由61系列、114看5A延至啟晴

Enviro50D 發表於 2021-1-6 12:34
其實所有經土瓜灣同理工個塞車位嘅線客量都一定會下跌，差在跌幾多，因為何文田站4分鐘就到尖沙咀，巴士分 ...

就咁嘅
啱嘅 鐵路車程係快，但係唔好忘記你站内又要行，出到嚟又要行，搭巴士相對而言行嘅程度少好多，更加適合懶人。
攞白加士街－觀塘市做例子

14（志和街－觀塘市中心T5）車程即時28分鐘，繁時當42分鐘+
腳程2分鐘+
平均候車時間7分鐘（非繁）／6分鐘（繁時）
=37分（非繁）／51分（繁時）

鐵（佐敦－觀塘）
車程2+13+8=23分鐘（尖沙咀轉）／2+3+7+8=20（何文田轉）／2+22=24（現存方法）+
腳程2分鐘 +
站內轉乘時間 5分（尖東－尖沙咀）／3分鐘（何文田）+ 2分鐘（鑽石山）+
平均候車時間 7分（尖沙咀轉）／8分（何文田轉）／3分（現存方法）
= 39分（尖沙咀轉）／ 33分（何文田轉）／30分（現存方法）

以上數據未必準，但係攞14嘅佐敦－觀塘段來講，現存嘅荃灣線－觀塘線轉法其實最快，而沙中線並未帶嚟速度優勢。但係14嘅客量仍然唔差，反映如果真係需要快嘅乘客，其實應該一早落咗地底，剩低嘅普遍唔介意速度，反而注重就腳，加上非繁巴士未顯有明顯速度劣勢，話14客量會暴瀉有啲難講。

leo_ku 發表於 2021-1-6 12:54
咩講唔出啫，柯士甸站有出口去佐敦道行去裕華都係十分鐘，已經唔講更加近的F出口。 ...

十分鐘不如我老老豆豆喺樓下等14...非繁15分鐘一班


你都識講，裕華去柯士甸站10分鐘，柯士甸站落月台3分鐘，等車平均3分鐘...大佬，第二班14都到啦...
西行...紅隧口點都唔需要困住唔郁15分鐘嘅，由平治街到九龍佑寧堂15分鐘就差唔多啦。
大家打和，但巴士行少幾多...
自己諗下啦，成日一味踩巴士，連85X改直出大隧「提升競爭力」咁嘅偉論都講得出...
佩服佩服

leo_ku 發表於 2021-1-6 12:55
行就5分鐘，你當樓下巴士唔駛等？

同樣，搭港鐵又唔駛等?
但搭巴士就肯定比搭鐵小行幾分鐘甚至10分鐘路(視乎出發地點)

依家港鐵屯馬線非繁忙時段6-7分鐘一班車係等閒事，仲未計港鐵去好多地方都要轉車呢

班次上，我覺得，屯馬線全通後，在上路往返尖沙咀事情上，5，5A，26聯合起來的班次未至於落到20分鐘的趕客水平既一班既

YY487 發表於 2021-1-6 13:16
去月台嘅時間係固定可控制
死亡交叉塞車時間係不可控制
道路情況會影響，碌神定車手都會有影響

咁馬頭圍唔係去所有地方都要經交通黑點既……當然，去旺角和佐敦就搭鐵為妙(漆咸道交通沒改善的話)

關於塞車，可能沙中線+屯馬線全線通車後巴士大減班，加上九龍城重建，反過來會減少漆咸道/世運迴轉處的塞車問題

leo_ku 發表於 2021-1-6 13:27
14唔脫班咪係。

85X 暫時仲有土瓜灣頂住先叫有吸引力，唔直飛大隧頭站碌三四個字競爭力淨番幾多？ ...

而家競爭力係80分改完競爭力變30分
明唔明？
唔好淨係企喺一邊諗嘢
你要知道85X係少數大隧線玩到逆向通勤，紅土往返石門一樣有需求。
呢堆客唔夠自己拆線，但同馬鞍山搭單一定夠。
同樣道理，馬鞍山出新蒲崗／啟德北／紅土喺繁時或者夠客，但非繁呢？
得嘅，食30分班囉。
兩個客源夾埋，咪撐得起85X開而家咁樣嘅班次而唔蝕錢，同時亦都吸引到轉車客。
貿貿然抽走石門，非繁咪唔夠客囉，明唔明？
而家85X唔係趕客落地底，而係馬鞍山－紅磡本身就係得咁多客，你格硬飛走石門，只會令到現有班次維持唔到。
當然，開多一兩班（甚至回程嘅）特班／85S係合理，但就唔係連非繁都整走石門囉。

S3bl430 發表於 2021-1-6 13:30
咁馬頭圍唔係去所有地方都要經交通黑點既……當然，去旺角和佐敦就搭鐵為妙(漆咸道交通沒改善的話)

關於 ...

少左巴士通常都唔會改變塞車問題