九巴98開辦消息

leo_ku 發表於 2020-10-20 15:36
796x 落到尖東咪又係要成個鐘，土瓜灣堆燈同站仲唔夠？仲有將南自轉呢？

我成日都坐796X出尖東會唔知土瓜灣個路程係點，架車郁住行一個鐘，點都好過慢慢喺度塞，隨時塞完理工仲要塞佐敦道

tkglobe 發表於 2020-10-20 16:18
我成日都坐796X出尖東會唔知土瓜灣個路程係點，架車郁住行一個鐘，點都好過慢慢喺度塞，隨時塞完理工仲要 ...

死亡交叉塞車係個哲學黎，當你以為好塞實際上唔塞，當你以為唔塞但事實上好塞。
司機點揸車亦係關鍵。

但早繁計，蕪湖街、黃埔一樣塞，除非你一早行下路片入紅磡道，
否則 796X 行法根本快唔過 215X 行法到尖東，只係因為你選擇左 796X 所以唔覺。

PS：我試過好多次 11X 紅磡跳車去文化中心，結果 10 次有 7 次都係 215X 快。

leo_ku 發表於 2020-10-20 15:36
796x 落到尖東咪又係要成個鐘，土瓜灣堆燈同站仲唔夠？仲有將南自轉呢？

佢錯唔晒，沙中線工程完左，土瓜灣的確比以前快唔少，101 同 215X 比較係例子。
但同時間因為死亡交叉成日塞車，引晒車流去蕪湖街、黃埔越黎越多車亦係事實。

早繁搭得多的士就會知出機隧片落紅磡繞道一樣慢慢行，隨時紅磡食燈仲慢。

dennis28a 發表於 2020-10-20 17:18
死亡交叉塞車係個哲學黎，當你以為好塞實際上唔塞，當你以為唔塞但事實上好塞。
司機點揸車亦係關鍵。

所以咁先死，好似買大細咁
我多數係晏晝或者下繁坐，所以黃埔嗰邊比較冇咁塞，如果將轉九龍方向開咗，我有機會選擇798轉796X而唔坐98D

我想問，傍晚由將軍澳出發，有邊條主要幹道肯定唔會塞車

S3bl430 發表於 2020-10-20 17:44
我想問，傍晚由將軍澳出發，有邊條主要幹道肯定唔會塞車

無

觀繞唔使講，呢幾年啲6字頭新界車深受觀繞大隧之害，我而家港島返沙田都要經常面對喺觀繞拉手掣呢個問題

觀塘道西行中快線，反而係較少入伏嘅幹道
以前返將工搭廠車走，6點半左右到觀塘，大部分時候落觀塘道隧道、行西行快線上橋係順利，好少卡死喺觀塘，一般去到得寶先跟大隊塞車
而家搭61R，亦經常喺九龍灣中快線睇住巴士站嘅巴士長龍，人龍更加長到唔知喺邊
自己架61R就通常去到啟業先排隊，當然有時喺九龍灣已經慢車，但去到拉手掣嗰種就少嘅

就係基於搭廠車行快線嘅經驗，睇住下繁觀塘道巴士站，乘客同巴士都各自大排長龍，更令我覺得唔可以再隨便加人加車落觀塘道巴士站
用不停站廠車將工業邨客盡快帶離觀塘道，唔使佢哋喺觀塘道轉車，呢個係對廠車乘客、觀塘乘客、路面都有利嘅做法

tkglobe 發表於 2020-10-20 17:27
所以咁先死，好似買大細咁
我多數係晏晝或者下繁坐，所以黃埔嗰邊比較冇咁塞，如果將轉九龍方向開咗，我 ...

無計，東九龍交通簡直不知所謂，隔離先講完，撞一撞車都成個九龍東玩完

再咁落去搞幾多路線重組都多餘

dennis28a 發表於 2020-10-20 20:52
無計，東九龍交通簡直不知所謂，隔離先講完，撞一撞車都成個九龍東玩完

再咁落去搞幾多路線重組都多餘 ...

無錯，再係咁塞車落去，觀塘道定觀塘繞道都係殊途同歸地攬炒，觀塘轉車站、將隧轉車站幾多路線轉都係徒然
九巴新巴喺康城爭呢塊餅，就算呢度討論得幾興高采烈、講到線王咁，但再係咁塞車，結果都係搭黨鐵保平安最實際
特別係康城近地鐵站嘅期數大手入伙，對新住客來講，有近嘅地鐵站唔去，反而行出去環保大道搭巴士再塞車，吸引力真係自己諗

HV7025 發表於 2020-10-20 19:16
無

觀繞唔使講，呢幾年啲6字頭新界車深受觀繞大隧之害，我而家港島返沙田都要經常面對喺觀繞拉手掣呢個 ...

依個真，觀塘道西行其實只係塞迴旋處至法院，就算彩虹交匯處大爆炸，向西仲有路行。

所以成件事好諷刺，明明當年最多車既觀塘道，條西行竟然成為救命草。