屯門南延線車站命討論

jpoon 發表於 2020-12-13 22:05
康城係港鐵地，又點同喎
再講，康城上蓋堆物業有邊個係叫康城先？咪又係得港鐵自己個商場

吓。。之前新聞講左16區站係以物業發展權方式興建，即係屯門南延線同上蓋都係港鐵擁有，係親生仔！

題外話
康城塊地係港鐵擁有，佢將佢斬開十幾期邀請唔同發展商投標去起樓，收益大家分
成日聽既首都，領都等，正名係日出康城第一期首都，日出康城第二期領都等，好似一個家族生左十幾個仔，用家族命名
以上每一期樓港鐵都擁有一半業權，並且指定由港鐵負責管理收管理費

用上蓋物業命名會點？呎價特別貴同有口埤家傳戶曉囉！成三十年樓齡以上依然交投活躍





而家可以推測，就算唔用上蓋命名，起碼都唔會同富健龍門友愛呢堆有關先

20160424 發表於 2020-12-14 10:38

用上蓋物業命名會點？呎價特別貴同有口埤家傳戶曉囉！成三十年樓齡以上依然交投活躍

咁第一城升咗幾多呢？同第一城站對面欣廷軒比呢？

而家可以推測，就算唔用上蓋命名，起碼都唔會同富健龍門友愛呢堆有關先

龍門居富健花園係私人參建居屋，又點同呢？

題外 ...

jpoon 發表於 2020-12-14 13:39
咁第一城升咗幾多呢？同第一城站對面欣廷軒比呢？

我唔係沙田友無聽過欣庭軒呢個屋苑唔知行情，但一個呀婆一個少女無得比較，我只知第一城又舊又細根本唔值咁貴，係恃住有港鐵站名加成吊高黎賣，
調返轉講假如唔叫第一城站，叫欣庭站，欣庭軒個價升得仲勁，呢啲就係品牌效應，不過你去地產討論區問啦，要答都答完。
而且有人話應該叫龍富，龍友站嘛。。。港鐵揸旗點會讓個站名出黎比班二三線屋苑用？

20160424 發表於 2020-12-14 10:38
吓。。之前新聞講左16區站係以物業發展權方式興建，即係屯門南延線同上蓋都係港鐵擁有，係親生仔！

題外 ...

政府未拍板用物業發展權喎
只係話
//政府已邀請港鐵公司開展屯門南延線項目的詳細規劃及設計，並將以「擁有權」模式為該項目融資的基礎上，與港鐵公司就屯門南延線的融資安排進行談判。此談判過程將會與項目的詳細規劃及設計程序同時進行，期間我們會謹慎地審查項目的建造和營運成本。//

以「擁有權」模式為基礎去進行融資談判安排
即係談判唔成可以轉返其他模式
例如服務經營權

16區塊地已經有唔少人要求起資助房屋
咪咁老定覺得港鐵食硬16區塊地

ryandroid 發表於 2020-12-14 18:30
政府未拍板用物業發展權喎
只係話
//政府已邀請港鐵公司開展屯門南延線項目的詳細規劃及設計，並將以「擁 ...

咁拭目以待，不足三年有答案，但成件事最吊詭係政府主動向港鐵提出擁有權方式先，而唔係相反
即係比錢你袋，仲要唔岩可以傾到岩為止，除非港鐵自己根本唔想要地同條鐵，不過係無可能既事
16區地皮係大過市中心，扣走運動場面積，再劃七三比公私比例既單位數目，
公營房屋起到龍門居咁密淨低三成單位依然夠數起多一個瓏門VCITY

下圖根據屯門區議會地方設施管理委員會建議預留起既運動場面積


下圖係假如削減運動場規模後既可用面積



善用空間用盡上蓋

20160424 發表於 2020-12-15 08:57
咁拭目以待，不足三年有答案，但成件事最吊詭係政府主動向港鐵提出擁有權方式先，而唔係相反
即係比錢你袋 ...

因為係港鐵交proposal係講明要拎16區塊地
要拎塊地就要用擁有權模式
但政府應該有保留
不過為咗盡快上馬
暫時就話條新鐵路以擁有權模式作基礎繼續談判融資安排
等港鐵做咗詳細設計
先再決定係咪擁有權+物業發展權定係照舊服務經營權

ryandroid 發表於 2020-12-15 12:14
因為係港鐵交proposal係講明要拎16區塊地
要拎塊地就要用擁有權模式
但政府應該有保留

咁都總算符合港鐵地產公司一貫既作風同野心。如果政府唔比地，港鐵應該唔會起無肉食既16區站。大家一買一賣好公平。反正本來唔係計劃入面。

20160424 發表於 2020-12-15 18:50
咁都總算符合港鐵地產公司一貫既作風同野心。如果政府唔比地，港鐵應該唔會起無肉食既16區站。大家一買一 ...

冇16區塊地嘅話
港鐵就唔會自己出資起
除非以西港島綫模式
政府以現金補助港鐵嚟維持擁有權模式

換言之
政府唔送16區塊地或者現金補助嘅話
連屯門碼頭站都唔會諗住自己出錢起
政府要起就繼續用返服務經營權
咁政府就算自己批16區地發展
16區都會加個站先提高賣地收入嘅

屯門南延綫係屯馬綫伸延
現金補助模式嘅機會較低
冇乜理由送錢俾港鐵起之餘送埋業權
關鍵在於16區係以小蠔灣/八鄉模式定康城/黃竹坑模式發展

而16區站一定有
屯門南延綫嘅問題
只係服務經營權
定物業發展權+擁有權
去二揀一

16區個站一於學日本咁叫~~新屯門~~
附近又有個自己盤新屯門中心，如果有人話唔近個盤，咁 錦上路站都唔近錦上路啦！

ate_58x 發表於 2020-12-17 10:19
16區個站一於學日本咁叫~~新屯門~~
附近又有個自己盤新屯門中心，如果有人話唔近個盤，咁 錦上路站都唔 ...

錦田同八鄉係度爭改自己個名先叫錦上路者