點解973沿線人口甚多，但都做唔掂？

早前曾經有位資深版友講過，973由開線至今一直都係蝕。
再睇下呢條線平日非繁忙時間既客量，一程車頂盡都唔夠50人，非繁好多時一單都係得20～30甚至更低。係西港島線通車前繁忙時間同假日既客量先比較理想。
但當日城巴將條線港島段編排成流水式般，明顯就係諗住每個區一班客，夾埋應該可以堆砌出唔差既客量
為何最終事與願違？

973途經既區議會分區：
中西區：水街、石塘咀、大學、寶翠
南區：置富、薄扶林、華富北、南、香港仔、黃竹坑、海灣、赤柱
以每個區人口15000計，呢度12個區，沿線人口已經接近180,000。
假設每個區每班車都有5個乘客，一單已經做到60個客。
但現實好明顯做唔到呢個目標

太疏，太長同太費啦。
30分鐘一架仲要受佐敦塞車影響，赤柱人又唔會同你搭呢架車，香港仔打後大部分人自己揸車連巴士都唔駛搭。

唯一可取係西隧970脫班時執雞兼收多幾蚊，但早繁班次太疏冇咩用

唔係有人就開任何線都得,同理X970都係唔得

973一程車90分,收呢個價位,唔上唔落

973當日開線係咪一位議員建議做遊客生意?
赤柱到尖沙咀渣車及小巴正常取道紅隧.行西隧好處方便同西隧線轉乘.
973係假日及泳季客量OK.
假如973平日縮線縮到黃竹坑,減到同970同價,加73 BBI,減少南區泳灘路段有冇得諗?

kay 發表於 2020-6-3 23:13
唔係有人就開任何線都得,同理X970都係唔得

973一程車90分,收呢個價位,唔上唔落

當然唔係開任何線都得，但尖沙咀話晒都係本港其中一個重要商業及娛樂區
至於973唔上唔落既問題，我懷疑其中一個原因係因為973係香港仔、華富、置富呢幾個人口較集中既地方只係停外圍/村口，令到呢條線唔入民心
或者咁講，呢條線好似都係用擦邊球既方式去做沿線一帶既乘客，站位唔方便令到吸引力不足

服務時間短、班次疏，尖沙咀需求有限而且太受塞車影響

搭巴士轉地鐵好過啦，又疏又慢

E21A 發表於 2020-6-3 23:20
當然唔係開任何線都得，但尖沙咀話晒都係本港其中一個重要商業及娛樂區
至於973唔上唔落既問題，我懷疑其 ...

尖沙咀未有西隧前
南區係搭4/7/71/91去碼頭坐船
想快少少可以70交廣行出去
尖東可以107/171紅隧行落去
經濟實惠

973又唔係快好多,班次少,收費貴,自自然比下去

當然官涌要搭佢,但970X勉強都到

線長車疏
香港仔至華富及華富至佐敦嘅客有970、970X甚至971嚟清
黃竹坑新圍(海洋公園站)至赤柱嘅有6X、73、260、(星期日有65)同小巴40、52嚟清，加上依家有南港島線、大部分人都係巴士/小巴+港鐵咁過海
基本上只有黃竹坑同佐敦至尖沙咀嘅佢獨做，但係兩者都有港鐵覆蓋
所以條線仲係度已經算係咁

chunglau 發表於 2020-6-3 23:41
線長車疏
香港仔至華富及華富至佐敦嘅客有970、970X甚至971嚟清
黃竹坑新圍(海洋公園站)至赤柱嘅有6X、73、 ...

黃竹坑都當佢無到就真
頭3班車兜入深灣
出到香港仔廿人都無

但見過有學生搭973入黃竹坑返學

平日頭3班車入深灣,根本倒米,成粒鐘都過唔到海
只係想CUT幾班973P就搞死上繁973