城巴 780 788 789 暗地調整班次

053h4 發表於 2020-11-3 11:01
8P銅鑼灣已經落咁七八成以上，你明明講緊灣仔客。我指灣仔來講灣仔行入去重快過搭8P, 而家你講緊銅鑼灣落 ...

灣仔邊皮呀 你係咪坐住咗個腦呀 ?
你覺得喺 hysan 落車嘅客
班客隻腳係玻璃腳 唔會行返過鵝頸橋南洋 ?
架 789 點做到呢批客呀 ? 警署落車行過去呀 ?
唔好行到去時代啦 行到去天樂里都嫌遠啦

你都仲未答到我灣仔有幾多客
令到 789 可以兜完入去跟住就會有客上喎
我唔見得灣仔非繁咁多客囉
更何況係有鐵 有 8P 嘅柴灣 ?

andy1010 發表於 2020-11-3 19:03
呢度D人係咁, 廣福邨又話大帝, 第一城又話大帝, 但小西灣唔夠客又唔可以兜又唔可以減, 又無人話係大帝
其實 ...

其實大家嘅 mindset
係咪卽係兜埋呢度嗰度就＝吸到新客
唔理嗰度有啲咩現有嘅服務
跟住成條綫就整到狗屎垃圾咁款 ?

又要兜入杏花 ?
講客源 非繁有幾多人需要出港島北 ?
IVE ? 你以為 IVE 個站 set 咗喺個大門口前面
就會有好多人行去坐車 ?
居民 ? 連 85 日中都唔係特別多人杏花上車
你覺得出灣仔金鐘會好多人坐 ?

講競爭力 巴士有咩競爭力 ?
你架 789 10-15 分鐘一班
我走咗架 789 上地鐵 都出到炮台山甚至天后啦
仲要杏花邨一定會有位坐
你覺得班客會為咗等你架 789 而喺新城打返十幾個轉等有車唔上地鐵 ?

講需求 灣仔金鐘有咩好行 ?
唉我唔講喇喺呢個 post 甚至之前啲 post
都講咗十九幾萬次喇

小西灣又大又冇鐵又多人又係最入 都畀人拎嚟話係大帝
係大帝嘅話 一早搶咗條 118 翠灣上公路啦
大帝係為咗快而要霸住其他區啲直出綫
跟住自己區啲慢少少嘅綫就唾棄吖嘛
當柴灣已經有 8P 同地鐵出灣仔邊皮杏花直頭有大大條地鐵 做得晒所謂 789 可以做到嘅客
以你咁嘅 logic 係咪卽係柴灣杏花先係大帝 ?
仲要係被大帝喎 ;P

嘩之後仲話 788 789 做兩批客喎
你話中上環金鐘咪啱囉
但乜坐 788 去灣仔 同 坐 789 去灣仔嘅人係兩批人嚟㗎 ?
一個去會展行 exhibition 一個去菲林明道做 gym 咁話呀 ?
明明非繁灣仔客都已經唔多 仲要架 788 霸住晒灣仔啲客
跟尾嗰架 789 就屎都冇得食 關咩兩批客事 ?

其實呢唔係蒲開呢幾區嘅話 不如落去行一轉啦
杏花邨 環翠呢啲住宅區都畀大家講做大客倉仲要係非繁去商業區
唔識嘅就嚇死 識嘅就笑死 ;P

Tummy 發表於 2020-11-3 20:23
其實大家嘅 mindset
係咪卽係兜埋呢度嗰度就＝吸到新客
唔理嗰度有啲咩現有嘅服務

都係個句啦, 唔夠客一係兜一係減, 而家減左班就已經證明左條線有幾好客
你又話翠灣個站有IVE仲要有環翠人專登行過去搭, 個餅咁大應該唔少人啦?
85小西灣又好多人坐咩? 用85既客量呢個係咪一個正確既指標呢? 15分鐘一班既85西行接近大半條都同地鐵平排咁制, 杏花邨一個咁強地鐵優勢既地方都每班上到5-10個客, 15分鐘都去到炮台山啦, 又點嘔到客?

巴士淨係得坐作為優勢? 價錢788/789 $6.7, 地鐵去灣仔已經要$8.8, 個價錢差成25%, 定係杏花邨特別有錢其實唔CARE?
地點我去中環碼頭唔使行, 灣仔碼頭返黎又唔使行, 又無優勢?
而且10分鐘淨車程都係去到北角, 都仲未計行埋上個地鐵站同等車 (我當你擺個站係85西行個到), 仲要未計成條邨大部份下杏既都係近巴士站多d
再依你既邏輯, 筲箕灣西灣河太古(唔計太古城, 都接近係大部份住宅)搭鐵去金鐘中環15-20分鐘, $7.1, 咁應該都無人等只係平4毫子既722啦, 事實非繁未到太古坊商業區前既722分分鐘都仲多客過789, 唔好同我講呢三個站搭鐵非繁會無位坐, 我連繁時係太古搭車一過左鰂魚涌都99%有位坐

杏花邨我諗就算想要都唔會要789呢D金鐘止步既車, 係要都要780/720/722中西區走線
而大家都知要加車做係無可能, 因為柴小公司連最簡單直接既轉乘優惠都唔肯比呢區
我就真係唔係住柴小杏呢幾區無你呢個地膽咁熟, 不過呢我就覺得杏花邨有接近2萬唔算老既人口, 仲要唔係座座都近鐵, 仲未計政府大樓同IVE既返工客, 連一架繁時既中西區車都無, 完全放棄哂就好奇怪囉
再講東區會再有幾多人口增長? 巴士公司再唔增加現有客源, 塞車情況只會越黎越嚴重既時候, 真係等執

最後既然覺得非繁時間住宅區去灣仔甚至港島北, 強如小西灣巴士優勢咁強既地方都出唔到多客, 就更加唔應該支持788/789以繁時路線方式繼續載空

andy1010 發表於 2020-11-3 22:35
都係個句啦, 唔夠客一係兜一係減, 而家減左班就已經證明左條線有幾好客
你又話翠灣個站有IVE仲要有環翠人 ...

