hkitalk.net 香港交通資訊網

標題: 弱智月台設計 [打印本頁]

作者: Jacob 時間: 2021-1-25 19:03
標題: 弱智月台設計
我想問馬鐵鑽石山個月台係黨定九設計? 新設計點解唔起闊少少?

依家日日放工烏溪沙方向都塞滿人，第日全線開通點搞?

個月台企到咁滿，啟德去鑽石山轉車既人已經好難落車，第日全線通車，相信要落車既人會更多。一堆人落一堆人上，個月台仲要咁窄，點應付到?

邊個咁聰明設計到咁窄? 低估咗轉車人流定無錢cap?

作者: Justshamxx 時間: 2021-1-25 19:35
第一，疫情關係班次較疏；第二，屯馬綫尚未全綫通車，現時屯馬綫(一期)上行止於啟德。希望你睇清大局先

作者: Jacob 時間: 2021-1-25 22:57

Justshamxx 發表於 2021-1-25 19:35
第一，疫情關係班次較疏；第二，屯馬綫尚未全綫通車，現時屯馬綫(一期)上行止於啟德。希望你睇清大局先 ...

咁借問全線開通之後，繁忙時間班次會幾多分鐘一班?

你都識講疫情，依家有部份人WFH，客量少咗都排滿曬個排隊位置。第日疫情完咗，客量多返，全條東西線通埋，往烏溪沙列車去到鑽石山時就唔會好似依家咁空車任上，亦都會多咗由屯門方向各站去鑽石山轉車既人，到時個月台只會更多人，個馬鐵果邊個月台真係應付到個客流量?

人地地鐵果邊個月台早幾廿年起都可以預到咁闊，一個新起既月台竟然起到咁窄，仲係疫情期間排滿人，設計係咪有D反智呢?

作者: HV9990 時間: 2021-1-26 01:17
吞併後党鐵應該改過晒啲設計
詳細睇下tony大大會唔會講

作者: KTL-A137 時間: 2021-1-26 07:29
黨果邊嘅DIH只係修正早期系統規劃係同層轉車站先有咁闊

作者: teddybus 時間: 2021-1-26 09:13

Jacob 發表於 2021-1-25 22:57
咁借問全線開通之後，繁忙時間班次會幾多分鐘一班?

你都識講疫情，依家有部份人WFH，客量少咗都排滿曬個 ...

全通後仲有何文田，紅磡，尖東
唔一定要迫係鑽石山轉

作者: dogdog002 時間: 2021-1-26 12:25

teddybus 發表於 2021-1-26 09:13
全通後仲有何文田，紅磡，尖東
唔一定要迫係鑽石山轉

-.- 而家係得鑽石山轉既都係九龍東港島東返馬鞍山客全通之後呢兩班客點會去咗紅磡何文田轉車

全通之後九龍城去鑽石山轉車就會更多人
月台只會更加混亂

作者: letter_li 時間: 2021-1-26 12:26
我覺得係扶手電梯太長, 個個都只係企右手邊, 左手邊好少人, 令到人流疏導很慢.

作者: AVBWU291 時間: 2021-1-26 14:23
試車行緊2.5分鐘一班，紅磡波口拆咗，加埋車後，最密2分班

作者: dogdog002 時間: 2021-1-26 15:43

letter_li 發表於 2021-1-26 12:26
我覺得係扶手電梯太長, 個個都只係企右手邊, 左手邊好少人, 令到人流疏導很慢. ...

唯一好處設計係有兩條扶手電梯向上

好多仆街係臨尾由左邊想塞去右邊企

結果塞死埋左邊

其實不如叫黃色人每次一有車埋站就搭扶手電梯企左手邊

強逼兩邊都係企

作者: HU6455 時間: 2021-1-26 15:53

Justshamxx 發表於 2021-1-25 19:35
第一，疫情關係班次較疏；第二，屯馬綫尚未全綫通車，現時屯馬綫(一期)上行止於啟德。希望你睇清大局先 ...

不如你睇清大局先,點解屯馬綫全通後呢班人就吾駛轉車?

作者: kei_hk 時間: 2021-1-26 16:00
本帖最後由 kei_hk 於 2021-1-26 16:02 編輯

dogdog002 發表於 2021-1-26 15:43
唯一好處設計係有兩條扶手電梯向上

好多仆街係臨尾由左邊想塞去右邊企
其實不如叫黃色人每次一有車埋站就搭扶手電梯企左手邊

強逼兩邊都係企

N年前﹐為左有效處理人流﹐教育大家一邊企一邊行。

但係現今已經改變了﹐以安全為首﹐叫大家企定定唔好行。

所以﹐派人在扶手梯入口不停叫人企晒2邊唔好行﹐絕對係應該的。
仲要係所有車站都要做﹐不停播洗腦宣傳聲帶。

務求一兩年內改變番過去在扶手梯行走的錯誤做法﹐提升安全。

http://www.mtr.com.hk/ch/custome ... and-stand-firm.html

作者: Justshamxx 時間: 2021-1-26 16:08

HU6455 發表於 2021-1-26 15:53
不如你睇清大局先,點解屯馬綫全通後呢班人就吾駛轉車?

我唔係話「屯馬綫全通後呢班人就唔使轉車」，我嘅意思係：屯馬綫全面通車後，啟德站前往觀塘綫除咗可以喺鑽石山站轉車，仲可以喺何文田站轉車。而家你嫌鑽石山站嘅屯馬綫月台唔夠闊嘅？到屯馬綫全面通車之後，如果都係咁窄嘅話，我先至算佢設計失誤。

作者: kei_hk 時間: 2021-1-26 16:19

HU6455 發表於 2021-1-26 15:53
不如你睇清大局先,點解屯馬綫全通後呢班人就吾駛轉車?

