西隧線走線及站位重組計劃

背景：最近兩三個月，每到下午繁忙時間，中上環及灣仔都會出現長長的西隧巴士埋站車龍，擠塞情況更加在最近一個月惡化，巴士由銅鑼灣到達皇后街往往耗廢接近45分鐘

擠塞成因：首先，復工復課後，港島區的違拍情況故態復萌，甚至有惡化的情況，以上環的情況為甚。其次，由於疫情的關係，晚上乘搭巴士的乘客減少，巴士公司因而減少晚間的班次，將巴士集中在下午繁忙時間開出，導致不同路線也有下午繁忙時間實際班次比表定班次頻密的情況，例如城巴930X，將晚上的班次拉疏，但司機的工作時數不變，結果便將整個字軌的開工時間和收工時間提早，並集中在繁忙時間服務，再加上有部份路線因為供不應求，巴士公司因而需要私下加班，令巴士埋站擠塞情況更為嚴重。下午繁忙時間出現加班車/實際班次比表定班次頻密的路線包括：930X，934，948，962B，968，969，980X，合共估計多達23架次

擠塞後果：削弱巴士競爭力，浪費資源

解決方法：

1）更改路面環境

A）建議將永和街改為巴士專線，讓巴士可以更暢通地轉往干諾道西

B）機利文街的行車方向將會改為北行，720之循環點將會改為林士街(現980X站位）

C）增加軒尼詩道與菲林明道交界十字路口中，軒尼詩道西行路面的交通燈綠燈時間5秒

D）在中上環，灣仔，銅鑼灣多個十字路口的黃方格設置鏡頭，如有任何車輛停留在黃方格超過8秒，即會自動發送告票，如為壞車則需要提供證明，不需要繳交罰款

2）重組部份巴士線

A）968將分拆為968P及968線，968北行在每日15:30-23:30期間，停菲林明道站後，將會右轉盧押道，左轉告士打道，直達砵典乍街站，之後上林士街天橋，直達西隧，該時段每日之班次將減至8-12分鐘一班

B）968P線在每日15:45-23:45期間提供由盧押道往元朗西之服務，沿途停站跟隨968，一至五之班次為7-13分鐘一班，六日之班次為8-15分鐘一班

C）968X將不會途經中上環內街，中上環路段跟隨960B只會停靠砵典乍街站

D）936銅鑼灣總站改為威非路道

3）重組站位

A）因應永和街改為巴士專線，948及968/P 將會由永吉街改停永和街，968/P站位設於舊71站站位前端，948站位則為968站位後一個巴士車位的位置

B）960，961，978 將不會停永吉街及文華里，改停上環站

C）934/A，935 將不停上環站，改停永吉街

D）934/A，935，948，968/P 將會改為使用永和街出干諾道西

E）960，961，978 將會增加使用禧利街出干諾道西的替代路線

F）905，914，936/A 金鐘起站位將會統一改為 高等法院>置地廣場>中環街市(現641站)>文華里，該路段其他現行巴士站一律取消

G）原985 急庇利街站外，電車的專用綫，以及用作分隔電車和其他車輛之雙白線將會取消，巴士可以使用電車線爬頭

H）拉長修頓球場，菲林明道，永安中心及匯豐總行巴士站之長度並拉遠各條巴士路線上客位置之距離，讓更多巴士可以同時間上客，不會阻塞後面的交通
I）907C，982X，985 改行干諾道中，取消電車路沿途各站，改停皇后像廣場，砵典乍街，永安中心

預計上述措施實施後，西隧線下午繁忙時間在港島區之行車時間可以減省20%，能夠提升服務質素，吸引乘客

好建議，我前幾日搭969A，塞咗八個字先入西隧

希望可以統一935／936，以及968／978站位。另外，936大球場服務點樣補償？

miklcct 發表於 2020-7-5 19:02
希望可以統一935／936，以及968／978站位。另外，936大球場服務點樣補償？

935同936 兩條路線嘅定位其實唔係好一樣，935偏向為少站快車，936則定位同905/914相似，乘客多數都係一早已經選定乘搭其中一條路線，935改停文華里嘅某程度上亦都會增加摩利臣街嘅車流量，相較永和街，更容易造成交通擠塞

