九巴元朗屯門區雙向分段收費即日開始

天水圍呢邊反而269D少人，可能因為水邊圍走線問題，加上有機嘅位置亦都唔就腳

JC8385 發表於 2020-8-9 16:52
天水圍呢邊反而269D少人，可能因為水邊圍走線問題，加上有機嘅位置亦都唔就腳 ...

屯門呢邊得華都站有部機叫做有D用…(寶田/建生果D相信使用率不高)


明天上班日，即管看看58系列/63X/68A會否多人於此站落車拍機。
客源集中應是良建出市中心/元朗洪水橋藍地出屯門…

現在疫情期間，應該影響真正長途客比較微，要返齊工返齊學才見真章...

GD1570 發表於 2020-8-9 14:03
咁咪啱數囉⋯⋯

你喺洪水橋站上68A，收你$10.5，之後喺華都花園落，拍分段機，退返$5.5畀你，即實收$5.0 ...

68A就話唔應該拍, 但條數又好似唔應該係咁

例如260X收$15.1, 咁我拍優惠機退返$10.8, 咁已經收左$4.3, 咁我再去轉58M應該收($9.4-4.3)先係, 就算佢收我$9.4都仲係平過$15.1+0嫁喎

又例如269D收$16.4, 咁我拍優惠機退返$12.1, 咁已經收左$4.3, 咁我再去轉68M應該收($10.1-4.3)先係, 就算佢收我$10.1都仲係平過$16.4+0嫁喎

屯門/元朗冇區內線先咁玩, 咁其他區拎短途線做轉乘都冇話收短途價就冇轉乘嫁喎? 依家應該係要補差價轉乘, 咁照道理應該要比269D轉68M收68M價, 佢仲欠左屯門消防局個站, 唔比961有退錢短途收費再轉60M以補償冇左66M

點解有位人兄仲係唔明 落車拍左部機就等於你話俾九巴聽你係去市中心 之後唔轉車  而屯轉個轉乘優惠喺市中心／紅橋都轉得  只係一個bonus(或者都可以叫做九巴疏導人流之舉，例如欖隧M線叫你愉景新城先轉60M/265M/269M)

    好喇  我舉埋呢個例子就唔想再講呢方面嘅問題   

當你宜家係搭緊鐵路   你要由屯門去天水圍同人交收 再出市區  你喺天水圍站拍得卡出閘 個系統就預左你去天水圍 你入番閘咪加錢囉   如果你唔出閘 即使系統sense到你由屯門去美孚花左90分鐘。但佢唔會知你喺天水圍停留過嘛  

  你再舉260X 又係嗰句拍得卡 你個旅程就市中心完結左 再上58M係重頭開始另一車程  當然要俾哂兩程錢而冇轉乘   肯明白未？ 只不過係4.3+9.4平過15之嘛  話知你第二程轉960X丫  照收屯門出港島東錢加4.3嫁啦

Btw 完全唔理呢啲concept 人地出個優惠 寫明不能享有轉乘優惠  就係不能 你硬要駁嘴做咩  絕啲嘅話  當你搭完A33X 擺低完行李想轉番出去市中心 轉58M出番去補3.4(減6優惠） 你係要多手走去拍部機 唔退錢俾你係正常  絕啲（堅守冇任何轉乘優惠既話  要你俾番0.9都冇違反條款）

lsc04d11 發表於 2020-8-10 19:47
點解有位人兄仲係唔明 落車拍左部機就等於你話俾九巴聽你係去市中心 之後唔轉車  而屯轉個轉乘優惠喺市中心 ...

果陣未比人嘈過73A/76K/77K要有轉乘優惠就先要拍卡囉, 後尾未又唔係改到拍唔拍都照比轉乘優惠? 你用鐵路個例子又錯哂啦, 尖沙咀/尖東站可以出入當一程車計喎, 仲有巴士跟行車里數計, 條線兜大圈就收貴D嫁喎! 開返59/61/62/63等短途線未唔洗搞咁多花神囉, 你要轉就轉81K/88K, 唔係就冇轉乘! 搞埋搞埋就係多多花神唔開返59/61/62/63等屯門/元朗區內線, 係要拎架長途線黎搞! 八達通轉乘就係增加轉車位個彈性, 你係要迫人轉車站轉咁唔該好似城門隧道咁比個$0黎! 咁鐘意迫D人係轉車站不如係轉車站起返個大型物業及商場啦

總之，你嘈到九巴冇左呢句先講啦

分段收費不可與其他轉乘優惠同時使用，而乘客在上車繳費至下車後到拍卡機拍卡之間，亦不可以同一張八達通卡進行任何涉及交通工具的交易。

同埋鐵路邊有錯，係尖沙咀/尖東先可以咁計，全港九成車站都唔係嘛。同埋，尖東/尖沙咀可以咁玩「原意」係點先……

係要拗條款與細則做乜……



又正如你拎住張紀念車飛，人地條款講明用紀念飛不能於尖東/尖沙咀轉車，你偏偏係要揀，然後走去拗平時俾錢都係咁樣收一程錢啦。咁咪怪你明知唔轉得，又要唔理條款既限制係要揀尖東/尖沙咀轉囉。
寫到明拍左部機不能享轉乘，你又想o係華都轉，咪唔好拍囉。呢部機唔係預你玩轉乘！

shakugan2005 發表於 2020-8-10 20:09
果陣未比人嘈過73A/76K/77K要有轉乘優惠就先要拍卡囉, 後尾未又唔係改到拍唔拍都照比轉乘優惠? 你用鐵路個 ...

你要轉乘，咪直接去下一程車個站上下一程車囉，拍乜鬼o野回贈o者，完哂成程車喇咩？
講到明拍o左落去視作放棄之後一切轉乘優惠你都仲要拗o既？
講包拗頸，全 iTalk 你認o左第二之後冇人敢認第一。

今早約8:30，屯門華都站，58M拖4卡到站，由0人到幾個落車不等，68A落1個(車上坐滿企幾個)，有職員駐站。

啟用咗接近一個月, 見過咗頭幾日之外無人再講
想問下大西北嘅板友,
使用情況如何? 同埋對車程等影響有幾大?