港鐵巴士部越做越差

區佬未必肯放過果程區內線要俾番正價。
雖然唔少市民都覺得冇所謂，
補貼計劃已能回贈大部分車費。

804 自從三年前聖誕 824 大撞之後，已經返左大埔到而家

city_alexander 發表於 2020-9-22 01:43
樓主連拜山線都要地鐵同九巴爭住開，傻的嗎?

原來曾咀龍鼓灘淨係得拜山用？
果頭亦有飛機峒禾塘頭既山遊覽。

曾咀線唔係拜山先開咩？

paul2357paul 發表於 2020-9-22 00:21
區佬未必肯放過果程區內線要俾番正價。
雖然唔少市民都覺得冇所謂，
補貼計劃已能回贈大部分車費。

你咁諗咋 唔好亂套入呀…
就係呢啲思想  肯定政府每年嘥咗幾億喺呢度
包括2蚊乘車計劃既補貼  同埋你口中既無必要但要搭貴啲而要政府補你嗰1／3

明明我搭鐵可以0加A(代數） 補貼額係A/3
宜家要俾4.3加A  同一程車要政府補A/3+1.43333  呢個1.43333咪變白俾

而且A係20既時候 可能巴士只係13.9  都未計嗰個客硬要搭鐵唔搭巴而政府要俾嘅差額   當然  搭鐵搭巴係佢自由  但要搭鐵班人無啦啦俾多2.866666而政府俾多1.433333  你覺得邊個想埋單？  係咪要將張單寄落你地址？


同埋點解板友成日諗住拜山線會有其他用途？ 冇錯 唔排除有客係咁  但好少數囉。  同埋人地開宗名義講到係為拜山而開 唔會專登走去照顧唔係target 嗰班人 當然佢俾錢搭係歡迎

嗰位板友不如做個實驗  搭70S紅磡站上車 然後長沙灣道沿途㩒個鐘丫  係 你係有權落車 但司機會覺得有人誤觸落車鍵 多過真心落車  又或者要求70S加站 方便等唔到270B嘅客丫。。。   

paul2357paul 發表於 2020-9-22 02:07
原來曾咀龍鼓灘淨係得拜山用？
果頭亦有飛機峒禾塘頭既山遊覽。

你不如話可以去埋T Park?
龍鼓灘已經有K52
你講嗰兩個山搵條似樣嘅路都未必有
開條線叫人入去行係想人地中伏嗎？

1. 當年取消晒長途線講到明係因為西鐵通車，合唔合理係另一回事，但唔可以話無緣無故。至於506嘅問題，連當時的屯碼居民都認為用巴士好過輕鐵，加上輕鐵根本唔夠車，所以轉唔返輕鐵。至於506脫班，純粹只係因為路面交通情況，港鐵其實都算係開足車的了。

2. 唔夠時間行只係因為交通狀況，加上路線過長，但港鐵一直唔想重組懶理。

3. 唔清楚，無意見。

4. 唔清楚，無意見。

5. 拜山線關港鐵咩事？港鐵無入標好正常，一陣又話壟斷；屯門至天水圍路線，其實九巴係計劃階段，乜事都未成，區議會又未上，咁快講到實牙實齒，會唔會早咗啲呢？

港鐵有冇心做巴士？一定係無架啦。人哋本身只做鐵，只係合併後要食埋個巴士部之嘛..
真係有心做巴士嘅，當初九龍站及香港站嘅穿梭巴士就自己搞返，而唔係外判出去啦...

506 K51 K52呢啲屎味朱古力，送比九巴都未必肯做，原因本身平，仲要有轉鐵優惠，如果keep呢兩樣肯定蝕，唔keep就連客仔都倒埋更蝕，仲要倒咁多車落去，老九表示睬你都傻。