應該取消/搬走哪些觀塘道巴士線，成全其他區途經願望

~誰@359~ 發表於 2020-7-26 02:12
好奇一問，點解唔可以調轉，除左巴士之外，碼頭區既車只可以用偉業街？咁連平時觀塘道以至迴旋處塞車都可 ...

事實上唔少搵食車都係經偉業街入商貿區, 但下繁可以比行觀塘道更惡劣, 偉業街仲要有多幾支燈, 同埋多違泊

入商貿區同出商貿區既車流係開源道同巧明街打交, 頂死其他商貿區入面既支路, 呢個先係死症
巧明街創紀之城三期可以出觀塘道, 但出去既車流要先同前面六期觀塘道駛入車流, 以及從開源道駛入既車流打交, 偏偏巧明街多違泊之餘又唔係特別闊, 下繁基本只有一線通到, 大車出入工厦仲會頂到全部行唔到
慈母近幾個月已經出拖車直接處理違泊, 只係好少少, 架拖車都要塞到入去先做到野.




當然可以將開源道想出區既車流引去偉業街北行, 或者觀繞, 好多車都咁做, 但碼頭迴旋處果度又係樽頸, 因為經敬業街-成業街-茶果嶺道出觀塘道既車流會倒塞返去碼頭

Waiyin12 發表於 2020-8-8 12:11
606/682/694  601/603/613/619 個東隧BBI已經解決到

只係去港島方向才有減5元優惠，去程沒有

Tom9840 發表於 2020-8-8 15:20
只係去港島方向才有減5元優惠，去程沒有

咁係因爲全部過海車北行去到隧道口本身已經有分段收費嘛

用下腦 唸一唸 好無?

znc1911e 發表於 2020-8-8 15:23
咁係因爲全部過海車北行去到隧道口本身已經有分段收費嘛

用下腦 唸一唸 好無?

你甘吋做什麼，我建議下啫，你發我脾氣做什麼

znc1911e 發表於 2020-8-8 15:23
咁係因爲全部過海車北行去到隧道口本身已經有分段收費嘛

用下腦 唸一唸 好無?

我俾下建議，不一定要實施

Toz 發表於 2020-8-8 12:25
事實上唔少搵食車都係經偉業街入商貿區, 但下繁可以比行觀塘道更惡劣, 偉業街仲要有多幾支燈, 同埋多違泊
...

正確少少黎講，無人會敬業街>成業街>茶果嶺道/巧明街，再出觀塘道。
日日搞到開源道、巧明街路口塞車，除左少量成業街出觀塘道車流外，全部都係入巧明街內圈既車。

咁點解碼頭迴旋處塞車？因為幾乎全部敬業街非巴士車流，
全部係由觀繞落橋去碼頭迴旋處 U Turn 入敬業街去開源道、巧明街。
而偉業街東行右轉偉發道行車線太短，全部上東隧、將隧、觀塘道車流塞死晒係度，封死左敬業街路口。

根本唔應該再引車流去偉業街走，
家陣下繁偉業街東行龍尾已經排到封啟福道落橋位，而西行龍尾去到其士甚至富臨中心。

YY487 發表於 2020-8-8 22:38
抱歉咁遲回應，文章太長，我需要啲時間分析同整理
下面回應之前，我想重申
大家立場唔同唔緊要

好簡單，7 月 31 號我覆完你文，7 月 31 號下繁就出現左一次大癱瘓，8 月 5 號亦出現大塞車。
唔需要咁複雜，你果兩日係唔係觀塘？如果你係觀塘又留底 2 個鐘去睇睇咩事，就證明到我有無誇大內容。

如果偉業街天橋係一個穩定嘅選擇，點解偉業街天橋西行無咁多巴士車流，已經可以慢成咁？
唔好忘記，偉業街近其士對出只有兩條行車線，8 月 5 號 4 點半已經慢車，出面觀塘道、彩虹交匯處塞都未塞。

唔好意思，7 月 31 號我朋友專登搭 Uber 用方案二去黃大仙，
結果真係行啟新道快過 NR748 去黃大仙中心 10 分鐘，唔知你又點睇？

又真係唔好意思，7 月 31 號 6 點半，雅麗道係大癱瘓其實仲行得郁。

又真係非常唔好意思，但巴士咁死固固，一定係揾最穩定嘅路線，
7 月 31 號，架架吉車就真係由九廠走入偉業街東行去頭站私載，結果有大量特別車遲左 30-40 分鐘開車。

