[舊瓶新酒] 33A/37/237A重組建議

S3V1742C 發表於 2020-8-5 23:28
笑大人個口咩睇餸食飯 比33A37仲要頹既46都可以去旺角以南憑咩33A或者37沿線居民人口做唔到一條巴士線去 ...

唔通 46 好好客？好多荔景人坐佢去旺角以南？

S3V1742C 發表於 2020-8-5 23:28
笑大人個口咩睇餸食飯 比33A37仲要頹既46都可以去旺角以南憑咩33A或者37沿線居民人口做唔到一條巴士線去 ...

你先問下貴區同埋隔離葵涌邨，接唔接受到去旺角由 $6.4 跳至少兩級、加到至少 $8.1 先啦

你接受得到唔代表人地接受得到，唔代表會無反對聲音，更唔代表因為你接受得到所以可以唔需要理會反對意見、強行去做。事實係近年無一個重組係可以將原有乘客加價兩級、無其他替代方案下依然可以通過照做

不過咁，你心目中一個重組好壞既唯一標準，係貴區會否因此有車可以越過亞皆老街，去到油麻地佐敦，其他區反唔反對、重組係咪可行，就完全唔使理。你大可以停留喺自己既 FF，但唯一結果係現實入面咩都唔會做到，唔會有任何成果

castanopsis 發表於 2020-8-5 01:24
你個方案好似都做唔到一轉20-30%時間連休
Again，如果可以學你講殺37M，咁就5架車行33A、37唔減車都無問 ...

其實係做到

不過如果殺得 37M，將尖咀同新區旺角問題分開處理，效益其實未必差得過一條由旺角掃到尖沙咀

重點係葵盛同新區既客觀條件同訴求有別，兩區都無尖沙咀車自然可以考慮併埋一條去做，但葵盛本身無紅小競爭搶旺角客，而新區有，同時新區條 33A 營運狀況明顯差過 37，雖則 37 都唔見得好。尖咀併埋一齊去做固然可以，但旺角併埋一齊去做，實際只會有一區受惠

而兩區旺角線收費都係太低，如果因為併埋一齊做旺角尖咀線，資源問題令到其中一區無左條平價旺角線，最遠太子止步，去旺角被迫加價超過一級，亦好難過到關

同時我亦唔同意你所言「你搞完一輪原來只係旺角快咗幾分鐘然後覆蓋無大過，我覺得好唔理想」。33A 而家回程要行去新填地街先有得坐，站位奇差，只方便旺角街巿同朗豪坊一帶。如果做 701 模式旺角循環，基本上旺角都覆蓋到八九成，亞皆老街西行站位其實相當唔錯。實際亦唔止快幾分鐘咁少

我既結論係，將旺角同尖咀問題拆開，效果隨時更理想，亦肯定更容易做，至少唔會因為一個位觸礁而所有野都做唔到

起碼我仲可以保留楊屋道往來新區，亦做到葵芳往來尖沙咀

葵盛兜完葵涌邨大窩口邨同荃富街先出公路去油尖旺，
其實已唔比搭小巴去葵興站駁鐵差得幾多時間，吸引力認真成疑，
回程又完全停唔到荃富街，即係話你個荃富街旺角只限去程兼站位唔理想，
我真係對於你條 237X 嘅客量基礎有幾多好有疑問 ⋯⋯

我諗葵盛夾葵涌邨同大窩口邨做旺角特快線，
最大問題係無論先大窩口邨同葵涌邨後葵盛，定係先葵盛後葵涌邨同大窩口邨，
一係就迫頭站兜大圈再落山，去埋葵興葵芳先上公路嘅極度迂迴，
一係就衰在德士古道同荃灣路塞車，搞到葵盛頭站車程同行車時間不佳，
成件事會變成順得哥情失嫂意，是但一個地區都分分鐘唔會睬你條線，
寧願搭小巴或行路去保鐵出旺角，又近，車程又穩定。

S3V1742C 發表於 2020-8-5 23:51
唔肯面對現實果個
會唔係你自己呢
大窩口同葵涌邨好多居民已經一早用左腳投票

少人坐唔代表剩返既人同你地既地區代表會接受到將果少數人既選擇拎走，迫佢地每程花多好多錢

唔好將兩件事混淆

疏車？33A 37 得咁多部車，無米炊，你想加到非繁都可以做到 10-15 分一班？咪玩啦，連樓主個方案一樣都係全日 20

覆蓋少亦唔係問題，33X 旺角循環已經覆蓋到差唔多成個旺角最有價值既位，甚至亞皆老街上客站要搶紅小回流客隨時易過彌敦道奶路臣街。肯交出 37M 既話，尖沙咀佐敦亦可以另拆一條線去做。想問仲有咩問題？剩返既位置仲有幾多客？

方向幾新，33A 嗰度我覺得可以再行循環線，但係係葵涌行循環，與其來回都要行一次，不如全程淨係行一次，大約係 咁樣。（劃到唔行彌敦道係近排實在怕咗旺角道塞返轉頭）
呢個行法應該一轉可以 70 分鐘搞掂。咁正常情況之下繁時 17 / 18、其餘 20 分鐘班應該無問題，唔滿意都可以單向加特班到 15。而大窩口同新區應該會快咗，工廠區可能會慢咗啲，葵興站就會得返單邊，但係仲有 37。