我會這樣睇﹐全線通車係有助分流轉車乘客於其他車站轉車的。

但有幾多客會改用其他車站轉車﹐就先要睇未開通一段的行車所需時間及乘客的目的地而定。
去南九龍的乘客﹐係應該分流到的。

舉個例 :

馬鞍山區去太子至油麻地
現時有2種方法﹐分別係大圍及九龍塘轉車﹐又或者鑽石山轉車。
日後﹐會再多一個方法﹐就係一車去到何文田才轉車。(繁忙時間﹐這個方法應該係最易上車的)

如果係去尖沙咀﹐更加可以直接去到尖東﹐連車都不用轉。

去佐敦﹐可以何文田站轉車﹐亦可尖沙咀/尖東轉車。

作者: s3n370 時間: 2021-1-26 17:48
本帖最後由 s3n370 於 2021-1-26 17:56 編輯

dogdog002 發表於 2021-1-26 12:25
-.- 而家係得鑽石山轉既都係九龍東港島東返馬鞍山客全通之後呢兩班客點會去咗紅磡何文田轉車

全通之後九 ...

到過海段通埋，部份港島出發嘅客可以改經金鐘+紅磡/大圍。

作者: jpoon 時間: 2021-1-26 17:52
本帖最後由 jpoon 於 2021-1-26 17:56 編輯

Justshamxx 發表於 2021-1-26 16:08
我唔係話「屯馬綫全通後呢班人就唔使轉車」，我嘅意思係：屯馬綫全面通車後，啟德站前往觀塘綫除咗可以喺 ...

何文田站轉觀塘綫，得樓梯、一條下行扶手梯（落轉車層，之後再轉），同埋一部升降機（係兩部但去唔同方向）咋喎，同埋唔好指望升降機啦，因為設計失誤而家何文田站大堂升降機長期爆，轉車其實唔係咁方便咋喎

作者: jpoon 時間: 2021-1-26 18:00

teddybus 發表於 2021-1-26 09:13
全通後仲有何文田，紅磡，尖東
唔一定要迫係鑽石山轉

何文田站月台好似都唔闊，同埋屯馬轉觀塘綫仲煩（見上一篇）

作者: miklcct 時間: 2021-1-26 18:30

kei_hk 發表於 2021-1-26 16:00
N年前﹐為左有效處理人流﹐教育大家一邊企一邊行。

但係現今已經改變了﹐以安全為首﹐叫大家企定定唔好行 ...

咁唔該每個站加多幾條樓梯，俾有需要嘅人去跑。

作者: leo_ku 時間: 2021-1-26 18:40
提示: 作者被禁止或刪除內容自動屏蔽

作者: teddybus 時間: 2021-1-26 18:52

jpoon 發表於 2021-1-26 18:00
何文田站月台好似都唔闊，同埋屯馬轉觀塘綫仲煩（見上一篇）

何文田站落兩層
鑽石山站上一層再落一層
其實齋轉車計相差不遠

作者: jpoon 時間: 2021-1-26 21:35
本帖最後由 jpoon 於 2021-1-26 21:41 編輯

leo_ku 發表於 2021-1-26 18:40
落兩層好難為你咩？

邊度睇到兩層?屯馬月台同轉車大堂差兩層，同埋扶手梯只在第5-6卡左右，如果你響第1卡，就要行一段路
落到轉車大堂又唔係同一位置，仲要行一段路搭扶手梯，除非你行扶手梯旁邊樓梯落觀塘綫月台
利申: 成日搭

作者: jpoon 時間: 2021-1-26 21:36

teddybus 發表於 2021-1-26 18:52
何文田站落兩層
鑽石山站上一層再落一層
其實齋轉車計相差不遠

講多次
屯馬綫係L4
觀塘綫係L7
不過鑽石山站都係上兩層再落一層
但鑽石山站扶手梯都多好多

作者: teddybus 時間: 2021-1-26 21:39
本帖最後由 teddybus 於 2021-1-26 21:41 編輯

jpoon 發表於 2021-1-26 21:36
講多次
屯馬綫係L4
觀塘綫係L7

唔使講咁多次
只係L5搭扶梯會飛過，所以唔多覺眼

作者: Jacob 時間: 2021-1-26 22:03

dogdog002 發表於 2021-1-26 12:25
-.- 而家係得鑽石山轉既都係九龍東港島東返馬鞍山客全通之後呢兩班客點會去咗紅磡何文田轉車

全通之後九 ...

依家日日塞爆觀塘老X，加上觀塘海皮不停重建，預期只會越來越多人係鑽石山轉車，東九龍通勤班人根本唔會用到何文田果邊轉。

就算東區轉東鐵班人會轉去金鍾轉車，但對馬鐵班人都無so，馬鐵班人都係會用鑽石山轉。

我唔多覺得全線開通會對鑽石山人流會有咩減少，反而會越來越多人用。

作者: Jacob 時間: 2021-1-26 22:13

KTL-A137 發表於 2021-1-26 07:29
黨果邊嘅DIH只係修正早期系統規劃係同層轉車站先有咁闊

但你對比下鑽石山站地鐵果邊同馬鐵果邊，你就知馬鐵果邊有幾弱智，你再對比下荃灣線中環個月台都無咁窄。

我估第日月台人潮散唔切，應該會封梯，之後轉車隧道會好似過關咁排長龍。

作者: Jacob 時間: 2021-1-26 22:19
黨鐵果邊咁闊，係咪當年預黎同層轉車?

https://hkrailway.org/chi/mtrtrip.html

作者: teddybus 時間: 2021-1-27 00:29

Jacob 發表於 2021-1-26 22:03
依家日日塞爆觀塘老X，加上觀塘海皮不停重建，預期只會越來越多人係鑽石山轉車，東九龍通勤班人根本唔會 ...