又真係非常非常之唔好意思，7 月 31 號大癱瘓，搞到觀繞塞車，
的確同偉業街落橋入觀塘車流有關，我正正係其中一個受害者，我由四點半開始塞起。

更加超級唔好意思，7 月 31 號大癱瘓，偉業街西行雙線其士一帶車速，係慢過海濱道單線西行車速。
而去到 8 月 5 號，海濱道單線西行車速亦一樣快過偉業街西行雙線其士一帶車速，兼勵業街北行唔算塞車。

係海濱道同偉業街天橋下，我會選擇海濱道（假設定富街、九龍灣要清客）。
但如果係海濱道同啟福道選擇下，我會選擇啟福道（假設定富街、九龍灣唔載客）。

===========

我有時間會再慢慢詳細覆，重點覆兩樣野：

「大西北堆密車線，其實好應該繁時自拆兩條線」。
拆兩條線觀塘線同九龍灣線，我唔係完全反對，我直頭支持，
但問題係你點解決晒觀塘咁多個站滿瀉既客流量？

就算你覺得而家偉業街天橋穩定，全因其士對出一條巴士線都無，
你埋站直去會唔會製造另一個問題出黎？你好似無正視依個問題。

「你不斷左閃右避嘅彩虹交匯處，而家可以塞到去觀塘道交差位」
彩虹交匯處雖然死症，但唔好意思，唔係條條線都上龍翔道死亡交叉。
80X 定 88X 邊條線最快上到大老山？唔好意思，80X 其實唔慢。
33 同 40 係勵業街經過，邊條線最快去到鑽石山？真係超級唔好意思，其實 40 會快過 33，仲要係 10 次入面有 9 次贏。

老老實實，咩彩虹交匯處唔係穩定地前進緊咩？偉業街天橋就穩定地前進，邊個雙重標準緊？
好似講到偉業街天橋堆車唔洗 Cut 番出太子道西，搞到偉業街天橋塞車。

彩虹交匯處塞到行唔郁，係去到德福癱瘓，唔係未試過，但我唔覺得偉業街天橋獨善其身
彩虹交匯處癱瘓一定同龍翔道西行出事，龍翔道西行近鑽石山塞車，龍翔道天橋會落唔切橋而慢車，偉業街天橋一定大塞

懶醒做法係最慢？非常超級唔好意思，次次用懶醒做法永遠都贏。

YY487 發表於 2020-8-8 22:38
抱歉咁遲回應，文章太長，我需要啲時間分析同整理
下面回應之前，我想重申
大家立場唔同唔緊要

回應 1+2

抱歉一件事，我數線果陣數埋上繁，唔記得左你建議上繁照行觀塘道。

既然你唔了解鯉魚門道轉偉發道、觀塘道依個點解，
你自然會認為下行通道係暢通。

都話左鯉魚門道轉偉發道無大量巴士車流都搞到多車，
將觀碼線送落鯉魚門道右轉偉發道，係轉唔切燈而有大量觀碼車流排隊，
後果會令觀塘站下行通道由慢車變塞車，蝴蝶效應黎。

你咁做係無意義嫁，直頭害緊人，咁又扮咩野專家去講明明有條通既路唔行？

14 14X 15 16 38 42C 全部藍田線，唔入迴旋處好正常，
目的係要減下觀塘站巴士站出車搶線既問題，避免果段仔出入巴總車流倒塞出迴旋處，
唔好混為一談。

去討論觀塘道塞車唔討論牛頭角道係無意義，
而且唔係全段牛頭角道得一條線，部份牛頭角道係兩條線。通勤客唔用牛頭角道更加唔正確，你唔用係另一回事。

但如果唔討論牛頭角道就覺得自己了解觀塘道塞車問題，我唔同意。

回應 3

「否則上述情況係極少發生」，對上兩個星期，
上星期五下繁 5-6 點、星期一下午 4-5 點、星期三下午 5-6 點，星期五下繁 5-6 點都發生左，我唔知道咁樣叫唔叫常見啦。

