應該取消/搬走哪些觀塘道巴士線，成全其他區途經願望

YY487 發表於 2020-7-26 10:58
行得偉業街當然係一路直去
觀塘碼頭去龍翔道，對巴士嚟講行車時間最穩定一定係偉業街直行
起碼可以快啲走 ...

彩虹交匯處最大嘅問題係丹鳳樓個停車灣唔夠闊，停咗一架巴士就慢線過唔到大車，得返一條線，下繁日日頂返落觀塘道同清水灣道。嗰個位而家做緊加裝升降機，但又唔見佢有擴闊個停車灣

HR1377 發表於 2020-7-24 16:19
拉11C咪有機會將214部份乘客轉投11C

11C 可以清 290A/290系客源, 同 93K 觀塘道-寶達聯合班次, 也是 214 龍翔道(黃大仙中心, 鑽石山) 替代線
也是 88 彩虹 - 秀中聯合班次, 11C 拉上安達臣/石礦場也可取代 213B 搶錢功能, 一舉多得

93K 依家 15-25 一班絕對不好等, 見觀塘道好多客有 1A/11C 就上, 基本如無政治問題二條線都可直接拉上安達臣/石礦場
而 93K 也可改成 1A 玩法, 一來清 98A 客, 1A/95 大幅供車比 93K 又另一條搶錢線, 將隧轉車站開通要做埋轉車客收入穩定性會大幅提高
除非東九龍線即時上馬, 否則大幅縮減上山線可能性非常細

YY487 發表於 2020-7-26 10:58
行得偉業街當然係一路直去
觀塘碼頭去龍翔道，對巴士嚟講行車時間最穩定一定係偉業街直行
起碼可以快啲走 ...

當你識講「德福行車速度頗慢」，你覺得偉業街直行既車會快得去邊？
其實九龍灣得唔夠 8 萬人返工，都搞到日日屍殺列車咁走難，難為隔離觀市有成 18 萬人返工。

偉業街天橋龍尾有四堆車會插隊，海濱道、常怡道、常悅道、啟祥道。
插完隊啟祥道既車又會係天橋 Cut 入快線，
日日偉業街天橋龍尾排到去常怡道，塞起車上黎過埋驗車中心，咁又有咩意義？

另一個問題係，觀碼吉車想去邊起載？上左偉業街、龍翔道天橋，只能夠停到紅萼樓，
即係話屯元天無車可以上龍翔道天橋。

更大問題係，當勵業街因為觀塘道東行又出事，骨牌效應應該會發生，
最終一定倒塞返鴻圖道、巧明街、駿業街北行、偉業街東行、海濱道西行。
最大問題觀塘道係堆車點入觀碼？

與其浪費心機諗方法踢車入偉業街改善開源道問題，倒不如揀部份觀碼密車線下繁 1/3 班次索性唔入觀市。
去到常怡道天橋底，上喜鵲樓清客，再係雅麗道掉頭走咪算。
101 一半班次更加去到牛下清客就掉頭去牛頭角總站，保證世界和平。

（如果有人問我講定富街、創紀、觀市班 101 客點算，
家陣日日觀市總站有一半車唔係中環特車就踢去彩虹或木廠街起載，依堆特車根本無必要係裕民坊開，直頭阻街）

053h4 發表於 2020-7-26 11:57
個人覺得可以考慮以619X全日, 601/619調整班次的方式, 通過分流減少呢兩條線經觀塘道的車流 ...

定還是應該招標新線做 安達新區 <> 寶達 <> 秀暉樓 過海呢？

YY487 發表於 2020-7-28 21:25
睇咗你咁多嘅發言
我發覺你對觀塘區而家嘅硬件同將來嘅規劃非常熟悉
但由你提出嘅(反)建議

老老實實，單純以事論事，似乎唔多好了解觀塘塞車真正原因。

觀塘道東行：
雅麗道至同仁街，大量巴士埋站，同時康寧道至駿業里天橋有多達 25-30 幾線埋完站即刻 Cut 落 3 線落下行通道，形成死亡交叉。
結果大量巴士線打橫封死觀塘道 1-2 線，但同時駿業里天橋至 APM 天橋既車要係 3 線轉實線前入線，結果形成塞車。

