[討論]真· 垃圾路線

依篇文2年前出現過,宜家翻炒

202
假特快, 車疏, 少人坐
即管睇下第時有無得翻身

好多入選嘅線都係流水線，其實只係反映左作者好憎流水線。但作者睇嘢太過流於表面，往往嗰啲流水線就會喺你想搭時候變得好有用 (有獨市位)。

肯定係71K 啦
正常人都唔會搭
成車兩蚊, 似老人院(真係坐輪椅都唔少)
等半個鐘,搭3 分鐘, 行得黎都行左去
但係偏偏有人等黎搭一兩個站

groom1002 發表於 2020-8-16 00:37
依篇文2年前出現過,宜家翻炒

唔止巴士, 之前出現過嘅港鐵站「比賽」文章, 即係太子 旺角 油塘轉車短途賽, 香港 尖東轉車長途賽, 康城-將軍澳無限輪迴等等, 近日再以新包裝示人.

算啦，睇篇文就知道個記者唔係幾熟巴士路線係點樣設計，新假期啲嘢當笑話睇就算啦。
篇文入邊有好多路線都係有返咁上下歷史，開線嘅時候根本好多高速公路都未起好(例如53號開嘅時候屯門公路都未起好，得青山公路俾佢揀。64K開嘅時候新田公路或者城門隧道根本就未起好，林錦公路係當最方便嘅嘅選擇。)呢啲路線又經一啲人少但係有有一定需求嘅地方，開幾條巴士線去服務呢啲地方根本就唔符合經濟效益，咁所以用一條線兜晒咁多個地方都無可厚非。
同埋除非係特快線嘅定位係停站少同埋點對點啦，一般嘅巴士線都係方便啲乘客去幾個地方嘅。好似28B咁樣，路線嘅原意係方便兩邊總站嘅居民去九龍灣觀塘牛頭角呢啲地方，咁啱呢條線嘅總站地理位置上係好近，咁所以先有啲人覺得行路仲快過搭全程。咁所以又唔可以話呢條線係垃圾嘅。
講開249X，相信個位記者唔知道繁忙時間城門隧道係幾咁塞車同埋49X已經密都好似車海咁樣但係都好多班車頂閘。雖然249X行青山公路會令行車里數長咗，但係就可以避開塞車黑點。

不過咁樣，香港有啲巴士路線嘅定位係有啲奇怪嘅。小弟就覺得A29P係其中之一，作為得快又收得貴嘅機場快線，竟然喺將軍澳開出之後又要兜去翠林，秀茂坪，四順，結果收平佢差唔多一半嘅E22A都快佢最少15分鐘(如果由寶盈花園打後嘅站上車咁計)。再唔係N969由銅鑼灣返天水圍個程設計都幾離譜嘅，返入天水圍之前要先經屯門洪水橋先至入到去。小弟情願N368延長去天水圍，再開多一條港島經屯門返洪水橋嘅通宵巴士路線好過。雖然小弟講過「同埋除非係特快線嘅定位係停站少同埋點對點啦，一般嘅巴士線都係方便啲乘客去幾個地方嘅」，但係咁樣行法真係太過浪費時間，方便到屯門人但係又搞到天水圍嘅人坐好耐車先返到屋企。

RH7685 發表於 2020-8-16 01:21
晏晝好多人買完餸廣福道搭一兩個站搭去廣福邨
應該幾好賺

唔覺好賺囉....
成車都係$2.4
夜晚就運空氣

GD2923 發表於 2020-8-16 00:55
202
假特快, 車疏, 少人坐
即管睇下第時有無得翻身

西九龍新區有701密車
蘇屋有2, 2A, 796C (雙向分段)

我暫時諗到202嘅唯一用處: 喺南昌插旗

我覺得垃圾線A33P一定入圍