杏花789其實係冇用 789駁鐵多 入去都執唔到幾多客 跟住788就會爆哂

andy1010 發表於 2020-11-3 22:35
都係個句啦, 唔夠客一係兜一係減, 而家減左班就已經證明左條線有幾好客
你又話翠灣個站有IVE仲要有環翠人 ...

只可以話港島東區幾近完成發展，唔會再有新區新客源，巴士服務都成定局，唔似九龍新界大把發展空間，俾九巴獨大不斷開新線

Tummy 發表於 2020-11-3 20:23
其實大家嘅 mindset
係咪卽係兜埋呢度嗰度就＝吸到新客
唔理嗰度有啲咩現有嘅服務

唔知保羅大大會唔會話好多環翠人要(更快)去灣仔(峽)行山，所以789要經埋環翠

andy1010 發表於 2020-11-3 22:35
都係個句啦, 唔夠客一係兜一係減, 而家減左班就已經證明左條線有幾好客
你又話翠灣個站有IVE仲要有環翠人 ...

都係個句喇，杏花邨先天道路網不足，巴士點行都蝕晒時間

85杏花邨前小西灣一段客量唔差，係有82X之後的確差咗少少
PS: 杏花邨咁多座樓而每班85喺杏花邨都(只係)上5-10個客都要吹奏真係laugh die me

053h4 發表於 2020-11-4 00:12
8P過左希慎成事客無咁大半就係咪事實？去天樂里？搭多個站行得近D wor, 邊洗希慎落車？重有，我話集成一帶 ...

睇宏德居789落幾多人就等於出灣仔有幾多人？咩邏輯？都幾以偏概全吓喎

789唔可以有銅鑼灣客？出天樂里又係搭789？出時代又係上789？

不嬲搭788/789/8P出灣仔銅鑼灣都係好多時係去上一架回程上另一架啦，我出銅鑼灣坐8P回程可以坐789喎，我出灣仔可能上咗789回程可以係灣北上788。我落車可以行街啩？我一定要上返同一架？一定要係同一個地方搭車？

來回唔同客量都唔係第一日嘅事

andy1010 發表於 2020-11-3 22:35
都係個句啦, 唔夠客一係兜一係減, 而家減左班就已經證明左條線有幾好客
你又話翠灣個站有IVE仲要有環翠人 ...

小西灣冇人坐 85 ??????????
咁我平時見到嗰堆學生唔通喺歌連臣角落嚟嘅 ?
成個杏花邨 得 8 同 85 呢兩條全日綫
唔拎佢哋做指標 唔通搵架 118P N8 做指標呀 ?
同埋 118P 早繁杏花邨都唔係特別標青㗎咋
唔講以前 118 杏花特要拉入小西灣做 118P 救亡啦
朝早杏花兩站都係上廿幾人㗎咋
(耐冇坐唔太記得 有冇人可以指正一下 )
當早繁出九龍市區 客量都咁奀
非繁出港島北 唔通會多客過佢 ? ;P

翠灣塊餅不嬲都大㗎 ;P
你試下中午行入翠灣等架 788 789
兩架車嚟慢少少 條龍可以排出到個篷㗎 ;P

(sorry 唔記得你唔係住呢度 ;P
提返你翠灣邨個站搬後咗
仲要 set 咗幾個長過站亭嘅臨時帳篷)


地鐵依家有八折 去灣仔金鐘其實七蚊都搞得掂 ;P
定係你覺得杏花班人係連三毫子都畀唔起
要你拉架爛鬼 789 入去做救世主畀架方舟佢哋出去 ? ;P


//杏花邨我諗就算想要都唔會要789呢D金鐘止步既車, 係要都要780/720/722中西區走線//
其實我係你呢我一早自摺算喇 ;P
又唔係住柴小杏 又要喺度班門弄斧
又要懶係嘢咁想鞭屍 畀人踢爆好樣衰㗎阿豬 ;P

你自己都知唔係要拉架 789 入去啦下話 ;P
就算連區議員都唔會傻到拉架 789 入去 而係拉 788 入去啦 ;P

見到大家將杏花呢個巴士黑洞吹捧到成個 CBD 咁眞係笑咗出嚟 ;P
不如去下盛泰道行一轉 睇下幾多學生來來回回杏花邨 ;P
IVE Thei 班客 一係上晒地鐵 一係上晒 shuttle 啦 ;P
如果佢哋係咁大需求嘅話 點解 118 班 IVE 特最後會摺埋 ?
同埋呢杏花邨邊一度有政府大樓 ? 你係咪未來穿越過嚟㗎 ;P

定係你想講 Thei 隔離嗰座生不出蛋嘅政府車場 ? ;P
未來杏花會起政府大樓係未來嘅事
唔該唔好用未來嘅需求 subsitute 落依家嘅需求

而且我一直都唔係話小西灣冇客喎 唔該唔好塞嘢落我把口
我係話 灣仔少客 咋喎 旣然灣仔都已經少客
點解 788 仲可以左手抱住一個中上環 右手抱住一個灣仔 ?
根本兩條綫係可以共存 係依家 788 789 無限拖卡
仲點會有人上後面架 789 ?