[往慈中]長期測試 - 5X走線仲慢過5P

由於工作關係, 我通常我會1830-1900係加連威老道搭車.

• 通常5P 同5X離開車站時間不會多於3分鐘(因為5P多人上,入站時間較長)
  

• 如果好似早排疫情,大家唔係點塞車,5X係會反而早番3分鐘到慈安苑
• 如果塞車,通常5X 會同下一班15分鐘後的5P 同時到站(即1835班次5X,1845班次5P)
  

原因分析:
造成5P慢的因素

• 上落人數比5X多(通常每站相差十數秒)
• 紅隧附近可能塞車(通常5分鐘內)
  

造成5X慢的因素

• 要塞過去香港科學館站(通常少於3分鐘)
• 由科學館站-山谷道通在漆咸道北塞車(少則5分鐘,最耐試過15分鐘,睇師父CUT線能力)
• 啓德隧道塞車(通常5分鐘內)
  

曾經試過有5X師父跟5P咁行頭段,入暢運道,行車時間真係可以好快,但唔知點解有個阿叔落車大罵師父唔跟路線,快左又無飛站都要投訴?

總結:
5X敗在走線,貴一蚊但快唔到,甚至慢過5P一大截(唔穩定),應該係一直做唔起的原因.

建議:
保守--最少頭段要跟5P走,最多理工站換科學館站
極端--頭段跟5P走,CUT走科學館,山谷道兩個站(真係差唔得3-4個客)

照你咁講，最簡單嘅方法係改行暢運道，可以唔使改站

其實 5X 塞啟隧
但改行上路唔停站有無著數？

天空之神 發表於 2020-6-6 12:33
其實 5X 塞啟隧
但改行上路唔停站有無著數？

贊同, 啟隧九龍城出口往往因快得慢

年幾之前乜事都未發生曾經試過一次放工搭天星轉5X，由於宋皇臺道盞燈塞得好勁，觀塘亦嚴重倒塞，部車未入啟德隧道已經要停，由新山道至駛過宋皇臺道燈口用了15分鐘，同一時間土瓜灣上路唔塞，早早被後班5P超越。

然後，今年3-4月由於返工日子不定，我都曾經冇買都會票而再去搭船轉巴士，通常會搭到1850班5X，好彩會搭到1845班5P，唔好彩就要等1900，最差一次係1900班5P唔見影，要落返地底。

少人返工之下，5P並唔慢，加快車程的最大功臣係九龍城飛橋，5X被公主道天橋或啟德隧道塞一塞已經快唔過5P，顯得那$1更加不值。

到5月開始多人返工，5X遇到的塞車更加嚴重，5月頭搭過一次公主道天橋又塞，啟德隧道又慢車，即係話舊年遇到的大塞車快將重臨，加上天氣熱，我之後都係用返都會票落地底。

其實改行紅磡繞道，紅磡道穿新山道返上路，會唔會快過紅隧口？

天空之神 發表於 2020-6-6 16:11
其實改行紅磡繞道，紅磡道穿新山道返上路，會唔會快過紅隧口？

紅繞係快, 不過紅磡道出番去唔快.

11X用庇利街 新柳街出上路, 等燈浪費時間, 實際上和心理上都唔快.

一直行到馬頭角道先轉番出上路, 同5C分別只係淨番飛橋同唔飛橋.

況且, 行紅繞即係放棄漆咸道南, 呢段路客源除左尖東, 仲有來自加拿芬道 金馬倫道 天文臺道等地方, 停永安廣場只得海旁和麼地道總站附近乘客會搭.

5x科學館後右轉暢運道已經可以快好多，又唔洗改站

limited 發表於 2020-6-6 15:39
贊同, 啟隧九龍城出口往往因快得慢

所以乘客一定要用身體投票, 不要被天橋迷思影響路線發展.

東九龍走廊出宋皇臺道從來都會塞車, 唔知點解巴士公司近年整一段仔飛橋, 跟住塞車, 再轉出去飛另一條橋會有人buy, 我指26X.

26X開線前嘅討論我已經質疑緊, 當然又有人證明到咁行係快過26.

只要地鐵馬頭圍道一段北行線工程完成, 即現時狀況, 馬路闊番, 唔再九曲十三彎, 以5P 15X走線停完新山道, 然後掟出快線, 馬頭角道口一轉為綠燈即刻踩行油起飛先係正常, 5X 26X甚至建議101X落啓德隧道捐番出宋皇臺道, 長遠係不智走法.