10598C 發表於 2020-7-24 15:33
213B客量欠佳就眾所周知，因為路線服務時間、停站，根本唔符合居民需要
213B客量稀少應該加停協和街增加 ...
只服務雙安的213B加停秀茂坪道對雙安係冇用處, 搭升降機仲快仲直接, 而且免費, 停協和街即係搶緊23 23M 26M 47 93A 95M客, 213B收$4.3, 平過晒呢六線, 如果你講到協和街會多番啲客, 呢班客應該都係左手交右手多, 兼且導致213B回車慢左, 落到秀茂坪同其他路線又重疊, 對九巴係弊多於利.
47自安泰邨入伙加大投資, 買新車, 加班, 加入新支付模式, 業績突飛猛進, 巴士多幾個客濕濕碎, 小巴少幾個客就冇左三份一, 47以前頹爆, 撐到新邨落成先有啲起息, 舊線23 23M 26M都係靠安泰邨挽回頹勢, 47自然唔例外, 213B協和街加站, 可能九巴無所謂, 小巴就難講啲.
如果有一日, 213B延長上去石礦場, 加停協和街絕對冇問題, 即使仍然停雙安, 因為石礦場離其他交通路線遠, 唔構成同其他交通營運者直接競爭, 而且等到石礦場首個樓盤落成, 就算觀塘市中心未完全落成, 凱匯嗰part(整個重建項目最大嘅地盤)好難會未完成.
市中心項目有商場和公園, 係一層一層遞升, 比起現時一帶街道都只係得馬路同行人路, 想多一級行下都冇(極其量你可以話重建前麥當勞 美心快餐 新一系 沙嗲王 泰林 百佳 屈臣氏 匯豐 渣打 寶聲 銀都可以上樓算係另一層), 可容納的行人流量必定大增, 到時個龍門大咗闊咗, 擺番條安達臣線入觀塘, 都唔算過份.
但你嘅思維就係, 觀塘道 觀塘 觀塘站 觀塘商貿區 安達臣整個package或單一項永遠唔會變, 市中心仍然係重建前嘅市中心, 商貿區人流就係得而家咁多, 安達臣發展唔需要同市中心重建配合, 唔需要理商貿區上班人士增幅, 無需理會其他交通營運者, 冇從觀塘居民角度去諗等等.
發展係要按步就班, 亦要考慮周遭因素, 配套如果配合唔到, 畀你落到嚟市中心得一片爛地, 何不選擇其他路線去其他地方行得舒服啲, 帶旺附近非核心區都係好事, 至於你話返學同埋朋友聚會, 都係嗰句, 左手交右手, 而且收平咗, 聚會嘅嘢入瑞和街聚, 定係和樂邨聚, 睇唔透, 同仁街巴士站就喺市中心對面, 行兩分鐘就上到觀塘站大堂, 去飲茶食飯返工都非常方便.
石礦場康體設施一定有, 只係睇公佈咗出嚟嘅啱唔啱你, 話唔定係調番轉吸引到山下面啲人上去玩.
總結: 213B會唔會喺不久將來協和街加站來刮我一巴, 我唔知. |
