西貢區議員要求重組110、110A、13號小巴路線

ViviTse 發表於 2021-2-1 19:11
如果110A維持九龍灣商貿區直上繞道，咁未必無可能
（因為10M同102都叫觀塘游泳池、觀塘警署勉強有共同走 ...

馬生既然係打橫嚟嘅
大可以一句話111服務到景林你都吹佢唔漲

DEL

LH797 發表於 2021-1-30 14:33
大佬呀, 咁玩法13號仲慢咗
110喺九龍灣咁兜算係咩玩法
我寧願佢咁行仲好, 甚至將九龍灣全權交俾110A:

佢根本亂畫，無理過究竟堆線本身做緊咩客110/110A 根本見到幅地圖已經唔想搭，你亦無興趣睇佢點兜

13 又係九唔搭八，事實上佢真係做靈實客，講緊連康盛都唔會有人專登等佢，甚至經過都無人會上


同埋佢本身做靈實都夠生意，
就算真係咁想佢去塞隧道頂多咪靈康路出黎上隧道，點會兜上寶琳北路翠林落返山，然後做 italk 式寶順路停站坑口直出

連 13 咁唔關事都可以屈到變坑口直出，真係大開眼界

3ASV174 發表於 2021-2-2 10:06
佢根本亂畫，無理過究竟堆線本身做緊咩客110/110A 根本見到幅地圖已經唔想搭，你亦無興趣睇佢點兜

13 又 ...

13依家要幫34M 34S清客……飛唔走曉光街
回程更加飛唔走秀茂坪道，同17一樣有人寧願俾貴啲上秀茂坪，雖然好少人知13有4.6分段收費上秀茂坪

110不如經啟德 跟著太子道西>基提道>界限街咁行

tommy14D 發表於 2021-2-3 08:59
13依家要幫34M 34S清客……飛唔走曉光街
回程更加飛唔走秀茂坪道，同17一樣有人寧願俾貴啲上秀茂坪，雖然 ...

呢 d 全部都係執雞客無一個係專登等 13，真正會死等 13 來來去去咪得觀塘來往靈實既客，但呢個上完山又落山兜過半個將軍澳返去塞隧道既方案，佢想做乜先？

寶林係叫 13 執 10M 雞？明明同公司
坑口係打 102 102B？咪玩啦
翠林同 98A 打？又係慳o的啦

佢有無諗過 13 係有緣人班次？

3ASV174 發表於 2021-2-3 11:07
呢 d 全部都係執雞客無一個係專登等 13，真正會死等 13 來來去去咪得觀塘來往靈實既客，但呢個上完山又落 ...

跟依家米幾好

ricky 發表於 2021-1-31 17:53
其實110係唔係應該拉長去旺角或大角咀，唔而係兜埋觀塘？

搭過幾年110九龍段（窩打老道去九龍灣返工），聽得太多客呻，太多司機呻。唉，其實根本都知條線冇得做...
--條線司機太難做，循環線、塞將隧觀繞偉業街，繁時一轉起碼粒半鐘。請唔到人揸，班次越來越趕客，惡性循環。如再拉大角咀更一定要設雙邊總站。
--本身車疏東行又冇分段，市區大流水俾46食晒。
--揀咗開110A，即係全日更加有緣人班次。
--東行以前返工叫做有獅子石道獨市客倉，而家走晒去22。（起碼一定上到車，小巴有時會留後）

要生存，唯一方法可能係潮聯式經營，先達上滿16/19人做點對點，完全棄九龍城九龍灣（靠110A），將軍澳亦用最快方法集齊人上跑道，唔好再兜來兜去。不過其他持份者接唔接受，同埋要收到幾貴（旺秀都$11）就難講了。

pochi 發表於 2021-2-6 22:13
搭過幾年110九龍段（窩打老道去九龍灣返工），聽得太多客呻，太多司機呻。唉，其實根本都知條線冇得做... ...

最奇怪呢條線的班次係無得估，又唔似巴士有apps睇預測抵達時間，110有時唔入九展，喺度傻等都無車到。

pochi 發表於 2021-2-6 22:13
搭過幾年110九龍段（窩打老道去九龍灣返工），聽得太多客呻，太多司機呻。唉，其實根本都知條線冇得做... ...

無錯，講真110都真係幾難做，而家已經要同 296C,796C,296P,796E,22,46,觀塘綫＋megabox-shuttle 對撼，
遲吓仲多條屯馬綫、297轉296ACDP、797轉796CEPX/E22A......
本身已經一大堆競爭，所以客源唔穩定，再加上係循環線 所以一塞車就班次不穩，一單太長時間難請司機，
加上無ETA睇時間，客量就更差，於是更難回本，無可避免減班cut cost，於是更有緣人班次，惡性循環......

就算拉去旺角又好 大角咀又好，其實都只會同上面d alternatives重疊，更加會出現價錢問題
（秀旺都$11，我當調景嶺<>大角咀要$12~13，分分鐘唔止），貴過796C一半，但速度比796C慢（兜尚德＋將市）。
-- 如果唔兜將南 直入調景嶺 延長去旺角大角咀，夠唔夠客去令小巴公司咁搏又係另一個問題
　（調景嶺人口較將市少，加上有齊796C尾站,觀塘綫）；
-- 如果棄調景嶺 而直比尚德總站直出 延長去旺角大角咀，九巴296C反唔反對先，
　就算九巴唔出到面反對，淨係幫296P加時已經夠大獲，110,110A便會「重組失敗」；
-- 淨返就係直入將軍澳市中心叫做有得做吓，但未100% sure 客量實升之前，
　若貿然撤出調景嶺(796C)、尚德(296C)兩個「地盤」，連反悔嘅機會都無，似乎係幾高風險嘅決定；

與其係咁，不如趁將轉未開之前，盡快鞏固110A喺尚德、調景嶺嘅客源，
唔好做循環線，喺九龍灣計好幾時幾分準時開車，然後直上繞道直衝尚德、將市、調景嶺，
未來啟德parkside啟用之後，直接拉去啟德做總站，做返密條線。

110方面，基本上對尚德同調景嶺「慢又死，疏又死，貴又死」，
而維持不變「惡性循環」落去「又係死」，不如專心做將中＋將市來往九龍城旺角算，
照拉去旺角做雙向總站，價錢12蚊就12蚊，13蚊就13蚊，以總站兼特快做賣點，唔再經九龍灣，
唔夠客嘅可以類似葉議員咁建議停經寶琳區景林邨景榕樓獨市位，以特快吸客，轉虧為盈，唔使減班，
去程食少1枝燈(將站>將天>泳池>頌明)，回程食少3枝燈(景榕>泳池>將中>將站)，
同樣係計好幾時幾分準時開車，亦截埋秦議員建議嘅將旺小巴糊，分分鐘好似當年796B咁成功翻身；
鍾意做海天晉嘅可以兜埋落去，總好過而家110咁喺海天晉轉個大圈先上市中心。

當然，都好睇其他持分者、運署、小巴公司嘅取態嘅，
視乎想繼續「惡性循環」定係以「唔同補償方案」去作為「110系重組」嘅誘因，補償方案例如：
-- 110繁忙時間增特別班次，繼續維持繞經調景嶺及尚德，唔經寶琳區景林邨景榕樓等；或
-- 110A雙向總站，兼加密班次至全日5-15分鐘一班；或
-- 繁忙時間開觀塘商貿區特別班次，以滿足地方聲音，例如 110B 觀碼>觀濱>觀塘道>直達將軍澳南
p.s. 預咗比某拙人鬧「直出直入」乜乜物物，若有更好嘅方案助110系改善經營環境，歡迎提出討論