要一個鐘頭先落山。
至於小巴塞起上嚟同巴士平手，呢個係正常，尤其是你呢個時間，香隧唔塞至奇。

不過咁
本人立場一直支持65改全日，就算只係維持到非繁忙20分鐘班都會收貨
可惜係新上任區議員仍然洞悉唔到呢個爭取咗咁耐嘅訴求，反而走去諗63轉循環線，係有種恨鐵不成鋼嘅感覺。

marcolam205 發表於 2020-5-16 14:19
吓吓根據巴典就死得
從來進智都係40/40X打亂嚟做，監獄照入，目標係想飛走沙灘個圈
甚至已經係進化到班司機 ...

轉循環？
即係行完舂坎角赤柱峽道出？
定係掉轉

其實 6X 都係慢過 6 (唔係 6H)
所以唔好覺得香隧好快

舂坎角一帶有多人上落就輸返哂
63 應該少客會好睇d

天空之神 發表於 2020-5-16 14:47
其實 6X 都係慢過 6 (唔係 6M)
所以唔好覺得香隧好快

城巴有6M?

天空之神 發表於 2020-5-16 14:47
其實 6X 都係慢過 6 (唔係 6M)
所以唔好覺得香隧好快

6X慢過繁忙時間嘅6係因為6唔使入馬坑，6X要入。要比就同6A比，6A正常會快過6（我今日搭6，金鐘上車，結果畀5分鐘之後開嘅6A未到淺水灣過咗，正常兩條路相差只係2分鐘）。

小巴路線我理解就係40同40X同一路線嘅兩個分支，40X係40嘅短途班次。赤柱方向40過馬坑會先入監獄，然後掉頭上赤柱峽道交匯處，最後喺赤柱村完；40X就去到赤柱監獄完。銅鑼灣方向就兩個總站（赤柱村／監獄）各自開車，然後直上馬坑。而我正常來講係兩邊（赤柱村／赤柱警署）都會見有人等車，咁當然銅鑼灣方向有無個X字係唔會有人理。

miklcct 發表於 2020-5-16 16:00
6X慢過繁忙時間嘅6係因為6唔使入馬坑，6X要入。要比就同6A比，6A正常會快過6（我今日搭6，金鐘上車，結果 ...

行香隧純粹係做埋深水灣
講里數一定係上山著數

6H 係指 6 日中嘅馬坑特
以上資料我寫錯左