反銷售稅系列﹕諮詢文件避談對零售業實質禍害

在『擴闊稅基 促進繁榮』的諮詢文件中﹐政府完全沒有提及若然實行
商品及服務稅 (後稱 GST)﹐對整個零售業的實質禍害﹐但卻在196段中說明﹐
GST 每增加一個百分點就可以帶60億元收入﹐可見整個研究只選擇公佈對政府
有利結果﹐這種方式是自行將討論帶向『不健康』局面。

在210及211段更解釋﹐GST 『....本身不會對經濟增長趨勢有任何重大影響....』﹐
以及『....低稅率的商品及服務稅應該不會對私人消費帶來很大轉變﹐
因為根據海外經驗﹐消費開支模式在短期內會回復正常趨勢....﹐
相比整份文件其他數據充足的部份﹐卻不見有任何數據或計量經濟學研究﹐
指 GST 對經濟及零售業﹐真的如諮詢文件所言﹐是沒有太大影響。

現時零售及服務業對GST 的反對聲音﹐幾近是全港最響亮﹐原因就是政府
根本沒有提及到﹐若然 GST 落實﹐在數字上如何解開他們的疑慮。

[ 本帖最後由 chai 於 2006-7-20 15:55 編輯 ]

算啦...

根本睇完份文件就知道成件事都只係政府想做，
但係根本民間無人想之餘，
政府亦都只係話擴闊稅基得呢一條路可以行，
但事實又真的如此嗎?

原帖由 307 於 2006-7-20 23:01 發表
算啦...

根本睇完份文件就知道成件事都只係政府想做，
但係根本民間無人想之餘，
政府亦都只係話擴闊稅基得呢一條路可以行，
但事實又真的如此嗎?

我覺得家陣政府個勢
似係想刺激香港人返深圳消費...

香港政府係咪想明年7.1激起100萬人上街遊行?之後又有人要人頭落地,黯然下台
英國已經有辦俾香港睇,英國徵收GST,政府收入有明顯增長嗎?
係無呀,人人都只會在百貨公司狂減的時候才大規模購物
真正累鬥累就係GST
一)遊客表明香港徵收GST,會到泰國這類低消費國家
二)補貼綜援家庭只會製造標籤,破壞社會和階
三)一邊廂就徵稅,另一邊廂卻不減開支,加100%GST都無用啦

唐生、曾生退休想離開香港,移民外地,但都唔好害700萬港人

仲有一點,政府表示徵收GST後會取消酒店房租稅、調低燃油稅,簡直自欺欺人
反而無減稅,係加稅

原帖由 Ketsu 於 2006-7-21 10:56 發表


我覺得家陣政府個勢
似係想刺激香港人返深圳消費...

大陸也有類似稅收﹐首先得益者可能會是澳門。

在澳門調低利得稅後﹐已吸引不少香港公司改往這裡註冊。
相信在 GST 落實後﹐更多零售公司主攻澳門市場﹐吸引香港人到
這裡購買高消費品；這些公司最終會間接鼓勵市民除煙酒外﹐從澳門
非法攜帶更多『免稅品』回港。

原帖由 U-157星之Kelvin 於 2006-7-21 11:33 發表
唐生、曾生退休想離開香港,移民外地,但都唔好害700萬港人

我想講一句我講左好多次
但講到口臭都百講不厭說話：

家陣諗乜野政策果班人
就算諗出黎果d 係死橋
基本上對佢地黎講可能都冇乜野響
因為...

似乎佢地既日常生活
都唔係咁涉及佢地所管所理既野！
就算係有
或者佢地既高薪厚祿
都可以將對普通市民帶來沉重打擊既影響
變成一d 九牛一毛既small potato...

開GST只會累己累人

即使政府答應5年內不加GST稅率,但根據外國經驗,GST稅率會在短期內暴升,令市民百上加斤......