嘉龍村至御天峰巴士服務問題

近年青龍頭巴士服務開始有所加強，但係所新增嘅路線好多都係喺豪景花園止步。御天峰至嘉龍村地理上屬青龍頭，但係234D、A38等路線全部唔到，又用唔到屯轉，青龍頭出荃灣葵芳嘅小巴又無份。結果呢段路嘅交通服務相當缺乏，只有52X、53同962B三條屯門開出而服務深井嘅流水線服務，連要出荃灣買餸都只有35分鐘一班嘅路線。

其實青龍頭嘅路線係唔係應該拉多少少，拉埋落屯轉或者大欖總站，填補屯轉同豪景花園之間嘅空白？例如而家成條青山下路只係得呢段無機場巴士，只係得呢段無出觀塘嘅繁時線等等。（類似嘅情況亦都出現喺馬游塘，成條寶琳路得呢段無過海線，要靠98A轉車）

需求有幾大？

低密度咋嘛……整兩幢40層高
公屋/居屋保證有新線或兜過去

青龍頭係唔會去荃灣買餸

豪景有超市
一係出深井

HE7921 發表於 2021-1-16 19:41
需求有幾大？

嘉龍村至屯轉沿岸係山崖，都無人住。

除非嘉龍村出面加建巴士掉頭迥圈，否則就要修改區議會界線，沿屯門公路延伸，將「兄弟橋」及屯門公路西行轉車站納入為荃灣區範圍。（但由於新界的士可沿青山公路由屯門駛至汀九，故無須因此修改新界的士營業範圍）

嗰段仔得咁少樓，需求真係好細。另，樓主用馬游塘村嚟比真係唔太適合。馬游塘村交通其實唔差，村口咁多線，除咗過海，好多地方都去到。

咪御天峰御海峰囉 可能50個單位都冇 仲要有堆買黎”度假”用 得個工人／家丁睇屋（即使主人喺度住 自己有車啦，嘉龍村堆小屋  頂唔順就一早搬出市區啦 以前都係只有52X同53仲有小巴者）  只要52X重提往屯門市中心都兜入往九龍轉車站 就照顧到佢哋喇

AVBWU291 發表於 2021-1-16 20:06
嗰段仔得咁少樓，需求真係好細。另，樓主用馬游塘村嚟比真係唔太適合。馬游塘村交通其實唔差，村口咁多線， ...

認真，馬油塘交通算係咁

九龍東
觀塘，九龍灣，彩虹，黃大仙

九龍西
九龍城，旺角，長荔深，美孚

新界西
葵芳/興，荃灣/西，機場

以上全部有線直達一程過
係新界東同港島冇直達線
（港島只有通宵N691同19S）

cky 發表於 2021-1-16 19:51
青龍頭係唔會去荃灣買餸

豪景有超市

好難講，楊屋道街市咁出名平及多款。

AVBWU291 發表於 2021-1-16 20:06
嗰段仔得咁少樓，需求真係好細。另，樓主用馬游塘村嚟比真係唔太適合。馬游塘村交通其實唔差，村口咁多線， ...

嘩，你咁講，果班將軍澳行山派漢奸衝出黎圍插你呀，佢地無地鐵/無尖沙咀車/過海車要兜寶林，單係呢 3 點就成日係度講到自己幾慘幾慘，講到慘過坑口去觀塘/旺角深長荔荃灣車要兜佢地果區咁樣