就算開源道倒塞無倒流去駿業里天橋，一樣因為上面果廿幾條線打橫 Cut 線入隧道，搞到觀塘道東行塞車。
只係開源道倒塞出觀塘道迴旋處可以令件事惡法。

至於雅麗道至康寧道一般，情況相同，頭兩線比巴士霸佔埋站，另外兩線係高速私家車車流。

你原意無錯，將觀碼線踢入下行隧道，希望阻止車流入開源道，但 10 幾條要落觀碼車去邊度清客？
康寧道至駿業里天橋已經無位埋站，咁唯有踢線去到創紀之城埋站。
油站不宜再加線，因為左轉康寧道隧尾已經頂到去行人隧道入口。

結果會點？好心做壞事，就算開源道根本唔算塞車，本身明明塞到好嚴重既情況，講緊雅麗道用 10 分鐘一定去到觀塘泳池。
你將 10 幾條車海線踢落隧道，加劇 1-2 線搶位落隧道問題，加劇觀塘道塞車問題。

另一個問題係，儘管觀塘道東行龍尾有機會引致牛頭角下邨開始慢車，但唔係行唔郁。
切記一點，如果牛頭角下邨甚至德福塞到死左，咁即係代表連牛頭角道都死埋，又意味著觀塘市中心癱瘓。
咁討論絕對無意思，因為已經超越塞車程度，而係癱瘓，唔好將兩件事混淆。

如果牛頭角道未死，不妨留意觀荃紅小同私家車點行，只有真正熟悉觀塘道交通情況既人先知牛頭角道有幾重要。
既然牛頭角道行得郁，已經有好大分流作用。

另一個問題係雅麗道塞死，證明你又甚少係玉蓮臺搭車落東隧或者出旺角。
雅麗道夠短、夠闊（四線）、三個方向都走到，要塞得死雅麗道，必須觀塘道東行、西行、勵業街全癱。
如果司機行到雅麗道發達勵業街頂番出鴻圖道一號，正常人會轉右去觀塘道東行經欣業街或康德道落偉業街。

只要觀塘道東行或勵業街正常放到車，雅麗道從來都死唔晒。

=======

觀塘道東行、鯉魚門道、偉發道

鯉魚門道泳池對開面對緊一個大問題，就係快線果兩條右轉觀塘道西行同偉發道行車線越黎越多車，支燈又太快轉燈，根本散唔切車。
大家都了解到隔離法院去到開源道一段觀塘道西行係塞車黑點。

其實入成業街內圈既車又係果段用偉發道入，觀塘道 U Turn 車流又用果段路入。
全部觀碼車又排果兩條行車線仲咩野？你想多車到頂番落下行隧道？

引致到上面觀塘道東行塞車，觀塘道下行隧道是否暢通無阻係開鍵。
假若係真心了解觀塘道塞車，只要觀塘道西行、將隧、東隧爆大鑊，
頂死下行隧道後果係足以引致東九龍大癱瘓關鍵因素。

我經常性係唔同時段都會由玉蓮臺或康寧道高速片入東隧，觀塘道下行隧道唔塞車，
就算雅麗道至康寧道一段觀塘道東行有幾塞，過左下行隧道仲係神仙，東隧塞車係另一回事。

如果係強行增加果段鯉魚門道巴士車流，快線右轉果兩條行車線倒流去到下行隧道，結果會令觀塘道交通立即癱瘓。
因為所有觀塘道東行車流無足夠空間散得切。

家陣由佢地係開源道塞車咪好地地，起碼唔會搞到下行隧道。
你建議反其道而行，將所有車塞晒若下行隧道，就算你開源就幾順都好，觀塘道一定會一樣癱瘓。

唔需要咁複雜，早排條隧道水浸，早係開源道暢通無阻，你睇下觀塘道東行塞成點？
之後開番其中一條下行隧道行車線，都係散唔切車，開源道一樣暢通無阻，觀塘道東行又塞成點？

