2021年2月6日實施東鐵9卡/12卡車混跑

而家都應該復哂工，大圍站九龍塘站上下繁情況如何？

PF2802 發表於 2021-3-23 01:24
而家都應該復哂工，大圍站九龍塘站上下繁情況如何？

我每日大約08:15-08:25在九龍塘觀塘線西行落車，經南大堂轉東鐵南行。

觀塘線情況：每道門有十零人排隊，大部分可即班上，但有少量留後。與疫情前相比大約係50-60%排隊量。
東鐵情況：每班到站的東鐵基本上唔會迫到黐門，但整體客量仍然算係多，大約疫情前70-80%。

另外，鑽石山就熱鬧喇，觀塘線東行會有人留後。

但要注意，一旦班次有少少延誤，兩線儲客量都會快速飆升，試過有一日在鑽石山等西行車，兩班車隔得比較疏，鑽石山上車都要企門邊。

每日08:45左右都會響大圍站轉車
東鐵綫南行一般都無人留後 (除非前後車隔得比較遠)
至於屯馬綫一期南行，就全車平均只係坐滿加企少少人 (但第6同7卡會明顯比較多人，因為鑽石山近扶手電梯位)

其實而家有幾多抽9卡車出街行？

士刁拔尼．奧 發表於 2021-4-6 20:22
其實而家有幾多抽9卡車出街行？

平日通常有６抽 (間中派７抽） R車 出來同時服務。