九巴ETA服務供應商已更換?

AVBWU291 發表於 2020-8-24 17:29
九巴唔係鎖咗外掛咩？連Across Timely都顯示唔到喎，網主話係九巴鎖外掛

簡單啲講就係改加密演算方式，務求令有心人不能用程式推敲到API呼叫所需的請求參數同數值。正因為咁樣改就連網頁版ETA都廢左武功，因為無包到。
如果你有方式拆解到個加密算法，係唔係外掛都可以一樣拎到ETA原始數據。

miklcct 發表於 2020-8-24 22:22
九巴寫2分鐘已經到咗出現過，不過比較少見，我通常都係喺屯轉屯門方向先見到架巴士會快過架ETA，其它時間 ...

有半分鐘delay 我覺得可以接受
因為個ETA唔會知個站有幾多人上 所以未update 到
同埋新城係30秒 1個間隔去update 架車個位
所以你個情況似係架車用左default 概行車時間放上ETA 實際係可能隔多30秒先會再Update 個距離

eternalflame 發表於 2020-8-24 22:48
爆左出黎人人無得用佢似乎就最開心

我自己 github 都有 source code ，爆出來就係想人人有得用，可以百花齊放，促進競爭。

我經常喺觀塘警署叫多飛，好肯定新城ETA準過九巴好多，比九巴個app fake過無數次，同埋新城除左時間準，距離同塞車資訊都準，有特發交通情況都容易令乘客知道，九巴個App塞完通返先講，或者講一個錯既塞車位置

miklcct 發表於 2020-8-25 09:21
我自己 github 都有 source code ，爆出來就係想人人有得用，可以百花齊放，促進競爭。
...

爆出黎並不會促進競爭, 只會令某公司用法律手段迫使其他人用唔到
靜靜雞收下口係唔係咁難?

ctb8107 發表於 2020-8-25 09:34
我經常喺觀塘警署叫多飛，好肯定新城ETA準過九巴好多，比九巴個app fake過無數次，同埋新城除左時間準，距 ...

有無 youtube 片實地測試過兩巴 ETA 嘅準確度？因為我嘅經驗啱啱相反，覺得新城啲車成日遲到，九巴啲車反而係真係喺ETA出-嗰陣就上完客閂門開車。

miklcct 發表於 2020-8-25 10:22
有無 youtube 片實地測試過兩巴 ETA 嘅準確度？因為我嘅經驗啱啱相反，覺得新城啲車成日遲到，九巴啲車反 ...

但係我經常見到-果陣架車仲未到，甚至有好幾次仲有2分鐘但架車已經到咗

當然新巴ETA技術上係好過九巴好多，唯一問題係啲車成日遲到咁解（我用新巴 app 係用時間模式睇ETA），明明ETA個時間過咗都會追到車。九巴連部車嘅目的地都睇唔到已經夠廢。

試過好多次唔同路線唔同時間,九巴ETA話有車黎,睇前後站都係倒數緊,點知去到你個站時間到左,車呢?無出現過,但係繼續倒數去下一個站,而我等車個站又跳返去十幾分鐘之後.
好似早排咁,減到30分鐘一班,ETA有出現班次,但係實際無車,真實係60分鐘一班.