疫情下夜晚喺轉車站等車真係等死人

琴日九龍東返青衣，星期六日晚觀荃線6分鐘一班，東涌線12分鐘一班，次次太子站轉荃灣線一定送車尾，到荔景再轉東涌線，一係又送車尾，一係等3-4分鐘，等車嘅時間可能仲長過多搭車，車程20-30分鐘變成35-45分鐘，就算日間都係唔夾，荃灣轉觀塘線都係例送車尾

以前5分鐘時段反而夾到時間，執過時間表唔想俾乘客有衝門機會，刻意整到班次唔夾

住青衣城樓上/馬灣 ?

唔係嘅話坐 42C 其實都冇咁嬲

Empty.手誤

Tummy 發表於 2020-9-20 15:48
住青衣城樓上/馬灣 ?

唔係嘅話坐 42C 其實都冇咁嬲

其實係太子站同荔景轉東涌線上行先唔夾定其他轉車位 (例如金鐘油塘或荔景轉東涌線下行) 都係唔夾？

次次星期六日晚9點後觀塘線車一入太子站就目睹對面荃灣線車開緊走，跟住喺荔景落車之後又聽到往東涌列車喺8分鐘後到達，真係想鬧爆編時間表嗰個人，搭多個站到旺角再上一層轉荃灣線肯定搭返同一班車仲有位坐！

Tummy 發表於 2020-9-20 15:48
住青衣城樓上/馬灣 ?

唔係嘅話坐 42C 其實都冇咁嬲

「罷鐵」好過啦！

831之後已經怕咗，避免途經太子地鐵站，仲要轉東涌線去青衣？不如搭返42C好過！

gsrc0525 發表於 2020-9-20 20:23
其實係太子站同荔景轉東涌線上行先唔夾定其他轉車位 (例如金鐘油塘或荔景轉東涌線下行) 都係唔夾？

次次 ...

唔知 好耐冇搭過

不過與其要轉咁多次車 仲要送車尾
其實 42C 車程都唔差得多
(除非去青衣城 地鐵應該會就腳啲

有同感，以「正常」步速計算，東鐵轉屯馬、觀塘線轉屯馬、觀塘線轉將線都有類似情況

其實觀塘應該要減少人流就真，新西計d人成日話去九東唔方便但又要經常去，例如當西鐵/TCL沿線計坐TCL+ISL或者繁時960/8x/962/9c去到太古車程仲快過去九東

ViviTse 發表於 2020-9-21 00:24
有同感，以「正常」步速計算，東鐵轉屯馬、觀塘線轉屯馬、觀塘線轉將線都有類似情況 ...

星期六日夜晚8點開始市區四線6分鐘一班（將軍澳澳線全日6分鐘一班)。

屯馬線一期係10分鐘一班，再夜啲6.5分鐘，只係因為疏車先覺得等死人，但係未去到完全唔夾，話晒比例唔係啱啱1:1或2:1。

Tummy 發表於 2020-9-20 23:08
唔知  好耐冇搭過

不過與其要轉咁多次車 仲要送車尾

咁將軍澳返東涌點計？九龍灣返葵興又點計？

唔係自己改搭巴士可以解決到成個問題，而係成個轉車站安排完全趕客，如果驚人衝門嘅，都唔洗特登編到啱啱送車尾，5分鐘一班時段先perfect，落咗車1分鐘就對面線就到，唔駛追，乜10米要行一分鐘咁耐？月台頭尾中間仲要有大把通道。