[討論]獅子山隧道收費廣場轉乘網路

新界來往九龍之行車隧道，除獅子山隧道外均(大老山、城隧、青沙)已設有大型轉車站及良好之轉乘網絡，唯獅子山隧道廣場一站並非所有全日路線停靠，如80, 86, 86A, 86C, 89B, 182等路線並不停靠

獅隧收費廣場應否如大老山、城隧等，將轉乘計畫涵蓋所有途經獅隧之巴士線，所有路線均會埋站? 同時因該站為封閉設計，應否參考城隧轉車站，於獅隧收費廣場可免費登車?

歡迎討論。

1. 去望下獅隧個站有幾細先，全部停哂龍尾分分鐘出埋公路
2. 唔係真係咁多地方無其他一程替代，一定要獅隧轉先 ?
去大路地方基本上都齊
長荔深 旺角 佐敦尖沙咀 九龍灣/觀塘
至於九龍塘紅土一帶就無咁多客支持，搞大轉車站拉長行長時間個cost仲大

青沙個轉乘網絡一啲都唔良好

獅隧轉車網絡好多路線都唔齊，例如唯一灣仔特快182唔停獅隧口，由新田圍出發已經要多重轉車（獅隧轉完九龍塘再轉），因為新田圍個站本身自從70取消之後已經無晒全日車行窩打老道。同樣地，亦因為愉翠苑及廣源唯一獅隧特快281A唔停獅隧口，導致該等乘客無法直接轉車去281A沿線以外嘅地區，例如無法轉乘87B去石硤尾，而需要先乘另一條線83K去大涌橋路，轉乘87D再轉乘87B。又或者，整個86系列無一停靠獅隧口，如須途經獅隧前往深水埗只能去到龍翔道或者石硤尾轉車，例如由上述例子之愉翠苑去深水埗元州街，需要先乘281A，轉乘87D，再轉乘87B，最後再轉乘86，對乘客構成極大不便。

miklcct 發表於 2020-8-22 23:48
獅隧轉車網絡好多路線都唔齊，例如唯一灣仔特快182唔停獅隧口，由新田圍出發已經要多重轉車（獅隧轉完九龍 ...

愉翠苑有86直達

依家獅隧BBI除開聯營過海同通宵全部都有份
仲要不限車站轉乘自由度極高
你兩個point似乎都無乜說服力...?

其實獅隧個規模同大老山差唔多，而且大老山個網絡都係每區各自有一條去大路啲嘅地方
有左轉車站其實可以方便啲客嘅，同埋可以更加統一咁做個BBI同個收費。例如：九龍站上281A，係映月臺轉270A，宜家只係減4.2，兩程加埋仲貴過搭全程270A
停轉車站行車時間最多增加3-5分鐘，唯一係起個個站要夠大，唔係就攪到好似屯公入屯門方向塞到爆

ate214 發表於 2020-8-23 00:23
依家獅隧BBI除開聯營過海同通宵全部都有份
仲要不限車站轉乘自由度極高
你兩個point似乎都無乜說服力...? ...

唔係條條線都停獅隧口呢
有BBI但無兩條線嘅Common Stop

Waiyin12 發表於 2020-8-23 01:36
唔係條條線都停獅隧口呢
有BBI但無兩條線嘅Common Stop

200米內步行其實合理嘅
正如有一段時間我都會72X
轉86C,回程係一齊停映月台
但真心係貴(當然有其他方式
可較便宜返大埔,恕不作張揚)

獅隧個中途站太蚊型基本上
不用考慮,格硬每線都停係累
街坊,即使之前有計劃大修或
擴建,都係話喺兩條管之間增加
第三對行車線,削坡等地基工程
效益唔高,政府都未必想攪。

BBI通常都係續專營權
或招標開線而出現嘅附屬品
舊有路線好難迫到佢回贈更多。

Waiyin12 發表於 2020-8-23 01:36
唔係條條線都停獅隧口呢
有BBI但無兩條線嘅Common Stop

想搞好獅隧轉車網絡，擴大轉車站先講啦。我認為起碼要等獅隧改善工程完成，能建成有規模的轉車站先可以改善此情況。不過咁，現階段九巴可以改善轉乘優惠，透過補差價，而不是單單扣4.2元，以吸引更多人用。