【純屬概念】東鐵過海後，探討 170/182 轉型

170大多可以30分鐘一班掛⋯⋯

全程收$20.2，沙市俾返$17分段會唔會好D？
始終982/985系沙田大圍區只收$17...

KW2523 發表於 2020-6-24 20:47
182目前客量集中喺新翠-博康一段,而且跟281A上公路會同本身非繁客量唔高嘅88R對撼並放棄現有乘客
如果富麗 ...

當大圍未來可一程直達金鐘，再轉多次車已到中上環時，
將來新翠邨居民應該大部分轉投 80K > 東鐵多過繼續坐 182 塞紅隧口，
莫講中西區，就算大圍來往灣仔中部（遠離會展站）都隨時渣都無得剩，
個人傾向除 976、東區及中上環西隧特快外，其餘大圍來往港島的巴士應全數放棄，
而灣仔北應該都會棄 182 取東鐵（even 而家都有人 104 轉東鐵），
所以 182 南行走線應該要再執執，改行鵝頸橋入灣仔道再出軒尼詩道去金鐘，
完全放棄朝早告士打道落車去灣仔北嘅返工客，咁應該會更保障。

個人對於 182 做第一城定係沙田圍車公廟無好堅定嘅意見，
如果係取後者，個人建議上一上水泉澳，做多少少新客都好，
只係後者住宅同鐵路站距離比起前者近，個人覺得去做前者可能較好。

至於 976，除咗上面提到幾點以外，它同時係西區南區來往新界東的主軸，
一來直達大圍同沙田市中心，預料會有不少行街客，
二來以上兩地可供乘客轉車前往石門、馬鞍山、大埔、北區等地，
角色等於西區南區版 798，觀乎現時 798 好多乘客大隧口同沙田站落車呢點，
再加上火炭返工客，似乎未來 976 發展潛力比起 170 強。

LAK2 發表於 2020-6-24 20:51
182唔入第一城好過飛大涌橋車公廟，反正有88R

其實我唔清楚到底依家 88R 城專係賺定係蝕，
因為兩繁直出港島夠快自然有客有市，但非繁吉車遊街可能會係倒米關鍵，
就算位位 $21.5 兼完全袋落自己袋都好，會唔會連城專都唔多想 88R 繼續全日？
況且未來東鐵線過海，第一城去灣仔北嘅返工客都肯定會走一堆，
加上塞車問題，到時 88R 繼續第一城 > 灣仔 > 金鐘 > 中上環，
定係真係改行西隧，做第一城版 982X，邊樣更合乎城專心意呢？
如果係後者，咁 182 做廣黃第一城去港島特快算係順理成章，
驚到時 182 非繁唔夠客可以行埋石門先走，畢竟濱景離碩門站都算幾遠。

如果係前者，個人贊成 182 來回飛走圓洲角第一城，
但應該係 黃泥頭 > 廣源 > 廣善街 > 水泉澳 > 沙角街 > 新田圍 > 建議原線 咁去，
睇下 182 會唔會成功留住廣黃、水泉澳、沙田圍及新田圍去港島班客，
不過無論如何，富豪花園去港島呢個位應該都要放棄。

KW2523 發表於 2020-6-25 02:38
而家有呼聲飛富安嘅40X/87D/89D都係馬鞍山本身全日都夠哂客為前提

如東鐵過海後681客量有明顯下降而做 ...

東鐵過海後，681兩繁未必有優勢(東廊、觀繞大塞車)
但非繁假日35 - 40分鐘到灣仔未必無優勢
仲要一程過唔駛轉車 (坐東鐵過海起碼轉1 - 2次)
而家假日681係可以耀安坐滿一架曲梯Enviro 500

我覺得拉681上錦英利安好過入富安r
始終山上遠離馬鐵站
但富安有大水坑喺隔離

SE7378 發表於 2020-6-25 11:44
當大圍未來可一程直達金鐘，再轉多次車已到中上環時，
將來新翠邨居民應該大部分轉投 80K > 東鐵多過繼續 ...

目前182X灣仔去大圍都係25-30分鐘,如果182上橋嘅行出會展站搭東鐵應該冇優勢,去程跟111亦係好事
而家公主道橋底,特別係沙田方向,非繁都可以塞到幾轉燈都未過 巴富街轉入嚟堆車成日當個黃格冇到

170因為要兜維園再隊入怡東我就唔肯定有冇優勢,改去西環冇意見,不過就算唔改上西隧都好,北行老銅段都一定要改

Waiyin12 發表於 2020-6-24 20:48
182咁行沙一段直接同88R搶客，不如982x全日拉、文化博物館入青沙? 同976夾班次解決沙中、大圍去中西區，順 ...

982X 食 182 個問題係灣仔中部算係全日都有客嘅位，
全日改行西隧會令沙田來往灣仔嘅車程變得唔吸引，
倒走咗灣仔客，但換黎淨係兩味有市場嘅中上環又唔知值唔值得，
唔似得荃葵青屯元天過海線，就算擺金鐘西都可以靠 BBI 做到大半個港島，
而地鐵嘅競爭力又相對比巴士弱（e.g. 960/968），
但未來地鐵響沙田過海去中西區嘅競爭力係同 182/982X 有得揮，
一唔小心，倒走咗灣仔客後又做唔番相應數目嘅中上環客，
隨時隧道費高左，灣仔客一去無回頭，令 982X 無退路下全日蝕錢就好尷尬。

至於沙市、大圍去中上環，全日應該都唔會有得做，
況且未來東鐵綫轉一次車就到，咁都係搭番東鐵吧啦。

681P 全日經廣黃會導致 77 區過海嘅車程吸引力減弱，
而且如果富安嗰位係咁麻煩，睇怕經廣黃已足以令佢反檯。
77 區過海倒不如靠 680 重組處理，廣黃港島就比番隔離 182 去做。

至於 681，估計未來東鐵線過海對佢影響麻庥，情況如 89D，
不過當然要循例減班，要保住 681 單位數班次嘅話，
經錦英苑同利安拉去烏溪沙嘅機會點睇都大過行過亞公角。

KW2523 發表於 2020-6-25 14:00
目前182X灣仔去大圍都係25-30分鐘,如果182上橋嘅行出會展站搭東鐵應該冇優勢,去程跟111亦係好事
而家公主 ...

問題係灣仔去會展站唔單止可以行路，仲可以搭 2A/2X/8/8P 車海駁腳，
據聞現時已有不少人由灣仔中部搭 2A/2X/8/8P 去灣仔北轉車，
未來東鐵線過海後，頻密嘅駁腳加上穩定嘅鐵路對比起 182 係有好大優勢，
估計會有不少 182 大圍灣仔客轉投 2A/2X/8/8P > 東鐵嘅懷抱，
加上中上環去大圍轉得一次車，金鐘直頭車都唔使轉，
可見大圍去港島北嘅市場似乎都係鐵路主導，巴士早日放手為妙。

SE7378 發表於 2020-6-25 09:42
976 用車方面會作出修改，應該只須抽調 182 資源。

當然，現時 170 沙田銅鑼灣一段依然有客有市，

170 夜晚銅鑼灣北行返沙田可能有肉食bor

976 大部份地點係住宅區，需求方面...有少少擔心。

DEL