荃灣到底咩原因一條全日/半全日真特快出油尖旺區既線都無？

ATENU364TC196 發表於 2021-1-2 11:19
地區人士嗰陣唔係反對41 逆走，而係反對青衣北冇咗架車去深水埗一帶⋯⋯

41 近年喺青衣長荔深段嘅客量相 ...

問題嚟啦。青衣大啲，定紅土何大啲？
講緊18.4萬對約25萬。
同時，青衣唔上41，咁自然郁41嗰陣就唔好死lur要晒所有車。愛民上41，所以要比賠償土何好合理。
條線而家係九龍城主導，咁大部分資源落返落九龍城都好合理。

45而家7車，但係留意返S3BL版兄嘅計劃係拉埋46落水，45要多兩架，但46係減三。
所以實際上係慳到車，咪落番葵青用囉。
同埋你話青衣線好多都唔掂，但係你講啲唔掂嘅時段都係繁時...
仲有我上繁同非繁疫情前喺東京街見到嘅41A都唔係頂晒閘咁...
（當然 我無好仔細咁去了解其他線 所以有錯都未定）
你想要青衣版61X，就自己用42／區內線資源開，無謂打劫紅土。



當然作為紅磡人我唔認為我喺S3BL版兄嘅計劃有得益到，但係一定好過你嘅方案。
最少係S3BL版兄嘅計劃裡面，紅磡會多條垃圾45，但係你嘅計劃裡面係冇㗎。
你嘅計劃可能係喺青衣嘅角度嚟睇係好好，但係對其他受影響嘅地區係唔掂。
當然最好嘅好似我上述所講，用8A+6F+30X嘅資源砌到條紅佐<>荃灣特快啦

xdxd 發表於 2021-1-2 09:07
改41無問題 但係問題出喺45度
與其郁45 我建議用返紅磡已有嘅資源 砌條紅磡+佐敦特快
殺8A 6F 可以嘔到7- ...

咁就變成一次過重組六條線，有得搞都變無得搞

ATENU364TC196 發表於 2021-1-2 11:19
地區人士嗰陣唔係反對41 逆走，而係反對青衣北冇咗架車去深水埗一帶⋯⋯

41 近年喺青衣長荔深段嘅客量相 ...

當時係講緊地區無反對改快但要求總站擺返長青，維持長安尾站

anyway, 你講到好似新 41 唔做青衣生意，要「還車」畀青衣，但原來新 41 九部車係繼續入青衣，仲未計無論班次定係大部份時段行車時間都比今日理想，你呢個論調好明顯係不能成立

S3BL100 發表於 2021-1-2 12:50
咁就變成一次過重組六條線，有得搞都變無得搞

本身41 46要郁
8A 喂大佬 8P／行路都快過8A 有車不如比8P谷密好過
6F 我沿路搭12A／6C都快啲啦
30X 而家一換一 比條快唔少嘅39X
點睇都有著數過以上3條廢線夾埋

xdxd 發表於 2021-1-2 13:01
本身41 46要郁
8A 喂大佬 8P／行路都快過8A 有車不如比8P谷密好過
6F 我沿路搭12A／6C都快啲啦

你地成日淨係諗住炒埋咁多條線重組效果好好，可以一次過解決好多問題

但實情係現實世界入面根本唔會用呢種模式重組，唔可行就係唔可行，效果就算再好都唔代表行得通，所謂「區域重組」已經名存實亡

xdxd 發表於 2021-1-2 12:10
問題嚟啦青衣大啲，定紅土何大啲？
講緊18.4萬對約25萬。
同時，青衣唔上41，咁自然郁41嗰陣就唔好死lur ...

該區所佔嘅客源百分比，似乎比用該區嘅人口去量度更加實際
正如中西區+灣仔人口達到42萬，但青衣只有18萬，難道948 又變成屬於港島區主導嗎？

至於青衣又唔係完全唔上41喎，頭班車喺長安係排到去44枝波板糖，全部都係出長荔深返工，之前上面都有其他板友講過⋯⋯咁係咪又唔使俾賠償青衣先？

其實大家都知道，以全日總客量去睇嘅話，大家兩邊所佔嘅客源都係接近一半半

至於41A，其實最多客都係晚間時段，其實算係非繁忙時間，況且如果夠載就唔使補車，45 cut 到落去30分鐘一班非繁忙時間都一樣夠載㗎，但都要俾補償啦

過返幾多部車落去何土可以再斟酌，其實俾返四架甚至五架都得㗎，至多咪唔開61X版新41，都唔叫少啦掛？

我先前冇諗過拉46 落水，如果拉埋46落水嘅，其實可以咁樣做重組

1. 46 跟S3BL 兄式改循環減走三部車

2. 45 加到上去20分鐘一班加兩車

3. 41 改跟S3BL 兄嘅建議，但只係去到荃灣，全日20分鐘一班（晚間25分鐘班），全日用六車，夜間用五車，編號改230

4. 31B 加934柯打，減一車，上下午通勤方向繁忙時間班次改為12/13 分鐘一班

5. 新41 改青衣逆走，去到龍翔道跟61X 落去九碼，繁時各對開四班，用四車

6. X42C 於新41 服務期間不停龍翔道畢架山花園至黃大仙沿途各站

7. 41A/44 加密非繁/晚間班次，由新41柯打，合共包括四車（實施後視乎當時客量情況調配資源，如44 客量情況仍低於標準，則將資源調配至948/X42C）

S3BL100 發表於 2021-1-2 13:05
你地成日淨係諗住炒埋咁多條線重組效果好好，可以一次過解決好多問題

但實情係現實世界入面根本唔會用呢 ...

咁同樣地你條41都唔會過到骨大佬 3條線同樣都係大改動 唔得啦

ATENU364TC196 發表於 2021-1-2 13:06
該區所佔嘅客源百分比，似乎比用該區嘅人口去量度更加實際
正如中西區+灣仔人口達到42萬，但青衣只有18萬 ...

睇完呢個方案 我諗除咗紅磡都係應該有返條比30X更有用嘅新西線之外都冇乜問題

xdxd 發表於 2021-1-2 13:09
咁同樣地你條41都唔會過到骨大佬 3條線同樣都係大改動 唔得啦

問題唔在於每條線改幾多，而係在於你一次過搞幾多次條線，有無架床疊屋

6D 40 當日都上到 RPP，但你幾時有見過攬五六條線一齊既重組上到 RPP？

呢個亦呼應返呢條 thread 題旨既重點，資源得咁多，但好多人幻想緊 30X 可以一次過攬多三五七條線重組變到好完美，當然就唔得啦

S3BL100 發表於 2021-1-2 13:18
問題唔在於每條線改幾多，而係在於你一次過搞幾多次條線，有無架床疊屋

6D 40 當日都上到 RPP，但你幾時 ...

咁嚴格啲 淨係6F+30X 七部車都得㗎
班次疏啲囉


你強調限米煮限飯 而家都係㗎
由頭都尾都唔係要求天降資源
完全係用緊已有嘅紅土資源去開新線
有咩問題？