我都唔想行開源道嫁，
但行開源道入觀碼，我係對比偉業街東街、偉發道南行三個選擇入面，最好果個。
我都否定左隔離果兩個，唔行開源道仲可以點入觀碼？玩咩？

有次下繁 6 點次偉業街近駿業街口有部邨巴埋 2 線班馬線上客，
駿業街右轉出東隧車黃格車尾頂左出 3 線，無車夠膽過。
仲有有邨巴客討論緊依樣野囉，果位邨巴客係證人下化？

又有另一日，海濱道太多車，偉業街車流轉唔到入海濱道，33 埋唔到站塞左陣。
BTW，近依半年內試過 3 次 33 埋唔到站。
家陣果個站只係得 33 T277 X89D 停都搞成咁，你再加巴士線去停點停？

再者，觀塘碼頭巴士總站嘅出口太多巴士出，加上觀碼迴旋處都成日塞，就算個觀碼迴旋處擋唔擋到車本身都出車慢。
更何況咁多雙層巴士打橫開源道 Cut 入觀碼巴總，佢地擋唔死依個黃格。

至於運吉最新弱智搞作，以偉業街東行日日咁塞法，放心，只有觀塘人先會搭。
但行緊常悅道出偉業街，我既推論無錯，其士一帶偉業街東行依舊無車直過。
我更加留名等睇 797 大脫班。

回應 4

一半認同，一半唔認同，否則你點解釋海濱道轉入駿業街車流點黎？
如果係黎自偉業街東行，直接行海濱道咪得囉。如果係黎自開源道，巧明街同六期咪入緊內圈囉。

唔好用下繁，早繁好未？早繁一樣觀繞塞車塞返落偉業街觀碼迴旋處，咁埋車目的地去邊？
下繁就係咁樣，結果咪下繁觀繞一樣塞返上九龍麵粉廠。

「偉發道南行轉偉業街西行係有交通燈，車流量係有上限」、「宏利/振萬支燈」

車流量係有上限又點？果個十字路口日日要散敬業街上觀繞車流，觀塘入偉業街西行車流，已經好繁忙。
偉發道南行好多轉未入夠位過到支燈上到觀繞，而要等下一轉燈；右轉入偉業街車流唔算少嫁，將隧落橋車加容鳳書入偉業街車。

家陣燈口短，右轉車流唔算好多，咪尚算相安無事，
你踢晒觀碼巴士去偉發道南行轉偉業街西行，就算有燈控制，全日一樣多左車流嫁，
時不時因為多左幾部偉發道車而搞到觀繞落偉業街車頂一頂。

宏利、振萬支燈果支燈本身唔存在嫁，唔存在既年代，早繁咪一樣塞返上觀繞，家陣有埋，咪再頂一頂囉。

要對症下藥嗎，你信唔信取消晒偉業街同偉發道班馬線，偉業街東行左轉出偉發道取消支燈，
再將敬業街全部巴士踢出偉發道，移平花槽偷位劃多巴士彎，咁咪解決左敬業街塞車問題。

你要解決係敬業街同偉業街東行散唔切車問題，而唔係倒轉頭黎掃車入偉業街振萬至落橋位，果度 Overload 嫁啦。
唔緊要，7 月 31 號示範左點樣倒塞返 Megabox 上橋位，果日觀繞東行龍尾係麗晶花園。

回應 5

我成日都話，彩虹交匯處塞到行唔郁，偉業街唔會獨善其身。

好啦，就算 7 月 31 號觀塘道大癱瘓，搞到彩虹交匯處車流量大減，
獅隧龍翔道塞車龍尾去蒲崗村道，偉業街天橋一樣慢車，觀塘道用 U 形橋去龍翔道行得郁。

就算係平時，彩虹交匯處塞車死死地，龍翔道天橋慢車速，一係穩定地前進緊，車速同偉業街天橋唔係爭唔遠。
既然你用 NR748，我成日都拎 33 同 40 做例子，無得拗嫁，勵業街計，40 點都穩定過 33 去黃大仙係鐵一般事實。

而偉業街近其士對出西行講緊平日四點開始慢車，同時間彩虹交匯處就算死亡交叉一樣慢車，U 形支橋有大影響嗎？觀塘道所有巴士線仲係行車正常。
但其士對出偉業街西行可以搞到常悅道塞塞地，未有巴士行都搞成咁囉。

搞清楚狀況，我想指出偉業街西街車流十分脆弱，無巴士行都可以搞成咁。
如果你一口氣塞大量巴士行，下繁已經唔係穩定咁前進，而係會塞過觀塘道、開源道、敬業街、彩虹交匯處囉。

