由61系列、114看5A延至啟晴

原來而家屯馬線會好似當年輕鐵咁整條法例起個專區俾鐵做獨市生意，實在係小弟我見識短淺。

如果5A就取消，就唔會延長啦

xdxd 發表於 2021-1-3 19:09
你之前個post拗唔過人，而家就開過個圍威喂
圍爐取暖唔係問題，但係都搵過個好啲嘅論據啦
114...橫睇直睇都 ...

喺呢棟樓度我想強調嘅嘢，唔係「5A一定取消」，只係希望大家認清5A的角色。認清路線角色喺分析巴士路線重組改動呢方面，係至關重要嘅。我畀嘅例子(九巴61系、114)只係想畀你哋睇得出，人哋巴士公司做嘅每一步都係有得解嘅。

講返5A號線，九巴喺鐵路通車正日大幅提高5A線同未來鐵路的重疊性，仲要大幅延長走線而全程收費絲毫不增，並與鐵路提供轉乘優惠，種種行為皆徹底背離專營公司常態。

你哋可能會問：延長咗之後嘅5A線保持$4.3嘅全程收費，咁唔係就係保持競爭力，等佢冇咁易取消咩？
咁點解佢唔係將全程收費整到$5.1(甚至再貴)，然後分別整返啲$4.3(甚至再平)分段收費呢？


沙中綫「唔到(尖沙咀)碼頭」、「唔到啟晴邨樓下」：我都知道，所以我冇講到咁死話「5A一定取消」，佢只係會喺屯馬綫全面通車之後，搣甩「收費接駁巴士」嘅角色；剩低嘅角色，例如駁去尖沙咀碼頭，或者啟晴邨樓下來往沿線地區的需求(我呢度話「另一個角色」)，就可能由其他路線接手。而搣甩「收費接駁巴士」角色嘅實際情況，可能係取消，可能係同其他路線重組，雖然保到5A嘅編號，但係一定保唔到$4.3嘅超平全程收費。
你哋又有可能會問：咁九巴95號線夠保持到低廉全程收費喎？
人哋係食咗成條九巴13號線，又兜到自己九曲十三彎，九巴先至會捨得收你咁平咋。

最後：「照你嘅講法，係咪香港唔可以有任何同鐵路平行嘅巴士線？」我冇咁講過。唔係香港唔可以有同鐵路平行嘅巴士線，只係你要認清嗰啲「同鐵路平行」嘅巴士線嘅一啲額外角色啫。
例子：城巴5B線：大球場服務路線、深夜洗碗阿姐流水線；
九巴6號線：盈暉臺服務路線(分咗條6A又合返)、畀外國遊客(尤其是冇(市內)雙層巴士嘅日韓)喺香港觀光嘅路線。

ATSE40 發表於 2021-1-3 19:12
原來而家屯馬線會好似當年輕鐵咁整條法例起個專區俾鐵做獨市生意，實在係小弟我見識短淺。
...

先生誤會啦，我係想畀啲例子大家，嚟證明「認清角色」嘅重要性。

YY487 發表於 2021-1-3 19:18
點解唔講九巴 12 號先?
61 系 114 取消嘅時候你都未出世
有條近嘅線唔講攞啲幾十世前嘅線講

本人並無「圍爐」之意，我亦都知道我畀嘅嗰啲例子都係我出世前嘅事例，但係你呢個九巴12號啦喎，我再嘗試用頂樓嘅ABCD方法去分析啦喎。
A：路線轉變
前：深水埗(東京街)↔尖沙咀(循環線)
後：海麗邨↔尖東鐵路站
前後都係收$4.2
B：九巴開拓海麗邨(?)，並吸納K16原本客源
C：失去大角咀道沿途客量
D：有海麗邨，冇事。

順便回覆埋你 #16；你話佢仲有另一個角色：「頂住城巴，等城巴冇得用任何名義開啟德-尖沙咀線」。且看屯馬全通，如果真係5A死即城巴生嘅話，我會credit你呢段嘢