東九龍去馬鞍山就梗係唔會去何文田轉
可以九龍塘轉東鐵到大圍再轉嘛
如果你真係咁驚青的話
不過講真而家都未全通
到時通左車全世界堅持繼續迫鑽石山先算啦！

作者: teddybus 時間: 2021-1-27 00:33

Jacob 發表於 2021-1-26 22:13
但你對比下鑽石山站地鐵果邊同馬鐵果邊，你就知馬鐵果邊有幾弱智，你再對比下荃灣線中環個月台都無咁窄。 ...

「荃灣線中環個月台都無咁窄」你肯定？
中環站荃灣線月台中間只容納到一條扶梯
鑽石山站屯馬月台中間起碼容納到兩條扶梯並排啦！

作者: DIH 時間: 2021-1-27 13:07

Jacob 發表於 2021-1-25 22:57
咁借問全線開通之後，繁忙時間班次會幾多分鐘一班?

你都識講疫情，依家有部份人WFH，客量少咗都排滿曬個 ...

其實就係早起先可以闊，上面得堆木屋任佢舞。

屯馬線月台起得窄，可能係想盡量騰空南面土地起樓。

由衛星圖可以睇到而家個站體幾乎貼住龍翔道，只有東端因要轉彎及遷就B出口而移入少少，成個站都係想盡量不佔太多空間。

作者: jpoon 時間: 2021-1-27 13:41

DIH 發表於 2021-1-27 13:07
其實就係早起先可以闊，上面得堆木屋任佢舞。

屯馬線月台起得窄，可能係想盡量騰空南面土地起樓。

屯馬綫月台係將三條扶手電梯放埋一齊，所以先搞到咁窄
如果好似觀塘綫果邊咁放，應該冇咁窄

作者: 英雄 時間: 2021-1-28 08:41
提示: 作者被禁止或刪除內容自動屏蔽

作者: 053h4 時間: 2021-1-28 09:21
提示: 作者被禁止或刪除內容自動屏蔽

作者: teddybus 時間: 2021-1-28 10:51

英雄發表於 2021-1-28 08:41
月台設計有問題，咁都唔係黨鐵問題？仲要乘客去第度轉車遷就？睇黎你好適合去政府做野
...

我有話係遷就咩？
睇黎適合去政府做野嗰個係你喎

作者: ky26042008 時間: 2021-1-28 13:13

HV9990 發表於 2021-1-26 01:17
吞併後党鐵應該改過晒啲設計
詳細睇下tony大大會唔會講

吞併前鑽石山站的確係類似而家嘅非跨月台轉乘設計黎（因為党鐵不忿沙中線判咗比九鐵（原本沙中線嘅前身係地鐵東九龍線），拒絕同九鐵合作商討轉車安排，以此威脅政府，日後亦成為兩鐵合併其中一條導火線）

之於吞併後党鐵理應係有責任修改沙中線各轉車站嘅設計黎方便乘客轉車，呢個亦係兩鐵合併其中一個目標黎

至於點解吞併之後仍然係採用唔方便轉車嘅設計，呢點問題上党鐵係責無旁貸（當然兩鐵問題已經過咗去十幾年，生米已經煮成熟飯，而家党鐵咁樣做你亦係吹佢唔脹嘅

）

九鐵：我已經連條線都送埋比你，你重要賴我設計唔好

作者: leo_ku 時間: 2021-1-29 22:37
提示: 作者被禁止或刪除內容自動屏蔽

作者: Ricky403 時間: 2021-1-30 14:48

ky26042008 發表於 2021-1-28 13:13
吞併前鑽石山站的確係類似而家嘅非跨月台轉乘設計黎（因為党鐵不忿沙中線判咗比九鐵（原本沙中線嘅前身係 ...

之前消息人士已經講過好清楚，唔做同層轉乘係因為要掘開龍翔道

當時龍翔道用量已經唔允許你咁做

作者: ky26042008 時間: 2021-1-30 21:07

Ricky403 發表於 2021-1-30 14:48
之前消息人士已經講過好清楚，唔做同層轉乘係因為要掘開龍翔道
當時龍翔道用量已經唔允許你咁做 ...

咁當年就唔好話兩鐵合併比党鐵起沙中線可以達致更好轉車安排啦，事實上呑併後直至現在冇一個新建車站係可以做到前地鐵同前九鐵路線跨月台轉乘，唯一一個類似案例係南昌站，不過係兩鐵分治時期落成嘅，合併後党鐵只係係牆上面開咗幾個窿

另外党鐵有心做係可以利用前大磡村土地做改道，甚至鋪鋼板行車，當年彌敦道有心一樣可以成條剷起，党鐵話掘唔開龍翔道只係佢唔想做嘅藉口

作者: groom1002 時間: 2021-1-31 22:06

ky26042008 發表於 2021-1-28 13:13
吞併前鑽石山站的確係類似而家嘅非跨月台轉乘設計黎（因為党鐵不忿沙中線判咗比九鐵（原本沙中線嘅前身係 ...

原本鑽石山站採用西班牙式轉車月台,代價要在繁忙的龍翔道掘開路面興建地底月台,嚴重影響交通,最後改為在大磡村空地建站

作者: Ricky403 時間: 2021-1-31 23:14

ky26042008 發表於 2021-1-30 21:07
咁當年就唔好話兩鐵合併比党鐵起沙中線可以達致更好轉車安排啦，事實上呑併後直至現在冇一個新建車站係可 ...

