東鐵新信號臨門撻Q

AtrHenu 發表於 2020-9-11 20:06
廣告就可以遮住都仲可以,但宣傳片可以點改呢?

宣傳片開始時用馬鐵4卡千九做東鐵12卡車果幕都改左, 無咩唔可以改

港鐵網站上連相關網頁都del埋，睇怕今次真係有排搞

AVBWU291 發表於 2020-9-11 21:45
港鐵網站上連相關網頁都del埋，睇怕今次真係有排搞

相關新聞稿：https://www.mtr.com.hk/archive/corporate/en/press_release/PR-20-062-C.pdf

AVBWU291 發表於 2020-9-11 21:45
港鐵網站上連相關網頁都del埋，睇怕今次真係有排搞

希望黎緊呢段時間可以試清楚，始終安全至上

不如睇吓佢哋喺記者會講過啲乜，不過講明先，冇經刪剪，係會有啲亂：
港鐵車務營運總管 黃琨暐：
各位傳媒朋友大家好。


大家都知道啦，東鐵線嘅信號系統呢原定於今個禮拜六，即係聽日呢係投入運作嘅。而為咗呢次複雜嘅系統轉換工程呢。我哋就做咗好多唔同既演練，亦都讓同事呢、安排同事呢去熟習相關嘅轉變嘅工作嘅。我哋做咁多呢，都係為咗系統嘅轉變呢，係做更好嘅準備，同埋更加穩妥嘅。而我哋都同時間呢進行咗最後的覆檢，對於我哋嘅信號系統嘅表現


而係當中呢，同車...路線設定嘅表現方面呢，同埋相關嘅管控設施安排呢，我哋都睇到啲唔理想嘅情況，亦都有優化嘅需要。而做咗優化需要呢，做咗優化呢，係會令到系統嘅表現更加穩妥同埋完善。


我舉個例子吖，有關呢個行車路線嘅設定方面，其實呢個係個假設性嘅例子嚟嘅架吓：當一架列車由上水站按住嗰個時間表呢，佢駛去羅湖站嘅時候，咁系統就會按住個時間表去設定一條行車路線，係將呢架列車呢，讓呢架列車由上水開出，跟住進入呢個羅湖站。但相關嘅嗰個行車路線個設定呢，就有機會係有一個重覆設定嘅情況，咁如果下一架列車呢係去落馬洲站，咁呢架去落馬洲嘅列車就有機會會跟咗呢個信號就進入咗羅湖車站。


我想強調呢，相關呢個情況出現嘅機會率呢，係極之低嘅。咁同埋呢喺個過程裏面呢，行車嘅安全呢係唔會受到影響。


由於我哋呢，係要進行相關嘅優化嘅安排呢，所以我哋要進行工作，所以我哋喺新列車同埋新信號投入運作嘅日子呢係需要改動嘅。我亦都想同大家講呢，喺我哋優化工作完成之前，其實東鐵線嘅服務呢，係維持正常嘅，現有嘅信號系統同埋列車呢都會繼續運作，而搭東鐵線嘅乘客呢係唔會受到影響。我哋當然呢係會盡快進行呢個優化嘅工作，令到我哋有一個更加穩妥，更加完善嘅信號系統。


依家我想交畀我身邊嘅呀James，周先生同大家講講。


工程署總經理-工程建造 周蘇鴻：各位傳媒朋友，大家好。


東鐵線更換呢個信號系統呢，係一個龐大嘅同埋複雜嘅一個更換嚟架，呢個系統呢係會涉及數以萬計嘅電子系統嘅零件呢、組件呢。而新嘅信號系統同埋新嘅列車呢，之前係進行反覆、多次嘅嚴謹同埋全面嘅測試同埋呢一個演練嘅。進行呢一個演練嘅過程裏面呢，亦都會設定唔同嘅情景呀、場境呀，去測試我哋嘅新系統呢嘅安全性同埋呢一個穩定性嘅。而港鐵團隊呢，亦都一直進行各種嘅演練呢同埋安排，我哋嘅同事呢去熟練有關呢一個操作嘅守則，務求呢係為呢個系統轉變呢係做好準備嘅。


