290嘅模式同城隧線模式，邊種更適合抄落沙埔水線?

住新東都知，新東之間來往主要靠哂火車，因為巴士服務太疏太慢，小巴服務範圍就有限。但去啲唔近火車站嘅地方，就要轉一次車，兩邊都唔近火車站嘅話，更要轉兩次；例如大埔大部分地方，同埋城河東。呢幾年都有人話要開新東嘅區內線。所以W3一開，新東內嘅客仲多過去西九嘅客。

當初W3打算加經粉嶺同太和時，已經有唔少嘅微言。有人覺得加大埔只會拖慢沙田來往北區，亦都有人覺得W3擴大服務範圍始終係好事。
主觀而言，呢個沙田，大埔，北區三區為咗定線嘅爭議，同290嗰時嘅將軍澳/觀塘山之間嘅拗撬，絕對有異曲同工之妙。而解決方法就係一分為二。
如果沙田大埔北區之間，好似屯元天咁開「區內」線，呢個方法，能唔能夠直接搬到新東呢? 可行性又如何呢?具體而言，即係兩條線，一條沙田直達北區，一條行大埔。當然，沙田/北區走線可以再議，例如沙田可以延遠到沙角或者大圍。

但係沙田，大埔，北區，各有好多細區 (例如富善/第一城)，亦都有大區(沙中，埔中，上水)。而家典型城隧線就係 細區＜＞大區＜＞轉車站＜＞大區＜＞細區，沙埔水應唔應該參考呢個方法，開幾條由唔同小區開出嘅巴士，途經大區，再去到另一個大區，以一個小區作結?



一嚟，巴士公司/運吉會唔會肯新增資源呢? 點解九巴當初又會肯為290一拆二加資源呢?
二嚟，如果用290模式，290系本身有咩缺陷呢? 290好客，只係因為需求大，唔代表路線設計上係完美。呢啲缺陷，嚟到新東，可唔可以消除呢?
三嚟，如果用城隧線模式，「轉車站」應該點處理? 起個轉車站? (邊到起?) 定係幫呢批區內線加無限BBI，喺沙中/埔中/北區自己轉車就算呢? 定係根本無需要轉車?
最後，其他路線可以點樣配合呢條/幾條新東線? 要知道，呢條線如果可以實行，搶唔搶到火車客都係其次，最重要係發掘到新客源。

歡迎討論

利申1 本人對所有290系嘅問題都係中立，除咗唔想九巴用290嚟陰乾其他線
利申2 如果區議員有睇呢個po，希望你地真係努力做落去，我知政府係輕視區議會，但係希望你地喺交通議題上做番啲成績，摒棄保皇黨嘅山頭主義

我只係知道 290 好受 italk 版友歡迎

等B8開左做唔做得起區間特快(大埔<>沙田)先算
W3本身都係得繁時有客

如果觀塘同西貢冇嘈交嘅話，運吉可能都唔會敢一拆二。加資源嚟啲野 (又要運吉say yes 先，當時仲有車隊 quota嚟樣野)，冇招標一定做唔到，到時又兩巴大戰。

Sorry 你嘅大細區我係有啲一頭霧水

不過講沙埔水，我覺得係欠缺好似276/261 呢類新界區內快線。

上水<>大埔<>沙田 只有72/72A/73A/74A 全部都行大埔公路，反而無一啲係上水/粉嶺就出公路嘅線。

沙水線
我意思唔係要cut埔公線，反而一快一慢，慢嘅加雙向分段做大流水，快嘅譬如照舊行哂百和路，華明圈後上公路後，頭站返市中心，應該會同東鐵有得爭下；起碼華明圈唔想行或者273，就有一條直線出沙田；

埔水線
其實73B回程條走線唔行大窩西係好好，不過係唔知點解73B都係弱。反而埔水線我覺得要借外線嘅力，譬如張264R/265S改一條全日線，係停上水同埋粉嶺北個一邊去取代73B，咁樣或者會多人搭啲。

YY487 發表於 2020-11-23 23:20
當年嘈完之後
觀塘西貢都攞到比原方案更好嘅嘢

的確。只不過，今時今日北區同大埔係嘈緊呀……但運吉可能睬你都有味，仲要大大條鐵平行又未爆。

沙田：不如摺左條W3還返車俾81先講，B8改經大埔太和路就夠，新界東區間線我地唔care

ky927 發表於 2020-11-23 23:27
Sorry 你嘅大細區我係有啲一頭霧水

不過講沙埔水，我覺得係欠缺好似276/261 呢類新界區內快線。

我冧樓主嘅大區應該係指一啲有文娛康樂有 shopping嘅地方，小區就係住宅為主？不過又好難咁樣去概括咩叫大區，咩叫細區，始終住宅可以喺繁時同非繁都出到人，呢幾年多左直達車，亦都少左人會揀去/被逼去「市中心」/「大區」做 hub and spoke類嘅轉乘。

290系嘅成功，除左因為觀塘山冇鐵之外，仲係因為對於將軍澳嚟講夠快又相對就腳，比起鐵要轉嚟轉去又逼又要行嚟行去。新界東其中一個煩位係「大區」附近好多時都有鐵，上水沙市嚟啲，巴士要打只可以鬥快鬥就腳，但係咁樣又夠唔夠客呢 (喺運吉嘅層面上)。所以點解城河東係一個常見嘅北區沙田線總站，就係因為搭ERL，過河唔算方便，但係城河東住宅區為主又可唔可以 support到 20分鐘一班北區車呢(暫且當得一條直達華明嘅線)，尤其是非繁，師奶唔會去到咁遠買餸，都唔會有咁多學生養起條線。

最後開到線當然好，繁時幾班都已經收貨，但係水沙線，運吉 prefer保鐵嘅機會唔細，鐵有排都未爆啦。對九巴嚟講，做短途駁鐵可能都好賺過水沙線 (沙田堆 K線每人四個幾五蚊，好彩嘅去到上水再賺多三四蚊，冇 BBI可能仲好賺過 <$10嘅水沙線)。

反而大埔中心唔近鐵，同埋分別同北區同沙田都近啲 (所以會有多啲聯繫，多啲 demand)，所以做特快我反而樂觀。73B走線(入大窩西前)大致上唔差嘅 (健康中心嗰頭固然可以細執一下)，班次20分鐘一班都合理，都有吸引力，死位係服務時間……0930-1610遲少少放學都已經 miss左，翻工做唔到，翻學做得少少，H線都起碼做到放工客先。厹連後面加多幾班車都唔肯，唔覺得佢真係好重視呢個market囉。