671 點解咁坎坷

EX-TL 發表於 2020-7-5 19:31
671開線以來, 利南沒有住宅, 但遲啲有地王級豪宅出現, 情況有變.

呢個真，到時可能拉590落去 XDDD

亦都可能係590整極唔死嘅原因。等利南返生 XDD

客量唔算多,但一轉車3-4個鐘
原先係取消/非繁60
依家非繁仲有30要感恩

南區去觀塘，無論搭鐵定坐巴士都要兜大圈，所以唔係單純671既問題，
而且671行咁遠路都只係用10部車左右，而家做流水+執雞線非常符合定位

既然九城都唔太care 呢條線
應該拎出黎比新巴做

交換 590 比九巴
一家便宜三家著
其實 671 可以考慮全日入九龍灣工商區
並延長上慈雲山南
為鳳凰提供直達銅鑼灣巴士服務

講開671，有諗過671可唔可以假日搵一個時段唔兜利東，改兜香港仔
話晒利東有鐵，香港仔冇
不過呢啲都係FF居多

利申：冇做過research

有坐過 671 既朋友應該都會發現，一般情況下港島方向明顯快過九龍方向

九龍方向落天樂里同怡和街，好影響車程同觀感，但觀塘區往南區，已經係用緊最快行法，唔塞車會比起九龍方向快 8-10 分，飛起北角炮台山隨時因快得慢

想九龍方向加快車程，又唔得失銅鑼灣客，個人認為可以改停堅拿道西，上堅拿道天橋，然後停皇室堡


671 呢條線同鐵路重疊得太緊要，如果做唔到頻密班次就好難同鐵路競爭，但可惜怡和街同觀塘道都無條件畀呢條線加班，況且本身客量都無加班條件

想救線就要避開鐵路，上面有版友提及，改行中灣繞薄扶林呢個諗法，幾有睇頭；但如果同時要做黃竹坑同鴨島，就唔可能

另一個值得考慮既方向係 671 改上彩雲，同 606 對調總站，創紀後改跟 15A 入九龍灣商貿區，臨華街後轉出啟祥道上返彩雲；上繁港島方向就做 671A 經三彩、牛頭角道過港島

畢竟而家 671 九龍灣一段觀塘道都執唔到咩客，回程都係執緊 619 雞；做海濱道新商廈、九龍灣商貿區同彩雲，前景唔會比而家差，至少養到一班肯特登去坐既客，打通九龍灣商貿區往來北角至銅鑼灣呢個巿場

同時亦可以滿足彩雲爭取銅鑼灣車既訴求，彩雲食 671 會有用過 606；同時鑽石山新蒲崗本身有 116 響左近，加上沙中線幾年內全通，食 606 會實用過 671

ky927 發表於 2020-7-5 19:26
老實，好大改善係好難。一係大膽啲

1）拉上慈雲山，做116北角特快嘅角色（唔知快幾多）；

我唔否認信德尾站入中灣繞直去東隧時間上非常吸引，
但返港島直行繞道一出就係高樂花園，唔落中環又無客，跟 18X 行又慢左，
里數又高，天價成本但非繁難回本，頂多有潛質做兩味線，可能順手做到數碼港客生意，

點睇到時依條線等到東鐵過海，係 101 身上開刀，而唔會搞 671 找數。

S3BL100 發表於 2020-7-5 22:38
有坐過 671 既朋友應該都會發現，一般情況下港島方向明顯快過九龍方向

九龍方向落天樂里同怡和街，好影響 ...

行得薄提果林就放棄黃竹坑架啦。黃竹坑可以用107轉乘，黃竹坑點都係行香隧快同近。

天空之神 發表於 2020-7-5 20:45
既然九城都唔太care 呢條線
應該拎出黎比新巴做

671 九龍灣德福客量一般係事實，但唔好咁好天真當九龍灣商貿區係寶先得嫁。

671 車程已經超長，落埋宏照道車程會更長，跟 15A 出入入宏照道起碼番加 15 分鐘，仲有勵業街全天候塞車風險。
一日仲屈返入英皇道，浪費 10 分鐘亦係事實（根據多次 619 / 619X VS 619P / 641 車程比較，繞道通車後），
我話知返九龍直飛銅鑼灣避風塘（雖然我贊成咁做），一樣無辦法補番來回入九龍灣所增加既車程。

如果 15-20 分鐘一班，照送佢入宏照道、偉業街都算，
30 分鐘一班仲入去陪塞？671 已經塞到回唔切車，我留名等睇連觀塘道班客進一步轉投港鐵。

再者，九龍灣 - 銅鑼灣班客主力搭緊 107，自從沙中線工程搞得七七八八，
下繁又有 101X 情況下，如果紅隧線因為東鐵過海通車再削班，點都係搵 1 字頭先做依個市場。
就算唔搞，一日留 101X 下繁係度，咁仲有咩野人會搭一條仲經北角既新 671 去銅鑼灣呢？

唔係一句九龍灣商貿區有客，而無視 101X / 107 係度既事實。
101 / 111 / 106 / 107 / 108 / 116 遲早要找數，成個重組空間可以好大。

講真，671 個問題的確幾棘手，因為 671 有幾水客，例如天后<>觀塘/九龍灣/鑽石山、天后<>南區，
又或者坐足全程嘅客，而當中坐足全程嘅客比例唔算太多，即係有唔少係流水客。

例如九龍灣站過海只有呢條巴士線，甚至N彩果頭有時都會有客特登行落去搭。
而程車最耐其實係停英皇道、觀塘道堆燈位，但唔停又唔得，話晒果邊都唔少客。