觀塘市中心巴士總站+行車方向改道安排

MCMoore 發表於 2020-9-17 23:42
過境巴車身無咁高，用小巴站位得唔得？

你幻想下個小巴總站幾乎將全觀塘市中心塞番入去
有位剩都日日比安達臣嘈留位開小巴線

果類過境巴頂盡咪係跨境通一日幾班車，我都唔明運吉班人聽班建制派人浪費巴總空間仲咩

CRH5 發表於 2020-9-17 15:35
小巴總站設計

點解唔設計成所有小巴站位同泊車位都有小巴叉電位呢？得三個叉電位，點吸引營辦商買電動小巴啊？到時叉電位排長龍點算？

cwsj2003 發表於 2020-9-17 23:48
迴旋處流量係可以接受?
點解可以有咁嘅結論?迴旋處日日塞車係咩車佔大多數?
而家講已經巴士小巴睇見都怕， ...

全世界人都嘩然依個結論嫁

顧問認為牛頭角道同康寧道有車可以係大快活對出直插觀塘道；加上協和街會有專屬左轉去荷蘭宿舍，所以少左車

姐係咁，我先唔質疑依個講法，係唔係運輸署同市建局係高雷中學整個牌指人用康寧道落山先？

用得裕民中心牛頭角道擺明上山去曉麗苑，要落觀塘道一早係雅麗道落左去啦

協和街條專屬左轉更大鑊，開源道班車當個黃格無到，日日塞返上月華街

dennis28a 發表於 2020-9-17 23:52
你幻想下個小巴總站幾乎將全觀塘市中心塞番入去
有位剩都日日比安達臣嘈留位開小巴線

呢啲車上客要好耐，霸住個坑一停就三個字

dennis28a 發表於 2020-9-17 22:17
到封裕民坊之後，協和街就可以右轉入物華街。
另外物華街出面仲有三個車位既巴士專線，點會塞唔落？ ...

呢點的確係我忘記咗，最後係物華街改單向西行。但既然係咁個中途站放物華街咪得，咁點解要走入去？我又唔覺得堆密車線載住半車客兜入去同一堆都係一樣咁多車嘅三條總站線爭住入去個站會有幾好bo。而家咪一樣係幾個車位擺哂大部分線，第時都一樣可以咁做。特別係其他區都會睇實多出嚟嘅位，深觀線、40P、安達臣或者係其他新區都有可能搬入去，與其用啲位嚟放中途站線，不如留啲位嚟放總站線。

dennis28a 發表於 2020-9-17 23:32
鋸齒巴士站其實可以比 2-3 條線共用，實際上 16M、W2 根本可共用同一條坑

89、89B、89X 唔搬入去變中途站 ...

apm唔係有個直通巴專用候車室？

吳宗錡 發表於 2020-9-17 23:54
點解唔設計成所有小巴站位同泊車位都有小巴叉電位呢？得三個叉電位，點吸引營辦商買電動小巴啊？到時叉電 ...

唔見得個個站位都整叉電站 啲小巴公司就會好想引入電動車
更何況依家電動小巴都未成氣候
就算係 22A 用緊嗰堆 GMI Gemini 都係混能車唔使叉電 (有錯請指)
整三個叉電站 都夠㗎喇

更何況 唔使錢咩

吳宗錡 發表於 2020-9-17 21:33
唯有等T2主幹道通車之後再觀察啦！（雖然T2主幹道淨係可以直去西九龍，作用一睇都唔大啦！） ...

T2作用係同中環灣仔繞道一樣 直駁三幹 去港島西區、新界西區、大嶼山、中國

ATSE40 發表於 2020-9-18 00:34
呢點的確係我忘記咗，最後係物華街改單向西行。但既然係咁個中途站放物華街咪得，咁點解要走入去？我又唔 ...

本身設計上唔預物華街有大量線上落客
就算物華街擺站，只會係新巴總入站前個三架車位專線擺到

就算物華街近康寧道對出行人路闊到耍太極都得，都無預位擺站

吳宗錡 發表於 2020-9-17 23:45

呢個新巴士總站比宜家嘅創紀之城五期有乜好先？我淨係知道壞處係會遠離咗地鐵站。

咁當初要將直通 ...

我諗過境巴站係之前係裕民坊果堆而唔係創紀五期果啲