北環線南延走線及服務地區探討

北環線南延不如索性食咗西鐵，之後西鐵再起過條由屯門伸延入九龍嘅線

eternalflame 發表於 2020-11-22 20:53
上面講左上葵之後走線真係好難搞, 最直接緊係出美孚啦, 但美孚之後可以點行呢?

...

美孚之後，南昌、旺角、九龍醫院、宋皇台、九龍灣西、觀塘、坑口、科技大學？
不過咁樣，就短途線變成長途線，做埋中九龍

LAK2 發表於 2020-11-23 14:22
現時錦上路荃灣飽和
北環綫南延長遠係有需要
但要分流就無謂撈埋上葵去做

現時我認為有兩個方案，一係北環線南延，二係起屯荃鐵路，相信是旦一個方案都可以分流一下錦上路至荃灣嘅壓力。
當然是旦一個方案都好，最好就落埋市區，唔好葵荃止步，否則要轉西鐵，到頭來都係一條數。

kitarolo 發表於 2020-11-23 11:38
因為要避開樓宇樁柱
以及其他無公開資訊嘅
地底設施,可以揀嘅地方真係

其實我覺得北環線同東九龍線應該用同一種車站規格和訊號機電系統嚟起，長遠而言可以形成一個大迴環。

其實火炭嗰班工程師，都嫌東九龍線好難起，皆因佢要爬山。但既然佢要爬山嘅，點解我哋唔善用呢個「爬山本事」，沿住山腰一路行？

如果俾我幻想的話，東九龍線過鑽石山之後，向西應該係去竹園邨、白田邨、李鄭屋、下葵涌、石籬邨、梨木樹、老圍、荃景圍。（荃灣線同時延長去荃景圍，但因列車的原本設計是「地鐵」，也不能延長太多，否則在車務上難以管理。）另外，無端端走去旺角有乜作為呀？唔通亞皆老街好易掘路呀？

至於東九龍線由寶琳向東走，可以經科技大學、蠔涌、（過山隧道往）廣源邨、石門、（過河往）火炭、駿洋邨、（過山往）碗窰、大埔墟、大元邨、富蝶邨、（過山往）皇后山、馬屎埔、虎地坳、古洞，之後沿「北環線」返錦上路甚至荃景園，中間甚至可以再加八鄉南。

如果能將「北環線」及東九龍線連通，並形成一個沿途無須轉車的大迴環，咁新界東西面都有鐵路出到九龍，即使十號風球都可以用，亦能因形成交通內循環而改善市區和新界各區之間的差距，間接釋放土地潛力解決住屋問題。

TYChow 發表於 2020-11-24 10:48
其實我覺得北環線同東九龍線應該用同一種車站規格和訊號機電系統嚟起，長遠而言可以形成一個大迴環。

其 ...

就目前最新內部方案而言：

東九龍線：三卡重鐵 (替代方案為四卡LIM或5卡APM)
北環線 (Part 2)：八卡重鐵（IKK兼容交流電列車規格)

ryandroid 發表於 2020-11-22 23:15
其實地底方案好似冇講過北環綫會南延出市區？地底方案應該只係指北環綫新田站直接落地底伸延去新皇崗口岸？ ...

公海當然冇，不過呢幾年我已經一直透過「垃圾桶」、「龜殼字刻」等渠道提過地底方案會預留南延條件。

有去開HKRDB的板友，應該見過最近果邊有提過北環線有「高架」、「地底」及「全地底」三個方案。

至於新田去口岸果隻腳，連 NOL Part 2 都唔包，保證15年內都唔會落成。

tonyng 發表於 2020-11-24 11:07
公海當然冇，不過呢幾年我已經一直透過「垃圾桶」、「龜殼字刻」等渠道提過地底方案會預留南延條件。

有 ...

原來如此
但北環綫南延其實真係有啲多舊魚
預咗南延就即係為咗東延去粉嶺北同坪輋打鼓嶺俾啲居民搭鐵出市區

但粉嶺北同坪輋打鼓嶺係應該經大埔沙田出市區
一方面可以貫通新界東的市鎮
一方面方便去與新界東關係較密切嘅九龍東

依家北環綫南延即係荃灣西又塞多啲區外客
馬鐵冇新客源繼續拍烏蠅。。。。
同荃葵青關係密切嘅屯門反而未有新鐵路規劃去荃葵青

邊個天才諗出嚟要將北環綫南延㗎。。。。。

TYChow 發表於 2020-11-24 10:48
無端端走去旺角有乜作為呀？唔通亞皆老街好易掘路呀？

水務署洗衣街辦事處已搬遷,做工地
一流,當然有無需要拉落去係另一問題。