彌敦道同龍翔道簡直係蚊同牛比

當年喺彌敦道地底扭麻花，係要改哂堆車行其他路，九龍半島南北向道路多，隔離足足四條路先分流到
龍翔道咁搞？鳳德道彩虹道都唔見得夠食，繁時肯定塞死，當區居民肯唔肯先

沙中線只係藉口之一，九鐵當年都畀人話獨立王國，仲有MLR裂痕、千九著火呢？

作者: ky26042008 時間: 2021-2-1 00:24

Ricky403 發表於 2021-1-31 23:14
彌敦道同龍翔道簡直係蚊同牛比
當年喺彌敦道地底扭麻花，係要改哂堆車行其他路，九龍半島南北向道路多 ...

https://youtu.be/zSASDCYHrLI

片中6:15秒提到「係彌敦道地底起車站，為咗減少影響路面交通，要用重型鋼板比車輛通過」

表明當年興建修正早期系統已經有能力係維持路面交通情況下係地底同時施工，彌敦道兩邊地底都係大廈地基，施工空間比龍翔道更為狹窄，相信難度唔會比掘開龍翔道低

另外九鐵獨立王國，MLR裂紋，點都唔會衰過党鐵多次出軌，列車相撞掛，最少我未聽過兩鐵年代有試過兩列列車係正線相撞

作者: dennis28a 時間: 2021-2-1 02:27
本帖最後由 dennis28a 於 2021-2-1 03:03 編輯

ky26042008 發表於 2021-1-30 21:07
咁當年就唔好話兩鐵合併比党鐵起沙中線可以達致更好轉車安排啦，事實上呑併後直至現在冇一個新建車站係可 ...

鑽石山站要用跨月台轉乘，獅子山隧道起獨立隧道，
後黎因為沙中線工程而大幅超支，加上因為地質問題因而改用一條共用管道去起獅子山隧道，被迫放棄。

https://www.vjmedia.com.hk/articles/2015/02/22/100383
https://www.arup.com/projects/shatin-to-central-link

作者: dennis28a 時間: 2021-2-1 02:42
本帖最後由 dennis28a 於 2021-2-1 02:47 編輯

Ricky403 發表於 2021-1-30 14:48
之前消息人士已經講過好清楚，唔做同層轉乘係因為要掘開龍翔道
當時龍翔道用量已經唔允許你咁做 ...

挖開龍翔道事少，另一個原因係要慳錢換工期縮短，
雖然依點係後話，似終觀塘綫改道工程比較複雜。

作者: ky26042008 時間: 2021-2-1 04:07

dennis28a 發表於 2021-2-1 02:42
挖開龍翔道事少，另一個原因係要慳錢換工期縮短，
雖然依點係後話，似終觀塘綫改道工程比較複雜。

千億高鐵就貴貴都起，沙中線就左慳右慳，犧牲乘客利益都在所不計，版友貼果篇輔仁媒體嘅文都有寫

「關於鑽石山站放棄對面月台轉車，港鐵公司的官方說法指，工程期間龍翔道若須改道會構成不便，新綫也會延遲 *一年* 落成（作者按：那麼往後幾十年的乘客利益又如何計算 ? 天曉得！）」

不過沙中線超標亦反映党鐵行政嚴重失當，監管不力，尤其是近年嘅党鐵項目超支已是常識，甩轆亦係日常茶飯事，紅磡站結構問題更成為國際笑話

反觀當年兩鐵（不論地鐵或九鐵）工程質素同成本控制都比而家好得多，西鐵甚至係比預計用少咗接近200億，已經計埋西門子甩轆等一系列事件（預估造價650億，實際造價464億），反映吞併過後，好處得唔到，壞處就一蘿蘿

作者: teddybus 時間: 2021-2-1 05:50

ky26042008 發表於 2021-2-1 04:07
千億高鐵就貴貴都起，沙中線就左慳右慳，犧牲乘客利益都在所不計，版友貼果篇輔仁媒體嘅文都有寫

「關於 ...

「那麼往後幾十年的乘客利益又如何計算 ? 天曉得！」
其實又有咩大不了？講到好似冇咗對面月台轉車啲客就唔識搭車咁，而家佢哋咪又係咁搭

作者: leo_ku 時間: 2021-2-1 08:08
提示: 作者被禁止或刪除內容自動屏蔽

作者: leo_ku 時間: 2021-2-1 08:55
提示: 作者被禁止或刪除內容自動屏蔽

作者: clivetock 時間: 2021-2-1 09:05

leo_ku 發表於 2021-2-1 08:55
仲有班離地鐵迷話要南昌站調轉行車方向，話要對調西鐵行車方向，變成往紅磡方向對住東涌線香港方向。 ...

做到嘅話西北出嚟行過對面就可以轉車過到海，有咩問題？

作者: teddybus 時間: 2021-2-1 09:16

leo_ku 發表於 2021-2-1 08:55
仲有班離地鐵迷話要南昌站調轉行車方向，話要對調西鐵行車方向，變成往紅磡方向對住東涌線香港方向。 ...

