九巴計劃開辦天水圍至屯門區內線

ccchhhuuunnn 發表於 2020-9-30 00:04
輕鐵3門/6門單層同時上落已經揪贏巴士啦，個巴士站泊唔夠十架巴士都未使贏到輕鐵
可以飛站同爬頭就相對無 ...

無可否認，輕鐵載客量比巴士多，不過係咪多到十架巴士就有少少疑惑

輕鐵一卡220人，拖卡440人，巴士 (12.8米，大西北應該無難度) 當146人先啦
其實3架巴士已經做到拖卡輕鐵嘅容量，極端D咁講，如果真係有咁嘅客量，3架巴士同時上客，開足上落客門 (點對點線上落客較分明)，都模仿到輕鐵嘅「優勢」
所以十架巴士贏唔到輕鐵? 我有保留

不過上面嘅都唔係現實，因為屯天/屯元客唔會大到塞滿幾架巴士/輕鐵，巴士根本無咁嘅必要，出十架嚟招呼呢D人

相反，輕鐵係流水線，佢嘅設計，本身唔係俾比較長途嘅旅程，220人當中，起碼200人係中途上落客嘅


飛站/爬頭就更加重要，唔明點無聊法。或者我解釋得清楚小小：

輕鐵由元天去屯門，一定要行青公，仲要站站停。如果當巴士咁理解，就係要行一條好長嘅雙線雙程路，仲要每個站都要上落。我諗咁樣會易明好多?
我唔係講緊你嗰種爬頭，而係講緊相對於輕鐵，巴士唔單止有條更闊嘅路，可以超越前車；更加有權飛哂青公嘅站


而家香港政府就係諗住用輕鐵解決哂大西北區內穿梭，但係對於好似元/天/屯之間，成10公里咁遠，即係深水埗去到觀塘咁，呢D本身唔係輕鐵嘅目的，格硬將長途運輸塞入以短途接駁為主嘅輕鐵度，即係cut咗其他交通工具迫人搭電車由東區去中環咁。

一早就要區內線巴士，輕鐵，又慢，又嘈，又兜，又疏。

ctb234 發表於 2020-9-30 09:25
一早就要區內線巴士，輕鐵，又慢，又嘈，又兜，又疏。

我認為輕鐵能應付區內線綽綽有餘
至於屯天、屯元之間嘅路線，其實用返以前K1X同K2X嘅模式行元朗公路應該夠用

258X 發表於 2020-9-30 16:35
阿哥，你唔好玩啦，非繁去屯市／元朗輕鐵月台睇下啦，車都上唔到呀，綽綽有餘？
...

經典例子係大棠道，就算擴闊左都係逼。

其實問題係跨區輕鐵/屯門輕鐵班次太少，轉2次又係唔方便，多條線穿梭大西北都幾好

AV296 發表於 2020-9-30 08:53
無可否認，輕鐵載客量比巴士多，不過係咪多到十架巴士就有少少疑惑

輕鐵一卡220人，拖卡440人，巴士 (12 ...

講10架巴士係講緊對比輕鐵3/6門同時快速上落客呢個效果
你有10架巴士都未必做到近似效果
就算你話新區巴士站長啲大啲都最多咪兩三架巴士同時上落

輕鐵由元天去屯門，一定要行青公，仲要站站停。如果當巴士咁理解，就係要行一條好長嘅雙線雙程路

其實平時搭輕鐵巴士行青公，輕鐵都係仲快過巴士
主要係停燈位贏曬，輕鐵基本上唔使點停燈位，巴士一撞正紅燈就會即刻輸
唔計停燈因素，淨係計停站，青公巴士輕鐵就差唔多快
輕鐵青公行70km/h，同電車冇得比

Anonymous 發表於 2020-9-30 17:02
經典例子係大棠道，就算擴闊左都係逼。

其實問題係跨區輕鐵/屯門輕鐵班次太少，轉2次又係唔方便，多條線 ...

正解
大棠道個擠迫，你就算行巴士，個巴士站同巴士上面亦一樣擠迫甚至仲大獲
係本身人太多問題

正如我早前所講

巴士同輕鐵其實要互補，唔係互相排斥
中長途(大概輕鐵站7-8個站以上)、鐵路要轉兩次（輕鐵>西鐵＞輕鐵）或巴士可以行公路/繞路，通常巴士方便啲

258X 發表於 2020-9-30 16:35
阿哥，你唔好玩啦，非繁去屯市／元朗輕鐵月台睇下啦，車都上唔到呀，綽綽有餘？
...

純粹營運者問題
淨係以614計 假日日間由當年全盛時期嘅20卡車大幅削減去到6-9卡
唔爆都難

he_01 發表於 2020-9-30 17:44
純粹營運者問題
淨係以614計 假日日間由當年全盛時期嘅20卡車大幅削減去到6-9卡
唔爆都難

614眼中釘嚟
同西鐵平行，而西鐵仲有剩餘盛載能力，

258X 發表於 2020-9-30 16:35
阿哥，你唔好玩啦，非繁去屯市／元朗輕鐵月台睇下啦，車都上唔到呀，綽綽有餘？
...

講真，我日日都搭輕鐵，非繁/繁時都有搭
除咗打風落雨/有事故之外，非繁真係冇試過上唔到車...
元朗站/市中心站都冇試過上唔到... 最多係大馬路沿線幾個站特別逼，但可以叫幾飛。