[建議]改善干諾道中車站空間及康樂廣場愛丁堡廣場使用率

現時干諾道中東行兩繁時間，經常因怡和大廈同大會堂巴士站唔夠位泊，令巴士要排隊埋站，導致東行線塞車。

內街康樂廣場會因死車double parking，令佢分流干諾道中嘅能力大打折扣。另一內街愛丁堡廣場使用率亦極低，令大會堂枝燈截住太多主幹道（干諾道中）嘅車流，所以建議下列改動，以改善干諾道中東行塞巴士嘅問題。



1. 打通康樂廣場及愛丁堡廣場；封愛丁堡廣場干諾道入口及康樂廣場干諾道中出口

作用：增加愛丁堡廣場使用率，分流干諾道中車流，騰出空間拉長怡和大廈巴士站
需配合改動：重置愛丁堡廣場西邊電單車停車位及居民巴士站（見#3）；增加行人過路處方便干諾道中行人隧道使用者（見#4）

2. 拉長怡和大廈巴士站及（可以考慮）大會堂巴士站

作用：增加巴士停靠位置，避免空間不足導致巴士排隊停靠而倒塞干諾道中東行
需配合改動：重置巴士站柱及增設巴士站上蓋；大會堂站延長段可於柱之間埋站

3. 改13巴士總站為大會堂巴士站；前天星碼頭15/260站位的單坑用作巴士總站及居民巴士站；現大會堂居民巴士站（現大會堂巴士總站外）用作電單車停泊位置


作用：前13巴士總站供途經康樂廣場之巴士路線（如5X, 948, 962A, 969A, 978等）停靠，分流大會堂巴士站；避免空間不足導致巴士排隊入站而倒塞干諾道中東行
需配合改動：擴闊單坑的行人路以提供更多候車空間

4. 以圍欄阻止行人亂過馬路及減少死車停泊；康樂公園及天星停車場之間的空地用作私家車等候區及落貨區；於康樂花園東北角新增行人過路處

作用：減少康樂廣場怡和大廈外的違泊，疏導該等車輛至私家車等候區及落貨區，及阻止行人亂過馬路


歡迎提供意見

怡和大廈塞車最大原因係
隧道交叉切綫 = 干諾道中三變二 > 太多巴士埋站

一日大會堂停車場仲喺度 一日都會塞到爆
就算封咗個康樂廣場出口 都祇係將塞車位推前

建議你去google map睇下街景先好做建議
大會堂邊夠位畀你起巴士站
除非你拆咗佢重建
怡和果度又係，偷位做行車綫後冇位做行人路喎，除非怡和肯畀你拆咗噴泉同花槽

jpoon 發表於 2020-10-6 01:08
建議你去google map睇下街景先好做建議
大會堂邊夠位畀你起巴士站
除非你拆咗佢重建

大會堂係要柱同柱之間做，未必可行而且逼切性冇怡和大廈咁高，所以覺得係optional嘅

至於怡和大廈康樂花園外夠唔夠位，以我係樓上返工嘅觀察，花槽及噴水池係偷位偷到同巴士站的一列樹並排。如果怕候車空間不足，其實都可以用作西隧線巴士站，因候車人數相當有限。

至於康樂廣場路口至愛丁堡廣場路口明顯有位比一條行車線加行人路，相信夠位做巴士站。

方向唔錯
應該籍呢個機會將13搬到天星碼頭，然後將原本新建議大會堂巴士總站個條坑整多條行車線

咁不如索性駁埋出龍和道，俾天星停車場出嘅車同埋停完郵政總局之後嘅巴士唔駛出告士打道，可以直接經龍和道走

qunow 發表於 2020-10-8 07:16
咁不如索性駁埋出龍和道，俾天星停車場出嘅車同埋停完郵政總局之後嘅巴士唔駛出告士打道，可以直接經龍和道 ...

但留意返，天星停車場出口係愛丁堡廣場出口燈位前。
因此就算打通愛丁堡廣場同龍和道兩條路，都唔會令天星停車場嘅車可以直出龍和道。

charlesli0104 發表於 2020-10-6 23:32
方向唔錯
應該籍呢個機會將13搬到天星碼頭，然後將原本新建議大會堂巴士總站個條坑整多條行車線 ...

但係呢個巴士總站前方係大會堂高座，就算整行車線，燈口都只會有位比兩條行車線出 ...

jpoon 發表於 2020-10-6 01:08
建議你去google map睇下街景先好做建議
大會堂邊夠位畀你起巴士站
除非你拆咗佢重建

係喎，其實宜家趁住疫症，
成個愛丁堡廣場包括大會堂拆卸騰空空間起巴總擴闊干諾道中都唔錯。

paul2357paul 發表於 2020-10-21 15:18
係喎，其實宜家趁住疫症，
成個愛丁堡廣場包括大會堂拆卸騰空空間起巴總擴闊干諾道中都唔錯。
...

大會堂拆左後搬去邊？