九巴98開辦消息

HV7025 發表於 2020-10-29 13:41
小弟返將工年代，有幾個同事住康城，佢哋反而幾鍾意康城夠isolated嘅環境，無乜閒雜人，而且有住客專用嘅 ...

而家新康城總站開完係就係完全有瓦遮頭直到，但總站開嘅巴士全部都要自轉10分鐘，先去返總站個路口，與此同時黨鐵已經去緊TKO

甚少貴客會同你行出垃圾大道食住塵等車（除非好有心罷鐵）行出去仲要冇瓦遮頭要日曬雨淋
唔落地底班貴客應該會索性揸車

交通方面，其實冇錯真係得峻瀅先會多用啲巴士線，或者除非好得閒唔介意瞓到頸斷，就會搭幾條環遊世界嘅巴士一程到

其實康城最大問題係，伙就入完設施就乜都冇，要等10幾年先有個商場，仲要住10幾年都仲係地盤嚟
最起碼要等佢起曬樓，同埋條將藍隧道起好，先叫比較宜居

但佢位置於堆填區隔離呢樣嘢，係永遠冇得改變嘅事實

10598C 發表於 2020-10-29 16:00
而家新康城總站開完係就係完全有瓦遮頭直到，但總站開嘅巴士全部都要自轉10分鐘，先去返總站個路口，與此 ...

反正都等咗11年咯
唔差在等多幾年，等到堆填區摺埋為止
（不過政府唔繼續extend先算
同埋臭味都應該要再捱多十年八年）

10598C 發表於 2020-10-29 15:49
唔好玩啦
康城條黨鐵好用，真係笑大人個口
到而家呢一刻，非繁忙仲係近3個字先有一班穿梭列車，仲要冇得 ...

條地鐵雖然疏車，但真係接近專用，大部分時間有位坐，繁時可以直接過海，對唔少住客來講已經幾夠用

樓宇密度就真係幾高，頭幾期住客享受咗十年低密度後，嚟到而家見到旁邊多咗咁多樓，可能都覺得中伏
但買得康城就預咗係咁，亦反映咗喺佢比起將軍澳站低咗一截嘅樓價度(將軍澳調景嶺樓價真心癲)
而且其他區有唔少都係石屎森林，近嘅坑口其實都係咁密集，對部份人來講，康城個環境可能已經算係好

預咗呢啲缺點，但享受到唔雜嘅社區，養狗嘅可以開心放狗，識得住喺度嘅人，普遍樂於享受呢啲優點

10598C 發表於 2020-10-29 15:49
唔好玩啦
康城條黨鐵好用，真係笑大人個口
到而家呢一刻，非繁忙仲係近3個字先有一班穿梭列車，仲要冇得 ...

如果日出康城真係如閣下所講交通、商場、空間、樣樣都咁差，試問點解仲有咁多人肯住呢？
我地所謂「外區人」，康城住戶點都會比我地清楚掛？我之前提果幾位康城朋友，
一個住峻瀅，幾個住首都、領都，而住峻瀅果個遲吓會搬去Malibu，仍然住喺康城，但選擇搬近康城站。
除咗有康城站之外，佢尤其鍾意康城區多空間放狗／散步，遲吓私家公園都有幾個，算係旺中帶靜。

樓宇密度方面，我諗除咗康盛花園、翠林邨之外，同區無邊個大型住宅項目會唔密？
寶林如是，坑口如是，將軍澳如是，調景嶺如是，調景嶺維景叫附近少D樓，因為隔黎係墳場嘛......

而康城專列真係咁差？大部分時間有位坐，繁忙時間亦上到車；
疫情下寶林班次大減，康城專列唔止幾次出現1+1（無論係親身定fb討論都見過）。
另外，我講「寶坑將咁un足幾個站/日日上唔到車」意思分別係寶林有排un，而坑將成日上唔到車，which 康城專列無呢個問題。
至於你話「如果Un多個站都要嫌」，咁乘客作為消費者，睇車程睇時間好正常姐，
好好嘅例子就係寶林往尖沙咀唔少乘客都會坐98D，相反un少幾個站嘅將南有幾多乘客坐796P而唔坐MTR呢？

康城去將軍澳，就算係專列都梗係耐過寶琳啦，專列都要跟住條軌行㗎嘛大佬
康城地理位置遠咁多，專列唔係隨意門，就算零中途站，位置遠D耗時多D好正常wo......

講到康城條“專用穿梭列車”咁好，掉轉比你坑口係穿梭列車你要唔要？

康城站2009年開，就當頭2年啱啱啟用未入伙，睇2011年，康城1萬7人口、
而寶坑已經10幾20萬人（仲未計來自西貢/大埔仔/科大轉車客）；
就算運櫈開足3+1，乜專列真係咁差咩？大把區連個地鐵站都恨唔到...... 掉轉我萬幾人口有3+1專列，我直頭拍手叫好添啦

HV7025 發表於 2020-10-29 18:43
條地鐵雖然疏車，但真係接近專用，大部分時間有位坐，繁時可以直接過海，對唔少住客來講已經幾夠用

樓宇 ...

