為何油塘一直都唔多就腳及好用既巴士線？

ate214 發表於 2020-10-10 21:56
唔係想撥你冷水
但只要14X作為取代14C既角色不變
就無可能離開觀塘道

油塘來往觀塘市中心死保平線其實仲有14B。
同埋215X都冇咁威做到觀繞skip觀塘市中心直接出入藍田，更何況14X。

PC2625 發表於 2020-10-10 23:43
兄台講得很詳細, 不知是否也曾是 (油塘友) ?  唯有以 (時也命也) 來形容過去的油塘, 期待日 ...

其實我是觀塘友, 對昔日油塘的印象不算很多, 每次都係同家人一齊, 但每個印象都和巴士有關.

油塘邨14B總站記憶中只去過一次, 係同家人搭倫敦寶喺總站落車, 入去做咩已經唔記得.

高超道總站又係得一次記憶, 老豆帶埋我去行山, 喺巴士總站集合, 我記得喺總站企左好耐, 好似發現新大陸咁周圍望.

另有一次喺聖安當對面等車出番觀塘, 但等太耐冇車決定唔等, 行左冇耐一擰轉頭就見到14A DG2529大金全廣由高超道轉落嚟, 即刻返轉頭搭.

有親戚住西灣河, 有時船期唔夾, 就會改搭三家村船再轉14C返觀塘, 印象中試過幾次都係接近深夜, 所以有觀塘船就會搭去觀塘轉13B.

我記得三家村碼頭總站, 在當時80年代末試過擺仁宇圍逆時針, 不知是否臨時總站, 而正式總站我知道係崇信街西行, 開車後兜入東源街 仁宇圍順時針, 轉番出崇信街, 當時仁宇圍已經係污糟邋遢, 滿佈泥塵, 14C車身寧舍多灰塵.

再過一段日子, 高超道邨重建, 油塘邨拆遷, 14B延至廣田邨後, 仍舊行欣榮街出入, 諗起都夠刺激, BL在黃沙中奔馳的畫面, 至今仍歷歷在目, 而14C好似係直至油塘邨全面拆卸, 先至改出鯉魚門道, 油塘邨一段欣榮街其後亦都消失埋.

普照書院改叫中學, 油塘道的舊校拆左, 現校址要特別整條路畀佢, 認真巴閉, 舊校舍我記得去過兩次, 有活動喺嗰度搞, 我記得搞手帶我哋搭14B 14C入去.

之後一段長時間冇入過油塘, 有嘅都係地底轉綫過海, 當時真係好唔開心, 明明觀塘上車兩個站就過到鰂魚涌, 變成兩個站去油塘, 仲要等對面月台永遠唔夾時間的列車(港島返九龍尤其嚴重), 所以當時很多觀塘居民轉投601 619懷抱, 亦造就早繁619車鏈盛況.

另外, 十幾年前開始要去將軍澳墳場拜山, 一年出入兩次, 多數行上去, 會搭14S, 亦試過一次打的, 大本型上車, 墳場辦事處落車剛好唔駛跳錶, 唔係落雨都費事搭, 累左的士大佬要吉車落山.

華永行人徑起好之後, 就冇再試過行落油塘, 因那段路近鯉魚門邨一段太斜, 落去有啲辛苦(上反而OK), 而中途落馬環村段小路, 行過一次都冇再行過.

tonycheung0123 發表於 2020-10-10 19:54
果個樓盤得果幾棟，都唔夠佢人口老化下不斷萎縮啦。
其實，當年果個區議員真係要拎黎鞭屍，冇著眼去睇219X ...

219X 改由茶果嶺道走、併油塘落番鯉魚門就得。
分分鐘捱到茶果嶺村重建，六幹通車，明明就雙贏。

dennis28a 發表於 2020-10-11 01:57
219X 改由茶果嶺道走、併油塘落番鯉魚門就得。
分分鐘捱到茶果嶺村重建，六幹通車，明明就雙贏。 ...

其實14X併219X又未必想像中咁好嘅

219X而家非繁大約60分鐘一轉 拉去油塘就起碼加多20分鐘 未計迴旋處偉發道無定向塞車 咁加完人加完車但油塘出到嘅客量又未必可以cover返個成本 咁倒不如而家咁用最少資源做小區反而可能啱啱夠收支平衡 正如8A成日小貓三四隻都唔會諗拉去九碼咁遠
219X捱到而家仲做埋刷邊商業區 上繁雙向坐滿都算係咁 盤數可能唔差得過80X 83X呢啲頽老隧線

有資源加間接加落215X到執下雞出嚟效果應該好過併落麗港城 215X個基本盤本身都已經爆到瀉 執雞加少少觀塘油塘流水仲好 至於茶果嶺村重建就算啦 十劃都未有一捌 14X都開咗8年喇

74queen 發表於 2020-10-11 06:53
其實14X併219X又未必想像中咁好嘅

219X而家非繁大約60分鐘一轉 拉去油塘就起碼加多20分鐘 未計迴旋處偉 ...

有幾唔好？可以用少啲車做同一資源播又或者係兩條線用車加埋都可以加密班次啦，對大家都有利播。
都話某班大帝唔肯冇左條冇位揀既路線先係重點。
雙繁兩邊坐滿已係眾多觀塘尖沙咀X線中最唔合格的，可以有咩好講？ 即係仲有剩餘空間lor.
14X根本唔係黎定位做執215X 雞，本身215x 都能夠食返佢果d雞。

唔見棺材唔流眼淚的，自己咪日後少哂交通服務lor.

我都係果句啦，厲鬼班居民甘有錢，自己去尖沙咀一係揸私家車lor, 一係自己夾錢開居民巴士lor. 濫用公家資源黎做居民巴士。我住觀塘嘅，我都覺呢單事真係恥辱

呀，係呀，如果尊貴既厲鬼居民甘怕其他區居民搶佢哋資源，甘請油荃線33線唔好停麗港公園，人哋果條serve 工業區同油塘。唔好搞到厲鬼居民紓尊降貴，要屈就坐條33號啦，返去搭返佢哋條40 啦！

Anonymous 發表於 2020-10-10 13:57
講真，佢要89入油塘咪由佢，但如果有一程油塘坐唔滿半車/冇全費客去黃大仙嘅話，唔該即刻縮番去觀塘站。 ...

絕對讚同,我都唔想理佢,我由得佢算。

tonycheung0123 發表於 2020-10-11 08:21
呀，係呀，如果尊貴既厲鬼居民甘怕其他區居民搶佢哋資源，甘請油荃線33線唔好停麗港公園，人哋果條serve 工 ...

我都鐘意以前的33,依家加停麗港,成日多左5-10分鐘,因為要等燈同上客,其實33的原意係服務油塘,觀塘,九龍灣商貿區和荃灣,計劃33之前冇停麗港,係因為麗港已經有40,但係麗港班人見到33快過40,就要求33加停麗港,我覺得有D不切實際。

油塘道路規劃本身有缺陷
觀塘繞道易入難出既設計
往往造成路線規劃既困難
最近比較討論得熱烈就係 88X
當然有板友提到坐擁兩條鐵路線既優勢
巴士係油塘既功用就變成輔助為主
大家試諗下，上下繁由油塘塞到觀塘既時間
已經夠坐鐵出到中環或者尖沙咀
撞正迴旋處經常出現既交通意外
花既時間會更加多
就可以想像到油塘居民點解多數會揀落地底