ATR101現況

傍晚放工後上左去葵盛圍睇睇架車﹐今日天色好﹐6點幾光線
依然充足。

車頭嚴重損毀﹐撞擊位置介乎牌箱左邊與下層玻璃略為對下的
位置。下層頭燈及泵把車架尚存﹐只是輕輕扭曲﹐相信這部份
沒有整個被直接撞擊。底盤方面﹐可見車頭泵把陣扭曲﹐左邊
車軸側架被撞散﹐損毀嚴重。


從這個角度看﹐左邊車頭完全被淘空﹐撞擊位置深入至中門。
大家可以看到頭軸側架被撞至斷開﹐並向外扯開。


正面看左側的損毀部份﹐連中門前一段粗壯的車身支架亦被撞至
扭曲/折斷﹐可見撞擊力之大。而該段車架是與底盤頭軸側架直
接相連﹐所以可估到側架已嚴重扭曲。


去車尾看看﹐損毀比車頭輕得多﹐但撞到其車尾的中型貨車則嚴
重損毀﹐可見巴士的車身其實是很堅固的﹐只此今次對手太強﹐
再加上撞擊角度適中﹐才導致車頭如斯慘狀。


冷氣機及水箱只受到很輕微的損傷﹐車尾比ATR1那次輕傷得多。


單看右邊不覺出了大事﹐車箱內一片凌亂﹐輪椅板被放到輪椅區。

車頭車身的損傷應該可以修復﹐最難搞的應是重建頭軸側架﹐不
過按以往的事例推斷﹐側架是可以再造的﹐只是等待零件需時。

近年低地台車易被開鑵頭或車頭一撞即散﹐我認為最大原因乃低
地台車底盤車頭的空間比以往的底盤大﹐沒有了水箱等設備去受
力﹐而且底盤厚度又比較薄﹐令車身往往完全吸受撞擊力。加上
近年的車身車頭設計多用大塊擋風玻璃及大量玻璃纖維﹐所以就
出現一撞即散的現象。

願傷者平安康復!

[ 本帖最後由 oxball 於 2006-7-18 21:15 編輯 ]

很精彩的圖同很詳細的解釋!!

我覺得由於直接撞擊的部份為車身
而唔係底盤
所以會被修復的機會很大
車頭泵把可以被更換
而車身側架等都可以換新零件

雖說車身用玻璃纖維較跪弱
但只要車身骨架鋼水好的
都唔會對車身有好嚴重的損害
就好似ATR101個車尾
好明確睇到車身條骨架彎o左少少
而部5噸半已經撞到不似車型
而車頭的傷勢主要係衝力太猛
二來車身骨架此終唔及拖架鋼料咁硬淨
結果先撞到咁傷。

架5噸半當然撞到不似車型喇..
因為佢撞果時,架巴士己經食左落拖頭度嘛.

依,你早我少少上去woh,我成18:50才到..

扣幾耐先扲去整 ? ! ? !

原帖由 leslie 於 2006-7-19 00:25 發表
依,你早我少少上去woh,我成18:50才到..

我起碼6點8先走﹐似乎我走左冇耐你就到

原帖由 FF1819 於 2006-7-19 00:30 發表
扣幾耐先扲去整 ? ! ? !

通常扣兩三日左右就會俾番架車九巴

原帖由 virus 於 2006-7-19 00:54 發表

大家覺得其實貨櫃車車尾是否應該設有像工程車式的風琴防撞欄?
( 雖然會令到架車好長 )

一定唔好...
貨櫃車一轉彎咪係咁掃野.....