開辦短途特快巴士／小巴路線之可能性

這裏所指之短途特快線一般是指區內線，尤其是單一市區內之路線，特快是指行經70 km/h不設障礙之幹線公路／天橋／隧道。

部分短途區內特快之巴士路線成功例子包括：
安泰來往藍田站，途經將軍澳道之特快線213M，深受秀茂坪居民歡迎
天恆來往天水圍站，途經天影路之特快線K76，由早到晚都客似雲來
由海麗邨往旺角，途經西九龍走廊之特快線701

而小巴之例子包括：
九龍之71A及71B來往秀茂坪及藍田站，途經將軍澳道
新界之46X小巴，屯門市中心經屯門公路往富泰邨

但亦有一些區內特快線經營慘淡，甚至載空取消收場，例如：
途經洪天路特快，來往洪福邨及天水圍站之各線，包括各港鐵巴士及專綫小巴路線（K75P除外）
與上述成功例子213M一樣，途經將軍澳道之特快線13S
由烏溪沙站經馬鞍山繞道特快前往兩間醫院之89S線

請問如果要開辦短途特快路線，應該怎樣定線才可以獲得競爭力，會令乘客選用？

而在某些地區，某些特快路段只有長途線（不論是巴士還是小巴）途經，區內線卻不經，導致該等長途線需要同時兼顧短途乘客，如無雙向分段的話，短途乘客更須繳付前往終點站之車費，例子包括屯門公路於屯門市內的路段，無論由良景、建生、兆康以及藍地，前往屯門市中心最快途經均是途經屯門公路，但是除小巴46X單向途經外，卻沒有區內線途經屯門市內的屯門公路，令到乘客需要使用長途路線當區內線用，包括九巴之58M 58X 260X 960 63X 68A（屯門市中心往屯門北），以及小巴44（屯門南往紅橋）。請問大家認為在屯門，如果開辦一條由屯門北，經屯門公路前往屯門碼頭之路線，又會有足夠乘客嗎？

開架洪福邨-欖隧口綠小一定最啱你心水，最好加埋轉乘優惠。(你都係想我咁講姐)

這定義有點奇怪？城巴85、九巴211算不？

屯門條46綠小有冇X都受客歡迎架啦，
根本唔關特唔特快事囉！

同埋良景去市中心最快唔一定係行屯公架

GD1570 發表於 2020-7-6 16:58
屯門條46綠小有冇X都受客歡迎架啦，
根本唔關特唔特快事囉！

良景去市中心點樣可以快得過青田路轉屯門公路？

qunow 發表於 2020-7-6 16:56
這定義有點奇怪？城巴85、九巴211算不？

85行嘅特快比例太少啦，似係流水線多過似特快線。211就唔算，因為佢行嘅龍翔道係循環點，而唔係起點同循環點之間嘅路段，但如果有條線係竹園經龍翔道去彩雲咁就計。

miklcct 發表於 2020-7-6 17:09
良景去市中心點樣可以快得過青田路轉屯門公路？

順燈嘅情況下其實行山景一樣咁快...

258X 發表於 2020-7-6 17:12
開辦一條由屯門北，經屯門公路前往屯門碼頭之路線，絕對足夠乘客。
樓主得閒睇下屯市返良田條龍，任何時間 ...

點解唔開..咪就係因為有輕鐵，政策當局認為夠晒載啦，所以咪唔規劃囉...

講真，阿寧生成日講嘅龍鼓灘，其實夠客開一條20-30分鐘一班去屯門西及北...
結果咪一樣靠條兜到你暈嘅K52渡日...連小巴線都無條..

試吓龍鼓灘同龍門路/杯渡路畀紅小行..睇吓會唔會出到元朗紅小出嚟..