又唔洗咁複雜，正常日間情況，下行隧道多車過唔切翠屏道支燈而慢車，結果下行隧道車流慢，觀塘道東行有咩開始塞既情況？
我答你，我上果部 619，仲快過我前面部 259D 去到泳池，果陣開源道車流一樣唔快。

單係創紀慢線埋完站打橫 Cut 入隧道，同埋鯉魚門道右轉散唔切車而搞死下行隧道已經好大問題。
唔好以為咁做一定 Work，特別係你將一堆唔應該入鯉魚門道既觀碼車送走唔一定係好事。
當然，有時開源道癱瘓迫不得已咁做係可以，但唔係必然解決方法，一樣有好大機會搞死成條觀塘道。

＝＝＝＝＝

偉業街、巧明街、駿業街、鴻圖道內圈

你似乎唔明，點解我成日話行偉業街唔穩定，偉業街要分成三部分講。

假落你真係了解觀塘道塞車原兇，引致開源道塞車有一半原因同巧明街、駿業里、鴻圖道內圈塞車有關。
入到依個內圈，只有 4 個出入口：
1. 巧明街匯豐（開源道入，成業街觀塘道協和街車流）
2. 創紀之城六期（觀塘道西行入，觀塘道康寧道車流）
3. 駿業街日昇亞太中心（偉業街西行入、駿業街直入，偉業街東西行、開源道車流，即係幾乎全世界）
4. 巧明街悦品（偉業街東行入，偉業街東行，勵業街車流）

3+4 依兩個入口已經整死左成條偉業街東行，入面發生咩野事我唔解釋。

但點解明明只係塞緊東行，關你觀碼車用偉業街西行走咩事？
一切原因係駿業街同偉業街十字路口。

首先，幾乎 100% 觀繞 加 1/3 東隧 加 2/3 將隧入 Landmark East 既車一定係依個路口入。
另外大量離開海濱道去東隧、觀繞車流又用依個路口出。
依個十字路口每日發生緊，就係入鴻圖道內圈同出東隧既車成日打橫訓係黃格，
下繁時不時已經打橫阻擋晒偉業街西行車流。

好在而家無咩自由行客，否則以前仲有一堆旅遊巴阻街。
你不如睇下每日 33 或村巴埋一埋巧明街依個站，後面龍尾去到邊？係去到駿業街同偉業街十字路口。
當已經唔係好行郁順，果段路已經日日 3 線 Double Park 到單線，你仲塞一半巴士停站？靠害唔係咁搞。

＝＝＝＝＝

偉業街、成業街、敬業街、鴻圖道內圈

你犯左一下最大既錯誤，以為觀碼迴旋處塞車，單純因為開源道、偉業街西行離開觀塘車流，加大量巴士車流而生。
嚴重忽略左偉業街西行其實都係兇手之一。

切記，由觀繞落橋支橋去到觀碼迴旋處果段偉業街西行，係要負責晒全個觀繞、部份將隧、東隧入敬業街、駿業街車流。
車流之多，足以日日搞到觀繞落橋位慢線倒塞去九龍麵粉廠。

你一心以為將所有車踢走晒開源道、用果段偉業街入就解決緊問題？
你又好心做壞事，明明 33 下繁由麗港公園轉入觀碼都要過五關斬六將，
全部觀碼車流統一入去果段仔偉業街，你想將觀繞落橋慢線龍尾倒塞返 Megabox 上橋位？咁樣會搞到連九龍灣宏照道塞車問題惡化。


係搞得掂，6 年前顧問報告就唔會建議開條新行車線打通榮業街至觀碼巴總，或考慮將大部份觀碼巴士線改去觀塘站停。
6 年前已經一早講左果段偉業街西行已經流量過多，唔可能再塞車入去搞死觀繞。