咁做到又的確方便乘客嘅
但就算做唔到咪又係經大堂轉車
有咩咁大問題？

作者: leo_ku 時間: 2021-2-1 09:32
提示: 作者被禁止或刪除內容自動屏蔽

作者: leo_ku 時間: 2021-2-1 09:34
提示: 作者被禁止或刪除內容自動屏蔽

作者: kei_hk 時間: 2021-2-1 10:08

dennis28a 發表於 2021-2-1 02:42
挖開龍翔道事少，另一個原因係要慳錢換工期縮短，
雖然依點係後話，似終觀塘綫改道工程比較複雜。

大幅攪龍翔道真係好大問題﹐佢係成個東九龍交通命脈之一。
稍有不暢順﹐影響範圍可以好大。

用彌敦道相比﹐真係先比較車流自好做比較。

而且在研究鑽石山轉車安排時﹐仲有一件會嚴重影響交通流量的事﹐係同期進行研究動工﹐就係獅隧大修。

當然﹐因為沙中線正式動工﹐獅隧亦唔係迫切到一定要盡早開工。
於是就等沙中線(屯馬線)開通後﹐路面交通壓力減少後﹐多一個途徑進出沙田/東九後﹐才開始獅隧工程。

作者: siupy 時間: 2021-2-1 22:15

jpoon 發表於 2021-1-26 17:52
何文田站轉觀塘綫，得樓梯、一條下行扶手梯（落轉車層，之後再轉），同埋一部升降機（係兩部但去唔同方向 ...

何文田站最低能係B出口入站去油麻地
要搭四次扶手電梯落都算
我當深度問題

但要行到A出口果邊先有扶手電梯落
明明B出口果面有上，又無設計落
升降機又得一部咁大把

作者: Jacob 時間: 2021-2-2 02:53
本帖最後由 Jacob 於 2021-2-2 02:54 編輯

就算唔講同月台轉乘，挖唔挖龍翔道既問題，淨係個月台塞完3條電梯，搞到好多地方連行都行唔到，已經係世界級設計啦！

依家未通曬都叫做可以兜去啟德果邊行，第日如果往屯門方向都多人等車，又係咪可以咁易行到去所謂較為鬆動既位置等車呢？

前幾頁叫人返去九龍塘轉果位真係慧眼獨到，黎緊東鐵12轉9，仲要過埋海，你唔係諗住九龍塘個情況會好過依家呀？

依家好似講到目前咁起，工程期間龍翔道無改動改減速咁。

你大磡邨果度咁大幅地，成條龍翔道屈入去行50都得啦，反正依家工程有一般都係行50。你呢段龍翔道唔塞，唔通落到去彩虹天橋果度唔塞咩? 呢段行70定50會有好大影響? 命脈命脈！如果改到道都係行返3線就無問題啦，又唔係成條封咗。

粉嶺公路擴闊，都係好大工程，又要起臨時橋又盛，粉嶺公路都係北區命脈黎架，咪又係塞果幾年，以後快足幾十年。

話用多2-3mins唔係好多果個仲搞笑，你工程搞幾年，無錯都係會令道路使用者用多咗時間，但呢個時間係有限同盡頭既。而每位乘客用多2-3mins去轉乘，呢個用多咗既時間係無上限同無盡頭既，直至黨鐵俾人拆果日為止。每個乘客都要因為黨鐵度縮既設計而浪費多2-3mins去轉車，借問各位專家，邊條數大D？

一切都只係錢既問題，無比短視！

作者: HV9990 時間: 2021-2-2 03:03
成個沙中線工程呢度慳啲嗰度又慳啲，但係到頭來工期都係嘔凸+超支
政府一心諗住賣甩九鐵，點知結果而家仲衰過以前
證明香港班官既管治視野

作者: teddybus 時間: 2021-2-2 08:17

Jacob 發表於 2021-2-2 02:53
就算唔講同月台轉乘，挖唔挖龍翔道既問題，淨係個月台塞完3條電梯，搞到好多地方連行都行唔到，已經係世界 ...

我見到個月台仲有好多位行喎
畀你擹住瞓埋都得呀！

作者: tonyng 時間: 2021-4-5 16:13
現時的屯馬綫鑽石山站當然係龜鐵公司設計，九鐵版本冇咁多窄位：

作者: Kelvin15190 時間: 2021-4-5 20:31

tonyng 發表於 2021-4-5 16:13
現時的屯馬綫鑽石山站當然係龜鐵公司設計，九鐵版本冇咁多窄位：

當然啦，KCR的車站重視設計，西鐵的大車站就是最好的例子，反觀黨鐵更重視賺錢和壓縮成本。

作者: Kingston_Kwan 時間: 2021-4-5 22:29
想加快流量係應該起多幾條窄樓梯, 成本低, 施工快, D客一出列車見到快速離開月台既方法就會用, 唔會花心神去搵電梯。

作者: ryandroid 時間: 2021-4-5 23:17

Kingston_Kwan 發表於 2021-4-5 22:29
想加快流量係應該起多幾條窄樓梯, 成本低, 施工快, D客一出列車見到快速離開月台既方法就會用, 唔會花心神 ...

無計啦
龜鐵起到個月台咁深
佢寧願起多幾條電梯

作者: jpoon 時間: 2021-4-6 01:45

Kingston_Kwan 發表於 2021-4-5 22:29
想加快流量係應該起多幾條窄樓梯, 成本低, 施工快, D客一出列車見到快速離開月台既方法就會用, 唔會花心神 ...

咪好似何文田站咁囉
B出口果邊入口唔係樓梯就升降機，一係就行去A出口果邊先有扶手梯落去，結果好多人寧願等升降機

作者: crea 時間: 2021-4-6 02:51

jpoon 發表於 2021-4-6 01:45
咪好似何文田站咁囉
B出口果邊入口唔係樓梯就升降機，一係就行去A出口果邊先有扶手梯落去，結果好多人寧願 ...