我哋工程團隊呢喺呢個測試嘅過程裡面呢，發現呢個行車嘅路線設定嘅有關表現呢，嘅狀態呢係唔係咁理想。雖然我哋一路呢都有跟進同埋呢個評估呢個狀態嘅，咁最後呢我哋工程團隊呢亦都決定呢係會做一啲有關嘅優化嘅措施呢，係令到呢個新嘅信號系統運作呢係更加順暢呢，同埋呢個係穩妥嘅。


更換呢個信號系統呢，係一個好複雜嘅一個工程。即使有關嘅少少異常嘅狀況呢係亦都唔會牽涉到行車同埋呢個營運嘅安全嘅。而港鐵公司呢一直呢，都係以提供呢個優質嘅列車服務呢為首要嘅任務。咁我哋係會確保呢，一切嘅運作呢係會正常，為乘客呢係提供一個安全呢，同埋可靠嘅一個服務。咁我哋都明白，大家對我哋嘅新嘅列車呢都係好期待，而我哋呢都係比大家係重心急嘅。咁最後呢我想重申呢，我哋係會盡快完善優化呢一個系統呢，就進行呢一個新嘅信號系統呢同埋新嘅列車嘅推進工作。


最後呢我想重申呢，東鐵我哋聽日呢，係都係會如常咁樣去服務乘客嘅，只不過呢係新列車呢我哋係會暫緩，做埋呢一個優化工程呢就會推出嚟喇。多謝

2015話2018載得客，2018又話2019，2019又拖到2020年3月，3月拖到6月，6月拖到7月，7月拖到9月，到9月出晒廣告前一晚都可以收返，足足拖左6次，其實黨鐵係咪想堆MLR行夠100年做埋古董？

佢講到入錯線就唔會影響安全咁，荃灣線上年點炒架？

試左5年車，賣晒廣告話12號行得，都可以臨尾10個鐘整單壞消息你嘆，跟住又繼續黨鐵既無限延期loop，下一次係咪又諗住頭班車1分鐘前宣佈有問題又再延期loop，跟住每年延期一次延到45年後r-train夠50年直接退役再買過，成為全世界首款只用作試車既載客列車，俾左6次空歡喜市民，今次仲要最後一晚10個鐘都唔夠先掃你興，諗著今次實無死有得搭點知臨到終點前game over回到起點，真係幾激氣，永遠期待一兩個月到最後關頭又失望過，不斷loop五六次，其實係咪玩緊市民，要人失望返10次先夠？

試左成五年試左1800幾日，行左幾萬公里都仲可以臨門一腳話又要再等過，咁個1800日係做緊乜，1800日乜都試到啦正常？唔係真係咁廢嗎？唔通通車前一刻會有咀咒變d新bug出黎？咁試到22世紀都試唔完喎，部r train可以留返俾d孫搭，或者試夠幾10年，每年都推遲一次，永遠繼續12卡MLR唔洗過海用到堆MLR行唔到為止，令東鐵成為香港首條古董鐵路線

我見識唔廣,唔知世界其他城市
有無啲咁嘅創舉,一邊升級/維修
一邊又維持服務,港鐵常引以為傲

等於7月全日禁堂食但
唔同時宣佈大部分工種停工
跟住高官出嚟玩恍然大悟咁款

全條東鐵停返幾個月做升級
雖然成功率高得多但代價極大

GK9141 發表於 2020-9-12 00:53
2015話2018載得客，2018又話2019，2019又拖到2020年3月，3月拖到6月，6月拖到7月，7月拖到9月，到9月出晒廣 ...

Ff mode
到時屯馬線千九退時東鐵線仲有千九