至於968，978方面，有諗過978改停永和街，但似乎排隊位置唔係好容許，對現有文華里嘅乘客來講，行去永和街亦都有啲遠，968/978 擺埋一齊我諗本身都係想乘客可以喺是但一條線斷纜嘅時候，上其中一條去大欖隧道，而當建議裏面有關灣仔嘅措施實施後，相信可以減少灣仔巴士擠塞嘅機會，從而減低去到中上環嘅時候出現斷纜嘅風險

936 棉花路嘅乘客可以行出去中央圖書館上車，相信行出去嘅時間應該仲快過係巴士上面塞車嘅時間，至於去程其實可以繼續維持現有路線

成個建議最主要係想平衡返摩利臣街，禧利街，永和街三條路嘅巴士數目分布，同時減少各巴士站停靠之巴士數目，減低造成阻塞嘅機會，如果中上環啲巴士唔塞車，能夠跟返ETA 嘅時間到達每個巴士站，相信乘客能夠及早透過ETA選擇自己想要搭嘅巴士，去返相應嘅巴士站，除咗能夠令中上環乘客嘅車程更有預算，亦都可以確保每條西隧巴士線能夠在35分鐘之內由總站開出入西隧，增加返競爭力

最簡單既方法係削減巴士車站數目

例如：
960 灣仔站去到西隧口有 8 個站
934 同路段但只得 5 個站
936 8 個
948 5 個，唔計皇后街得 4 個
要快就要減少車站數目，合併同區路線大站處理

又例如 967
行干諾道中就轉返入德輔道中
反而 968X 又要入返德輔道中塞而唔係同 960B 同路

天空之神 發表於 2020-7-5 23:09
最簡單既方法係削減巴士車站數目

例如：

所以建議有針對到各線嘅巴士站數目

960，961，978 由菲林明道至上環站只有6個站

936 菲林明道至文華里亦減至6個站

967 就比較難改，始終改完會同969唔同站

上下繁，其實應該拆線；譬如銅鑼灣去到盧押道就上公路；960AB 分家；
不過先決條件係做好個轉乘網。你要轉乘個offer吸引，先至吸引到乘客係轉車站轉一次車；（因為長途搭得巴士都係想坐同唔洗行啫）。

西隧其實先天條件好好，獨營線居多，個站又算大，其實新城 同 九巴 係夠資源各自做轉乘網。

ky927 發表於 2020-7-6 17:13
上下繁，其實應該拆線；譬如銅鑼灣去到盧押道就上公路；960AB 分家；
不過先決條件係做好個轉乘網。你要轉 ...

暫時咁睇班次容許拆線嘅大約只有968，其次係930X同948
要拆線嘅話，正線班次起碼要有5-7分鐘一班先做得到

930X 加班潛力幾大，可以拆開去930P同930X，跟968模式

948 長遠應該可以加到5-6分鐘一班，去到嗰陣就可以考慮拆線，下繁 948 涌美止步，加948P 回程，南橋之後直入翠怡花園，去到長安之後再上長宏

962B/X/969 冇乜條件再進一步加班，三條線一去到8分鐘一班就企唔到人，好難說服人哋再俾佢加班

ATENU364TC196 發表於 2020-7-6 07:43
所以建議有針對到各線嘅巴士站數目

960，961，978 由菲林明道至上環站只有6個站

其實 967 969 同站無用
去中上環去三湖唔會搭 969
天水圍北本身都會死等 967

我個人覺得967應該非繁放棄中上環變成967X，行中環灣仔繞道，灣仔銅鑼灣當然要同969同站，然後欖隧互轉。
968就可以自我分拆，一條灣仔北，另一條天后開盧押道走。
然後961就搬總站去灣仔北，換978過灣仔會展，961可以考慮灣仔北開出之後經興發街直往天后，然後銅鑼灣，盧押道走（即15B走線），放棄中上環，繁忙時間增強961P服務。
978就改站位同968一齊，比乘客欖隧見。
936同樣可以考慮非繁放棄中上環，改行中環灣仔繞道，然後互轉934。
930X亦都應該非繁放棄中上環，改行中環灣仔繞道，互轉930。