B2出口上山落山用升降機點都會快一點，同簡單點吧
就算起扶手梯, 落去都肯定要落幾轉

A1出口之後仲會加兩條扶手電梯上去上蓋物業

作者: jpoon 時間: 2021-4-6 05:54

crea 發表於 2021-4-6 02:51
B2出口上山落山用升降機點都會快一點，同簡單點吧
就算起扶手梯, 落去都肯定要落幾轉

咩上山落山
我講緊B出口果邊落月台喎

作者: 直角=1507 時間: 2021-4-6 09:34
提示: 作者被禁止或刪除內容自動屏蔽

作者: Edwardjyu 時間: 2021-4-6 10:25

dogdog002 發表於 2021-1-26 15:43
唯一好處設計係有兩條扶手電梯向上

好多仆街係臨尾由左邊想塞去右邊企

其實好應該提倡兩邊都企，人多嘅時候企兩邊係快過左行右立...

作者: letter_li 時間: 2021-4-6 17:00
到現時仍然是每條扶手電梯個個都企右邊, 幾乎沒有人行左邊, 所以人流疏導特別慢.

作者: HU6455 時間: 2021-4-6 23:21

kei_hk 發表於 2021-2-1 10:08
大幅攪龍翔道真係好大問題﹐佢係成個東九龍交通命脈之一。
稍有不暢順﹐影響範圍可以好大。

其實唔講遠, 當年起機鐵, 咪又係反轉中環~
當年香港人會係忍一時唔方便而換來長途既方便, 依家香港人就係為左眼前既方便而放棄長途既方便

作者: hokachung 時間: 2021-4-7 21:34

HU6455 發表於 2021-4-6 23:21
其實唔講遠, 當年起機鐵, 咪又係反轉中環~
當年香港人會係忍一時唔方便而換來長途既方便, 依家香港人就 ...

當年起機鐵係反轉咗荔景至真

作者: DIH 時間: 2021-4-8 11:08

HU6455 發表於 2021-4-6 23:21
其實唔講遠, 當年起機鐵, 咪又係反轉中環~
當年香港人會係忍一時唔方便而換來長途既方便, 依家香港人就 ...

唔係「香港人」忍唔忍，而係間公司做唔做。

龍翔道改道幾年換來方便轉乘，我唔介意架喎。

作者: teddybus 時間: 2021-4-9 04:52

jpoon 發表於 2021-4-6 05:54
咩上山落山
我講緊B出口果邊落月台喎

應該係人流控制
引所有大堂落月台嘅人流去同一邊

作者: jpoon 時間: 2021-4-9 05:17

teddybus 發表於 2021-4-9 04:52
應該係人流控制
引所有大堂落月台嘅人流去同一邊

問題唔係只係大堂落月台，仲有屯馬綫落觀塘綫轉車客
得一條扶手電梯落轉車層，真係好鬼短視

作者: teddybus 時間: 2021-4-9 06:40

jpoon 發表於 2021-4-9 05:17
問題唔係只係大堂落月台，仲有屯馬綫落觀塘綫轉車客
得一條扶手電梯落轉車層，真係好鬼短視

應該係地型問題

作者: jpoon 時間: 2021-4-9 12:55

teddybus 發表於 2021-4-9 06:40
應該係地型問題

我覺得唔關事，因為佢可以起較剪梯

作者: teddybus 時間: 2021-4-9 16:10

jpoon 發表於 2021-4-9 12:55
我覺得唔關事，因為佢可以起較剪梯

咁加埋地勢問題

作者: jpoon 時間: 2021-4-10 00:44
本帖最後由 jpoon 於 2021-4-10 01:17 編輯

teddybus 發表於 2021-4-9 16:10
咁加埋地勢問題

其實你知唔知自己講緊乜
定係你冇去過何文田站

何文田站係成個車站響山邊挖出嚟，又關咩地勢問題事？

屯馬綫月台落轉車層咁多空間，起幾條較剪梯唔會冇位吧

就算係鰂魚涌站，港島綫同將軍澳綫之間都有三組扶手電梯啦

作者: Toz 時間: 2021-4-10 02:30

HU6455 發表於 2021-4-6 23:21
其實唔講遠, 當年起機鐵, 咪又係反轉中環~
當年香港人會係忍一時唔方便而換來長途既方便, 依家香港人就 ...

成個香港站都係填海區起，充其量都只係起一條隧道去中環站，對德輔道中已經係零影響, 點樣反轉法? 反轉IFC地盤?

作者: teddybus 時間: 2021-4-10 08:22

jpoon 發表於 2021-4-10 00:44
其實你知唔知自己講緊乜
定係你冇去過何文田站

我成日去嗰度會唔清楚得過你？
屯馬線同轉車層呈十字型
交匯點注定係得中間位置
仲要屯馬線係島式月台
即係連向兩邊掘位擺多幾組扶手電梯都冇機會
同鰂魚涌站完全兩回事

作者: ryandroid 時間: 2021-4-10 18:36

jpoon 發表於 2021-4-10 00:44
其實你知唔知自己講緊乜
定係你冇去過何文田站

何文田成個地盤任佢起
都設計到車站大堂個入閘區又細又三尖八角
其實睇何文田站成個設計
就估計係錢問題
依家L7 去L6 有成6 條電梯、8條樓梯
L6去L4就3條電梯、2條樓梯
L4 去L2就4條電梯、3 條樓梯

類似側式月台嘅例子
奧運站得4 條電梯、4條樓梯
葵興站得4 條電梯、2條樓梯
而政府同龜鐵估算何文田站沙中綫同觀塘綫乘客比例係3:1
但何文田站L7觀塘綫月台竟然有咁多樓梯同電梯去L6
L2>L4比L4>L6只多一條電梯係俾沙中綫客上落車站大堂專用
兩個月台嘅電梯樓梯嘅比例就已經非常古怪

