長遠應否將所有巴士總站集中至某一區域?

依家擺明係亂黎
皇后山、富蝶、康城，呢三個黎緊將會落成既總站，都明顯係劃唔夠停車位
但偏偏三個都係人口密集既頭站區，喺晒最篤既位置

早少少，四彩無規劃總站位又係

與其集中，其實跟返有樓起就起總站咪啱
彩明總站俾審計署同公眾鬧左咁多年，但依家證明運輸署當年有先見之明

家下真係起完無用到，最主要其實都係得灝景灣一度

louis19910701 發表於 2020-6-6 00:02
其實一d市區地方港鐵站旁邊好應該要起轉運站（類似台北市政府轉運站咁），例如旺角同觀塘
等多d巴士，小巴 ...

PTI某程度都係做緊轉運站做緊嘅野（都係方便巴士、小巴轉駁鐵路）
何況台北嘅轉運站純粹係方便轉長途客運去其他縣市，其餘市內嘅巴士都係泊街

迫死尖麼尖碼但尖東站空空如也

天空之神 發表於 2020-6-6 01:32
迫死尖麼尖碼但尖東站空空如也

設計得衰呢，出站只可以去彌敦道南行

天空之神 發表於 2020-6-6 01:32
迫死尖麼尖碼但尖東站空空如也

出入都麻煩嘅車站，入口應該響漆咸道南，出口應該可以左轉中間道出梳士巴利道

流星☆雨 發表於 2020-6-6 01:11
依家擺明係亂黎
皇后山、富蝶、康城，呢三個黎緊將會落成既總站，都明顯係劃唔夠停車位
但偏偏三個都係人口 ...

真心唔覺得彩明有用，感覺290放果度係為咗塞審計署把口，否則應該放埋調景嶺站

louis19910701 發表於 2020-6-6 00:02
其實一d市區地方港鐵站旁邊好應該要起轉運站（類似台北市政府轉運站咁），例如旺角同觀塘
等多d巴士，小巴，邨巴等一齊停泊，
此舉可以方便多d人鐵路同巴士轉乘，而巴士公司車務調配又夠靈活。
但香港地利字當頭，巴士小巴擺埋一齊就會話爭食，而且正苦有地都優先用黎起樓啦！！

起樓同起巴總冇衝突咖喎，可以下面做巴總上面起樓，香港大把呢Ｄ例子啦，調景嶺站、將軍澳站、彩明、新都城、海栢花園、新港城、聯和墟巴總、藍灣半島等等都係咁啦
不過巴總上蓋起樓真係兩睇，好似藍田站、調景嶺站咁密封唔透氣嘅巴總，等車有時都幾辛苦
另外想講下東京都有巴總係響建築物天台，Shibuya Mark天台做咗機場巴士站同候車室（諗諗下青衣站巴總下面好似係青衣城二期停車場）

bennyho1004 發表於 2020-6-5 20:05
佐敦已經做緊呢樣野,西九/九龍站兩大巴總。設施都齊全,有良好環境包括站長室,洗手間商場都有甚至本身巴總 ...

西九龍／九龍站只係繼承前佐敦道碼頭巴總（佐敦道碼頭一分為二，一部分搬去九龍站，另一部分搬去匯翔道，匯翔道再搬去渡華路，然後到而家西九龍站）
但近年起嘅巴總，唔計重置嘅，似乎比較細，例如洪福邨 (唔明點解唔起大D去容納埋洪元路做總站嘅綫）、屯門54區，啟德城中心直頭連一個似樣巴總都冇，掃管笏又係泊街
另外唔可以唔提水泉澳，成堆樓響山上但巴總響下面，得一條綫兜上去有鬼用

Quanta 發表於 2020-6-5 23:34
比較有意義嘅，係公屋邨重建嗰陣整個大站出嚟，避免出現有啲線只服務半條村嘅情況。華富南4 慈雲山南E23就 ...

二變三但其實上面兩個站都唔夠用

jpoon 發表於 2020-6-6 01:59
真心唔覺得彩明有用，感覺290放果度係為咗塞審計署把口，否則應該放埋調景嶺站
...

你覺得依家個調景嶺站真係仲夠位放晒290/A同埋其他線?