你塞還塞，當九龍灣放工車日日一樣屍殺列車咁走難，啟德沿途多燈已經覺得有問題，燈都無支、站都無個偉業街咪仲死？
都係果句，你覺得穩定地前進因為而家一日巴士都無改。

唔洗咁複雜，你得閒睇下偉業街東行，除左私家車、貨車，加堆私牌巴士，條偉業街東行日日塞成點？仲係唔係穩定地前進？
你係度討論果陣永遠唔幻想偉業街直去會有多幾多車流，而不停地 Re-Loop 而家「穩定前進緊」。
塞一堆車停埋站偉業街天橋邊度係穩定前進？偉業街天橋邊度負荷得黎？
你證明唔到囉，咁只係更加證明根本唔應該再塞車入偉業街天橋，因為家陣無巴士站、無巴士線直行，都已經塞到得穩定地前進咁大把。

回應 7

勵業街北行越來越塞係事實，觀塘道東行一樣係原因，不過除左私家車多左，離開九廠私牌巴士用佢出觀塘道係其中一個兇手。

其實唔係好多車會用勵業街北行轉出觀塘道東行，除非偉業街，海濱道塞到上唔到東隧、觀繞、將隧，否則直去同轉出觀塘道塞車一樣買大細。
但其從海濱道越黎越多樓起好，偉業街西街越黎越塞，唔少人寧願出觀塘道走好過係偉業街西街等死。

我上面講過，係海濱道同偉業街天橋比較下，我會選擇海濱道（假設定富街、九龍灣要清客），依個係迫於無奈既選擇。

就算彩虹交匯處幾塞，因為佢有大量巴士上 U 形橋先搞到慢車，
但唔好忘記，觀塘道西行就算又多車又慢，因為多巴士埋站，比偉業街西行穩定好多亦係鐵一般既事實。
你拎走佢一半車流去偉業街天橋，偉業街天橋快線一定頂唔順，已經唔止一個板友講過，你又提都唔提？

觀塘道西行三條行車線對比偉業街西行兩條行車線，拉走一半巴士車流去偉業街西行。
亦將一半彩虹交匯處巴士送比偉業街天橋快線。

咁樣講點都講唔通，唔好繼續拎而家情況，而家一部九巴大西北線行都無行其士對出偉業街西行，邊個低估緊將來偉業街天橋車流量？

運輸署作死開條逆走皇后山線我係唔同意嫁，到時咪睇下條線九龍灣上車，緊搭幾耐先到大老山隧道囉。
皇后山線去到海濱道根本要停，入九龍灣幾乎無意義。
又唔洗咁複雜，到時睇下 797 九龍灣要搭幾耐車去將隧口？

我一直都主張九龍灣同觀塘完全分家，下繁咪直接九廠開車，九龍灣起載，由佢地塞宏照道天橋，偉業街天橋去龍翔道，由佢地係九龍灣塞車就算。
而唔好日日為左加密觀碼線、藍田線或者開海濱道特別車，日日由四點幾開始塞大量私牌車係偉業街加劇塞車問題。

我成日都講一個笑話，下繁係山谷道搭 101 返創紀之城，觀塘道、偉業街正常塞車情況下，215X 快唔過 101 好多。
另一個笑話係，我下繁係定富街上 40，去到鑽石山部 33 都未上偉業街天橋。

邊個同你講九龍灣商貿區偉業街天橋車速快過行觀塘道、彩虹交匯處？40 塞埋彩虹交匯處都快過 33 去鑽石山
彩虹交匯處係咁慢既，觀荃紅小一早係直插落九龍灣改行偉業街天橋啦避塞車啦，我咁大個人未見過有一部觀荃紅小咁行過

同埋講漏左一點，為解決觀碼迴旋處塞車問題，同觀塘碼頭發展：
1. 觀碼迴旋處會改為十字路口
2. 基業里會同開源道延長段打通
3. 觀碼巴總會臨時重置，最終會變成鋸齒狀巴士站，公廁入口入，熟食市場出

https://www.ekeo.gov.hk/filemanager/content/public/en/KTAA-(Revised%20RODP).pdf

工程完成後好左定差左我答你唔到，但到設計上肯定將觀碼巴士踢去偉發道入觀碼一定更差。