如果唔係設計有問題
就係話俾人聽何文田站嘅客量
其實三、四條電梯加2 條樓梯就足以應付到何文田站兩條綫嘅客加轉車客
L6去L7多咗嘅3條電梯、6 條樓梯基本上係多餘
反正何文田站有政府會夾大部分嘅錢

沙中綫通車後就會知道L2 去L4 啲電梯夠唔夠用
會係L6去L4 迫爆嗰3條電梯定係L7 去L6 啲
啲地形/地勢磚家講嘅嘢就不用同佢認真了

作者: jpoon 時間: 2021-4-11 01:04

teddybus 發表於 2021-4-10 08:22
我成日去嗰度會唔清楚得過你？
屯馬線同轉車層呈十字型
交匯點注定係得中間位置

仲話成日去
個轉車層係十字型，又點會起唔到呀磚家
根本成個站係挖出嚟，港鐵想點起都得，話咩地勢地型問題真係笑大人個口

作者: teddybus 時間: 2021-4-11 06:37
本帖最後由 teddybus 於 2021-4-11 06:39 編輯

jpoon 發表於 2021-4-11 01:04
仲話成日去
個轉車層係十字型，又點會起唔到呀磚家
根本成個站係挖出嚟，港鐵想點起都得，話咩地勢地型問 ...

磚家話起到就起到啦，唔起都係錢問題者，吖唔係，一定係公司問題！公司唔起就係原罪！哈哈哈！

作者: AlexLee 時間: 2021-4-11 10:19

teddybus 發表於 2021-4-11 06:37
磚家話起到就起到啦，唔起都係錢問題者，吖唔係，一定係公司問題！公司唔起就係原罪！哈哈哈！
...

咁成個站都係新起
規劃時已經係兩綫轉車站
唔係鰂魚涌嗰種後期加建出嚟

更可況何文田站係有轉車大堂
你都話個轉車大堂係十字型
咁相交嘅地方就肯定唔止兩綫相交點

其實只要將轉車大堂同TML平行嗰度起長啲
就已經可以解決問題

作者: 天空之神 時間: 2021-4-11 10:29

teddybus 發表於 2021-4-11 06:37
磚家話起到就起到啦，唔起都係錢問題者，吖唔係，一定係公司問題！公司唔起就係原罪！哈哈哈！
...

一係好似九龍塘咁起，十幾廿年後既新隧道

作者: teddybus 時間: 2021-4-11 12:29

AlexLee 發表於 2021-4-11 10:19
咁成個站都係新起
規劃時已經係兩綫轉車站
唔係鰂魚涌嗰種後期加建出嚟

你寫個十字，一橫一直咪得一個交匯點
不過你有啲道理嘅係轉車大堂可以向屯馬線下面發展
至於點解唔繼續掘，我就覺得有機會係地勢問題
但有人覺得唔係，咪隨便佢地囉！

作者: ryandroid 時間: 2021-4-11 13:15

AlexLee 發表於 2021-4-11 10:19
咁成個站都係新起
規劃時已經係兩綫轉車站
唔係鰂魚涌嗰種後期加建出嚟

起樓就話要跟據地勢起啫
轉車大堂同月台都喺哂地底都話係地勢問題
我唔係磚家真係唔識地底入面有咩地勢
如果轉車大堂東北/西南向有地勢問題
沙中綫/屯馬綫月台喺正上層就冇地勢問題？
磚家或者有驚人發現都唔定

作者: AlexLee 時間: 2021-4-11 14:28

teddybus 發表於 2021-4-11 12:29
你寫個十字，一橫一直咪得一個交匯點
不過你有啲道理嘅係轉車大堂可以向屯馬線下面發展
至於點解唔繼續掘 ...

下？

兩線交叉
中間無轉車大堂就梗係得一個相交點

宜家成層轉車大堂喺度
其實要做嘅話一定可以用埋屯馬綫大堂下嘅空間
咁咪唔止得一個相交點...

作者: jpoon 時間: 2021-4-11 14:33
本帖最後由 jpoon 於 2021-4-11 14:36 編輯

AlexLee 發表於 2021-4-11 10:19
咁成個站都係新起
規劃時已經係兩綫轉車站
唔係鰂魚涌嗰種後期加建出嚟

咪係囉，都唔知條友做乜，下下幫住港鐵講嘢，又賴地形(型)地勢問題，仲話成日用何文田站

作者: timewater 時間: 2021-4-12 16:29
其實港鐵可唔可以再用返「太子-旺角-油麻地」既形式起轉乘站?
過對面轉車真係方便好多

新紅磡站、鑽石山站、何文田站真係失敗設計
鑽石山站封龍翔道3年都唔肯? 同埋設計師有無真係諗過便民既設計? 因為一個車站閒閒地用幾十年, 咁短視係唔得!

作者: kei_hk 時間: 2021-4-12 16:42

timewater 發表於 2021-4-12 16:29
其實港鐵可唔可以再用返「太子-旺角-油麻地」既形式起轉乘站?
過對面轉車真係方便好多

何文田2條線走向問題﹐應該做唔到。

紅磡站就過海隧道的水平問題﹐令到東鐵線要在下層月台﹐避免斜度太斜。

這2個這有客觀的技術因素。

鑽石山站就.......

當時計劃起沙中線時﹐仲要撞正獅隧計劃大修﹐全封其中一條管道﹐2者開工時間相約。
結果連政府都怕路面交通大混亂﹐足以塞死成個東九﹐都多想封龍翔道去攪﹐所以就用大磡村塊地起新站。

當然﹐最終就係落實沙中線工程後﹐政府亦都推遲獅隧大修。
都唔知政府係唔係有心加料﹐增加封龍翔道的不利因素﹐令到MTR可以大大聲講交通流量問題﹐唔做跨月台轉乘。

註 : 其實我都有懷疑﹐做跨月台轉乘﹐沙中線離站後﹐會唔會撞大老山隧道出口天橋柱位﹐影響走線。

作者: timewater 時間: 2021-4-12 17:46

AlexLee 發表於 2021-4-11 14:28
下？

兩線交叉

轉車大堂其實都幾唔方便,
又上又落...

