探討呈祥道近長沙灣天主教墳場增設巴士站之可行性

現時呈祥道東行近長沙灣天主教墳場及長沙灣黃大仙祠有兩個停車灣，亦有行人通道連接至明愛醫院及永康街，此地鄰近荔枝角商業區及長沙灣區，加建巴士站可以極大改善茘枝角來往東九龍之交通

荔枝角長沙灣一帶一向係東九龍路線嘅盲點，自從40改行龍翔道，此區更無全日線來往牛頭角以東至藍田地鐵站，反而一街之隔嘅呈祥道有齊觀塘，觀塘海濱，藍田同將軍澳路線，增設巴士站即可解決盲點問題，又唔會太大影響現有路線

該處已有相當基礎設施，例如呈祥道兩邊均設有行人路，東行近天主教墳場及黃大仙祠各有一個停車灣，西行近明愛醫院亦有救護車專用支路，支路匯合處改建為巴士站難度應該不高，近黃大仙祠亦有一條行人天橋連接兩邊行人路及往永康街之樓梯，故加建巴士站之成本應該不大

如需加設無障礙設施，可於永康街休憩花園附近加建升降機塔連接巴士站，長遠更可考慮建設地下通道連接荔枝角地鐵站，茘枝角已由舊工業區轉型為商業區，乘客亦有上升趨勢，於呈祥道增設巴士站既可舒緩區内交通壓力，更可改善區内交通接駁，實屬一舉兩得！

西行，支路匯合處絕不適合改建做巴士站，樓主可以死咗條心佢。

東行，黃大仙祠加站可能得，但有以下前設：

1. 停車灣長度有限，且不可能延長，所以只能加俾極少數路線，絕不能太多車停，因為根本冇位俾車排隊，唔似龍翔道其他站咁
(例如加俾40，當補返40東行唔經長沙灣)

2. 停車灣前後對出，要喺路中間將虛線改劃做稍長嘅虛實線，以免巴士離站時易生意外


sor 認真咗

當全世界諗緊點樣減少畢架山同豐力樓既站，有人調返轉加站比深水埗區攪慢一眾觀塘線，世界級

唔合符成本效益，亦不見現時有明顯需求搞咁大筆野

而家東行果兩個彎坑個位完全唔吸引，又要起升降機塔再行一大輪，放工行上到去仲要冒住架車頂閘飛站風險

西行好似樓上講，無可能加，呈祥道呢d舊式道路設計要加會變好大工程，要過環評可能要連埋隔音屏一齊起，搞到億億聲

起行人隧道連去地鐵站個建議仲好笑，有咩人去九龍東會搭地鐵去荔枝角站落車行上去食廢氣?

簡簡單單，兩繁抽一兩班214，開條214x 行呈祥道直落荔枝角站試水溫仲實際

邊個會肯行上去搭車？？ 膠都費事俾

DR2458 發表於 2021-1-8 07:09
唔合符成本效益，亦不見現時有明顯需求搞咁大筆野

而家東行果兩個彎坑個位完全唔吸引，又要起升降機塔再行 ...

214行秀茂坪同藍田五桂山，依然冇解決荔枝角冇車入觀塘同藍田近地鐵站嘅問題，茘枝角養唔起一條全日線入觀塘咪堆班人上呈祥道搭，反正已經齊料開站（係要行樓梯行死你咁解），我估客量會同畢架山花園呢隻大帝站差唔多.，甚至可能會好過豐力樓

起升降機塔貴可以改用明愛現有升降機系統上到永德路行人天橋底，視乎需要再加建升降機接駁至行人天橋，咁樣造價相信會平唔小

停嘅車唔需要多，38，40同一眾觀碼同藍田站全日線已經夠，當然停埋將軍澳線會錦上添花，不過就冇咁大需要，反正樓下已經有98c

另外，畢架山花園呢隻大帝站其實用途係邊，果到咁偏辟又大部份都係高尚住宅（除咗樓下澤安邨），究竟當初開站嘅目的係咩？

見到「探討XXXYYY可行性」嘅post都知搞笑居多

最經典就係：探討211單層巴士中途轉用雙層巴士的可行性最令人笑到噴飯

要起嘅話應該要好似屯轉咁起支路先得

事實係冇位起, 唔係話起左唔好