啲偏遠私人屋苑做嘅鐵路接駁村巴，下下講緊20/30，甚至60分鐘一班
日出康城呢抽8卡專車，非繁15分鐘一班算得上乜嘢
巴膠總係對巴士無限FF
分分鐘問康城住客10個有8個都唔識去環保大道搭巴士

JX9097 發表於 2020-10-29 16:38
反正都等咗11年咯
唔差在等多幾年，等到堆填區摺埋為止
（不過政府唔繼續extend先算

而家冇家居垃圾都唔會點臭

ccchhhuuunnn 發表於 2020-10-29 23:48
啲偏遠私人屋苑做嘅鐵路接駁村巴，下下講緊20/30，甚至60分鐘一班
日出康城呢抽8卡專車，非繁15分鐘一班 ...

日出康城真係純粹得個重鐵站，但又唔係全日出市區，兼且班次都唔算好，
巴士服務又弱，以交通計，日出康城真係遠遠比唔上日日無病呻吟既坑口。

康城出城站數同坑口一樣，但班次長期疏唔止一半，一日得幾個鐘出到市區，大部分時間調景嶺止步。
非繁將軍澳線唔好講到總站先有位坐，根本行多兩步車頭車尾坑口都一定有位坐，而唔係過海既話搭 2 個站去到調景嶺都係重新洗牌，人人總站車。
日出康城巴士得 3 條半全日線出市區，但 796P 總站出車兜勻將南到將軍澳道時間仲耐過 98C 坑口北擒山出黎，
仲要坑口都係絕大部分屋苑圍住坑口站再加冷氣通道全天候冬暖夏涼直入港鐵站（康城大部分期數都唔得），再攬住車海綠小尊線 102 102B 直出市區，
走去葡萄人地 20 分鐘一班環保大道食塵 98，或者偉業街荒島上落車既 797，係咪要笑。

今時今日，住康城定調景嶺將軍澳站坑口寶琳都好，一律都係貪個港鐵站架啦，
唔通貪將隧轉車站轉車好 funny 咩。

3ASV174 發表於 2020-10-29 23:59
日出康城真係純粹得個重鐵站，但又唔係全日出市區，兼且班次都唔算好，
巴士服務又弱，以交通計，日出康城 ...

講得無錯，將軍澳樓價升幅跑贏全港，黨鐵嘅功勞佔咗絕大部分
買樓好定租樓好，近年搬得入將軍澳捱貴價嘅，主要都係買鐵路呢樣
康城嘅所謂唔方便，已經喺明顯較低嘅樓價反映，但衰衰地都叫鐵路沿線，夠贏近年啲甚麼白石角、十八鄉、掃管忽新樓，贏到開巷嗰隻

將南同康城，規劃係先有鐵路再有樓，配合大量天橋接駁，好多樓盤去商場地鐵站根本無需落地
搭巴士要行去平時無乜幾可行嘅路面，而且巴士站沙塵滾滾(康城環保大道、將南唔少露天站附近都係大量地盤)，除非條巴士線快過方便過地鐵好多，否則邊個等吖
問過多位住將軍澳各區嘅朋友，連694喺樓下佢哋都未知，呢啲少接觸嘅巴士線，根本唔喺佢哋日常生活視線範圍內
A29、A29P就個個都知啦，因為未有疫情前一年總會去幾次旅行，拎行李轉地鐵口味太重，就係呢幾次難得會走去巴士站
就算係先有樓後有鐵路嘅坑口，後起嘅天橋網都做到相同效果

出市區地鐵先天無得輸，跨區巴士都受制於惡劣路況，巴士營運條件仲衰過杏花村
康城如果唔係本身工業邨有298E同797M，咁啱變咗九新中立場，連繁時啲插旗特別班都未必會開

對住一眾為咗地鐵先搬入去住嘅居民，真心諗唔明巴士迷點解會FF巴士有得做
行有蓋(甚至有冷氣)通道直達黨鐵站 vs 去巴士站食塵、再捱觀塘塞車，唔使揀啦嗎
開個轉車站就講到甚麼線王，對於幾乎每日都喺東九塞車嘅我嚟講，真心覺得佢哋FF太多
就算將來6幹起好，我諗都要開到走線上可以明顯穩定兼快過地鐵嘅路線，先會多啲人肯行出去將南康城巴士站

康城已經冇臭4年幾，就算係電視城，真正堆填區隔離，都冇味啦。至於巴士，98已獲成功爭取唔少首都領都客返工放工用。將隧最塞車時段，首都站都做到28-30分鐘到創紀之城站，地鐵都20分鐘，仲未計地鐵站行返去返工區的時間。晉海都開始有人睇98啦，峻瀅都有。九巴98出觀塘現時做到下層滿座，樓上一半至大半咁啦，仲要係工業邨冇客出個種。下午的話，經常有爆車的情況回康城。轉乘的人其實唔多，比296A少好多，98轉乘的人大多是工業邨的少數客。反觀797，位位差，回車唔穩定，冇人想坐。98下午繁忙時間，係牛頭角有後備車，係98時間相差太遠就開，個日冇事，部車就行98A加班。797真的要改站位，先可以救

還有一件事，港鐵唔走數的話，明年就有全日直達北角6.7分鐘一班。現時早上繁忙時間，已經有機會要等第二班車，而非大把位坐，非繁忙時間，全車滿座架，12分鐘一班其實唔多夠。多看更新資料啦，唔係用幾年前的資料去想事架。