當初設計係咪一定要用十字?
稍微調整鐵路走線真係咁難?

作者: 053h4 時間: 2021-4-12 21:10
提示: 作者被禁止或刪除內容自動屏蔽

作者: HV9990 時間: 2021-4-14 01:37

053h4 發表於 2021-4-12 21:10
其實鐵路設計來講, 好少話地勢問題, 而係線位問題

因為鐵路有最少曲經半徑同坡道限制, 車站尚且算唔難就位 ...

何文田站未起之前就係一大片爛地嚟
成笪爛地俾你起站請問有咩難得過你講嗰啲西港島線、荃灣線？
簡單嚟講咪又係錢既問題囉

作者: jpoon 時間: 2021-4-14 02:29
本帖最後由 jpoon 於 2021-4-14 04:35 編輯

053h4 發表於 2021-4-12 21:10
其實鐵路設計來講, 好少話地勢問題, 而係線位問題

因為鐵路有最少曲經半徑同坡道限制, 車站尚且算唔難就位 ...

西九龍站上蓋唔係冇高樓喎，塊地賣咗畀新地，只係而家仲未起，而車站本身都預留支撐結構
講返何文田站，就算港鐵挖多咗，其實都唔駛自己畀晒錢，因為本身個站係政府埋單嘅，只係超支政府要佢封頂。
仲有就係佢既然都挖咗屯馬綫月台，咁屯馬綫月台上方照計都應該有大把位起多幾條扶手電梯連接大堂，偏偏佢只係起三條落一條上
P.S.果個扮磚家不停狙擊真係好鬼小學雞

作者: jpoon 時間: 2021-4-14 02:37
本帖最後由 jpoon 於 2021-4-14 02:41 編輯

timewater 發表於 2021-4-12 17:46
轉車大堂其實都幾唔方便,
又上又落...

點調整？拉觀塘綫去邊？屯馬綫另一邊要爬升到地面水平入紅磡站，再加埋不遠處東鐵綫要撳低入紅磡站，點樣避到？仲有某磚家聲稱地型地勢問題，屯馬綫下面起唔到嘢

來源: https://www.mtr-shatincentrallin ... ignment.html#tabs-4

作者: HU6455 時間: 2021-4-14 03:38

timewater 發表於 2021-4-12 17:46
轉車大堂其實都幾唔方便,
又上又落...

其實十字型轉車站，我認為設計最好系廣州既公園前站，設計到可以全部人流系單向

作者: HU6455 時間: 2021-4-14 03:49

053h4 發表於 2021-4-12 21:10
其實鐵路設計來講, 好少話地勢問題, 而係線位問題

因為鐵路有最少曲經半徑同坡道限制, 車站尚且算唔難就位 ...

但系現實就系龜記班工程佬，設計埋D用吾到既野出黎，龜記班高層又吾識野，下下收貨，結果到真系揾食真系要用果時就問題多多！

例如最新既有紅磡波口問題

作者: 053h4 時間: 2021-4-14 05:00
提示: 作者被禁止或刪除內容自動屏蔽

作者: 053h4 時間: 2021-4-14 12:20
提示: 作者被禁止或刪除內容自動屏蔽

作者: jpoon 時間: 2021-4-14 14:25

HU6455 發表於 2021-4-14 03:38
其實十字型轉車站，我認為設計最好系廣州既公園前站，設計到可以全部人流系單向 ...

開兩邊月台梗係正啦，但港鐵咁鬼孤寒，加上少做少錯，連市建局話肯出錢畀佢響觀塘站加月台都唔肯，更加唔駛講馬鐵加8卡後一條扶手電梯都冇加過

作者: HU6455 時間: 2021-4-14 20:37

jpoon 發表於 2021-4-14 14:25
開兩邊月台梗係正啦，但港鐵咁鬼孤寒，加上少做少錯，連市建局話肯出錢畀佢響觀塘站加月台都唔肯，更加唔 ...

唔講觀塘, 你睇下德福, 睇下牛頭角, 日日都係排電梯耐過等車~~~跟本呢間公司既學角度係, 做同唔做, 你地班人都係會黎搭, 既然係咁, 花咁多錢咁多人力物力已改建有咩意思, 反正你迫你既事, 有需要咪求奇點幾張貼紙放幾個人肉喇叭咪得到！！無油水抽既野工程, 做黎都晒氣！！

作者: HV9990 時間: 2021-4-15 00:53

053h4 發表於 2021-4-14 12:20
荃灣線其實唔難起, 因為係由零到一, 係彌敦道地底起車站, 又以明掘回填起車站, 而且葵芳站當時技術所限重 ...

呢個post本來係講緊個站體設計，你就拉咗去講走線乜都炒埋一碟
根本嗰位人兄一早都認咗個轉車大堂起大啲問題就解決

另外回埋佢啲小家評分：
九鐵啲站大而無當？好過嗰間同你一樣咁小家既党鐵啦
沙中線個個站都俾你玩cut cost，紅磡站時光倒流黃頭年代先上C出口先落到中層通道

作者: 053h4 時間: 2021-4-15 15:16
提示: 作者被禁止或刪除內容自動屏蔽

歡迎光臨 hkitalk.net 香港交通資訊網 (https://www.hkitalk.net/HKiTalk2/)