＝＝＝＝＝

偉業街、偉業街天橋

的確，家陣肺炎嚴重，偉業街天橋似乎無以前咁塞，
但當你一方面又指責觀塘道東行好塞、開源道好塞，難道偉業街天橋唔塞？

偉業街天橋塞車原因的唔詳細解釋，但有咩車流會上偉業街天橋西行好值得解釋：
1. 啟祥道
2. 常悅道
3. 常怡道
4. QuaySide 以東觀塘車流

德福平台支橋下面係得 2 條行車線加一個巴士彎夠停 2 部巴士，
家陣一條巴士線都無，1+2+3+4 全部車流夾埋，
正常情況龍尾已經去到常悅道近其士，有時多車會去到富臨中心，重要慢車慢到同觀塘道東行一樣咁慢。

先唔講停唔停站，你將一半觀碼巴士線改行偉業街，咁車流咪仲慢過觀塘道東行？
係穩定係安全，運輸署就唔會明知宏照道近零碳天地炒成一碟，都不停塞線入去塞個幾個十字路口，
而由得德福大廈巴士站荒廢左咁多年，富臨中心近啟福道橋底一樣有巴士站，自從 33 行返果段偉業街，又有復活番依個巴士站咩？

擺明運輸署自己都避免再塞專營巴士線行果段偉業街，去做個 Buffer 出黎比私家車同德福平台車流用。
真係穩定？一日半日唔塞唔代表穩定，而係一個星期五日都無大事先叫穩定。

家陣果段偉業街西行仲唔穩定過觀塘道西行，咁行又何必呢？
係 Work 既，一早有車行緊偉業街西行直走。

＝＝＝＝＝

咁講到尾，希望你真正了解觀塘點樣塞車。

切記一點，好多覺得只要諗方法唔好同離開觀塘工廠區私家車撞就得，
咁行偉業街放車走咪解決問題，以前我都咁諗過。

明顯下繁你甚少反方向入觀塘工廠區，當你人生包受幾萬次下繁入觀塘塞車之苦就會明。
觀塘塞車複雜到一個點係，當你塞左成千過萬塞車，塞成十幾廿年，仲要唔同時間都有出入觀塘先到真正了解發生咩事。

＝＝＝＝＝

咁答番你問題，如果係偉業街要散車，又唔想街敬業街可以穩定地散走觀碼既車？

1. 參考九巴定富街起載行法：觀碼 - 海濱道 - 勵業街 - 觀塘道 ->
2. 參考區內 Shuttle 同村巴行法：觀碼 - 偉業街 - 啟福道 - 啟成街 - 承啟道 - 啟新道 - 四美街 ->

你不妨問下觀塘道班客，佢地想有車搭，定佢將條線一拆二分偉業街同觀塘道等車？
仲係你都保證唔到行偉發道，觀塘塞唔塞車，回唔切車返觀碼，偉業街仲要載客？
大脫班救觀塘道正線都搞唔掂，偉業街班人佢地點等車？偉業街載埋客仲衰過中途起載。

係無方法解決到點入順暢觀碼前題下，唯一方法係唔入觀碼。
雅麗道回轉唔係最好嫁，但觀碼、裕民坊大部份車去尿都痾唔切就立即開車，
有咩方法可以減少觀市開源道車流之餘又散到定富街、九龍灣果兩條龍？
起碼雅麗道掉頭係唔入觀市之餘，觀塘交通可以處理到既情況。

你係擔心佢地休息既，咪用 101 開一半特班縮去牛頭角，
換部分觀碼車班次上新觀市巴總比人去廁所，之後嗱嗱聲開車去創紀載客，起碼清到客。

雖然仲要入觀市，但起碼觀塘道西行根本唔塞，好過走入偉業街西街陪塞？
偉業街天橋一個星期有一半日數咁唔穩定，明顯唔係一個更好選擇。

開一條九巴獨營港島東至九龍東巴士線，順便有巴士轉乘往新界西

Tom9840 發表於 2020-8-3 20:43
開一條九巴獨營港島東至九龍東巴士線，順便有巴士轉乘往新界西

720, 722, 780, 788 轉車
唔該唔好再婆婆媽媽咁洗版

你喜歡的話可以坐613轉33/62X/259D
合你心水啦應該~
九巴獨營港島東至九龍東路綫呀