請問鰂魚涌去小西灣嘅82X係唔係假特快？

係唔係假特快都好，應該要考慮下82X延長服務時間到23:00-00:00之間

EX-TL 發表於 2020-8-15 21:22
秀茂坪有架60號小巴5分鐘內一班, 如694很快有車, 60康逸苑落車跑落去分科診所又得, 或者架車兜完德田廣場去 ...

我頭先係喺寶達商場食完嘢跟手就喺秀暉樓個站上213M走啦 - 60同76B小巴唔經嗰度。咁如果落去搭鐵嘅話又應該點搭？鐵路唔到小西灣，鰂魚涌轉車又出名惡頂，應該搭到邊個站出返地面好？

又或者如果上得694，我覺得已經無乜必要再特登轉鐵落柴灣。694去到西灣河搭埋落終點要多18分鐘，落地底等鐵搭到柴灣再等小巴再搭小巴，應該慳唔到時間，杏花邨轉小巴應該快啲，不過都唔慳得幾多。
我平時去小西灣嘅習慣係，如果九龍西同新界西出發，中環轉788（回程可能789金鐘轉鐵）；東鐵沿線就轉118，係九龍東同西貢將軍澳難搞（將軍澳出發嘅話都要睇咩位，寶林嘅話就一程694，調景嶺嘅話就諗都唔使諗，一定鐵路過海，但鐵路之後邊個站出都係問題，究竟北角轉8X好定捱鰂魚涌之後杏花村轉62好）。

82X係比82快，但係同過海線106,682等等比較其實係差唔多

個人認為 82X 只有西行先算特快，東行唔算。
而我有一段時間都經常搭 82X，但只會係西行時搭，主要係由小西灣搭到模範邨落車再轉港鐵去東九龍或將軍澳一帶，
免左搭小巴轉港島綫後，到鰂魚涌站又要再轉多次嘅麻煩 (相信大家都知鰂魚涌轉綫要搶升降機搭，日積月累下超級大壓力。)

leo_ku 發表於 2020-8-15 19:47
82X東行最麻煩就是入唔到太古城上東廊。

華蘭路私家路唔比巴士入

當年想柴小直插太古城用華蘭路出被ban

天空之神 發表於 2020-8-15 23:38
華蘭路私家路唔比巴士入

當年想柴小直插太古城用華蘭路出被ban

華蘭路港島東中心外早年鋪磚，確實都被重型車壓爛，今年改鋪瀝青 (趙博士自稱成功爭取)，可以重新考慮行巴士。

miklcct 發表於 2020-8-15 22:14
我頭先係喺寶達商場食完嘢跟手就喺秀暉樓個站上213M走啦 - 60同76B小巴唔經嗰度。咁如果落去搭鐵嘅話又應 ...

藍田站搭鐵往調景嶺方向4-5或5-1車廂, 油塘站過對面月台搭將綫, 去到鰂魚涌站又係過對面月台轉右有升降機, 必須要同班師奶鬥快, 唔好彩客滿即刻跑樓梯上, 都唔慢得去邊, 我試過同升降機同步到港島綫月台.

唔想同班師奶迫慢動作升降機, 你喺過對面月台時左邊的扶梯跑上去, 呢條路唔算好長, 隨時快過等+迫升降機.

不過呢, 而家將綫非繁開6/7分鐘一班, 你可能搭番巴士過海好啲.

咁82X東行都唔係收緊特快價

秀茂坪規劃就是這樣，想快，你坐得213M，都預左要轉鐵或者其他，如果唔想行，又夾到ETA，藍田坐601/619一個站去東隧口轉694，唔啱時間就坐去北角8X/19，地鐵快少少，不過去到柴灣要轉車！

ccicoltd 發表於 2020-8-15 23:49
華蘭路港島東中心外早年鋪磚，確實都被重型車壓爛，今年改鋪瀝青 (趙博士自稱成功爭取)，可以重新考慮行 ...

對於82X而言，問題係本身條線喺愛秩序灣養起咗批流水客？